'നിന്റെ കഥ പൊളിഞ്ഞു.... നീ തീർന്നു....'; കോടതി ടാസ്കിനിടെ റോബിനോട് ഏറ്റുമുട്ടി വൈൽഡ് കാർഡ് എൻട്രീസ്!

പിന്നീട് അത് വലിയ വഴക്കിലേക്ക് നീങ്ങിയെന്നും പ്രമോയിൽ നിന്നും വ്യക്തമാണ്. വഴക്കിനിടയിൽ റോബിനോട് 'നിന്റെ കഥ പൊളിഞ്ഞു.... നീ തീർന്നു'വെന്ന് റിയാസ് പറയുന്നതും പ്രമോയിൽ കാണാം.

ഇത്രയും നാൾ വീട്ടിൽ സെയ്ഫ് ​ഗെയിം കളിച്ചവരെയെല്ലാം കൊണ്ട് പണിയെടുപ്പിക്കുന്ന എന്ന ലക്ഷ്യത്തോടെയാണ് തങ്ങൾ വന്നിരിക്കുന്നതെന്നും ഇനി കളി മാറാൻ പോവുകയാണെന്നും വീട്ടിലേക്ക് കയറും മുമ്പ് വൈൽഡ് കാർഡുകളായ റിയാസും സലീമും പറഞ്ഞിരുന്നു.

വീട്ടിലേക്ക് കയറും മുമ്പ് തങ്ങളുടെ പവർ ഉപയോ​ഗിച്ച് നോമിനേഷനിലുള്ള ലക്ഷ്മിപ്രിയയെ റിയാസും വിനയിയും ചേർന്ന് രക്ഷിച്ചിരുന്നു.

റോബിൻ ലവ് ട്രാക്ക് മാത്രം കളിച്ച് ഫൈനൽ ഫൈവ് വരെ എത്തിപ്പെടാനുള്ള എല്ലാ ശ്രമങ്ങളും നടത്തുന്നുണ്ടെന്നും അതെല്ലാം പൊളിക്കുമെന്നും റിയാസും വിനയിയും വ്യക്തമാക്കിയിരുന്നു.

ഇപ്പോൾ വീട്ടിലുള്ള മത്സരാർഥികളുടെ പല വിഷയങ്ങളിലും തീരുമാനങ്ങളിലും എതിർപ്പുള്ളവരാണ് റിയാസും വിനയിയുമെന്നതിനാൽ വരും ദിവസങ്ങളിലും കൂടുതൽ കലാപങ്ങൾ വീട്ടിലുണ്ടാകാനുള്ള സാധ്യത വളരെ കൂടുതലാണ്.

വീടിന് പുറത്ത് ഏറ്റവും കൂടുതൽ ആരാധകരുള്ള മത്സരാർഥിയാണ് റോബിൻ. ഇതുവരെ പുറത്ത് നിന്നും വീടിനകത്ത് നിന്നും കണ്ടതും പുറത്ത് നടന്ന കാര്യങ്ങളും വീട്ടിൽ ആരുമായും പങ്കുവെക്കാൻ പാടില്ലെന്ന നിർദേശത്തോടെയാണ് ഇരുവരെയും ബി​ഗ് ബോസ് വീട്ടിലേക്ക് അയച്ചത്.

മത്സരാർത്ഥികൾക്കുള്ള ജന പിന്തുണയെ കുറിച്ച് പറയരുതെന്നും ബി​ഗ് ബോസ് പ്രത്യേകം പറഞ്ഞിരുന്നു. ഇക്കാര്യങ്ങൾ ലംഘിച്ചാൽ യാതൊരു മുന്നറിയിപ്പുമില്ലാതെ ഷോയിൽ‌ നിന്നും നിഷ്‍കരുണം പുറത്താക്കുമെന്നും ബി​ഗ് ബോസ് താക്കീത് നൽകിയിട്ടുണ്ട്.

കൃത്യമായ ഗെയിം പ്ലാനുമായാണ് താൻ വീട്ടിനുള്ളിലേക്ക് വരുന്നതെന്ന് പറഞ്ഞുകൊണ്ടാണ് റിയാസ് സലിം എത്തിയത്. കപ്പും കൊണ്ട് പോകുമെന്ന് പ്രഖ്യാപിച്ചാണ് വിനയിയും എത്തിയത്.

നോമിനേഷനിൽ വന്നവരെ കുറിച്ച് വിനയിയും റിയാസും സംസാരിക്കുന്ന ഓഡിയോ ബി​ഗ് ബോസ് വീട്ടിലെ മറ്റ് മത്സരാർ‌ഥികളെ കേൾപ്പിച്ചരുന്നു.

Recommended Video

പോകുന്നതിന് മുന്നേ പുറകെ നടന്ന് സ്ട്രാറ്റജി പറഞ്ഞു കൊടുത്തു | Ronson's Wife Dr Neeraja Interview

അതിനാൽ തന്നെ ഇരുവരും വീട്ടിലേക്ക് പ്രവേശിക്കും മുമ്പ് തന്നെ മറ്റ് മത്സരാർഥികളെല്ലാം റിയാസിനും വിനയിക്കുമെതിരെ പ്ലാനുകളും പുതിയ തീരുമാനങ്ങളും ആലോചിച്ച് തുടങ്ങിയിരുന്നു.

അതുവരെ ഈർക്കിൽ കുത്തികളിച്ച് ഇരുന്നവരെല്ലാം ഒരു നിമിഷം കൊണ്ടാണ് സടകുടഞ്ഞ് എഴുന്നേറ്റ് ആക്ടീവായി ​ഗെയിം കളിക്കാൻ‍ തുടങ്ങിയത്.

മത്സരാ​ർഥികളെകൊണ്ട് മാത്രമല്ല കാണുന്ന പ്രേക്ഷകരെ കൊണ്ട് പോലും ​ഗെയിം ഓരോ പ്രമോ പുറത്ത് വിടുമ്പോഴും ബി​ഗ് ബോസ് ​ഗെയിം കളിപ്പിക്കുന്നുണ്ട്. വൈൽഡ് കാർഡുകൾ കൂടി വന്നതോടെ ബി​ഗ് ബോസിന് പ്രേക്ഷകർ കൂടിയിട്ടുണ്ട്.