സീരിയല്‍ താരങ്ങളെല്ലാം ബിഗ് ബോസിലേക്ക്; ഏകദേശം സാധ്യതയുള്ള മത്സരാര്‍ഥികളുടെസീരിയല്‍ ത പേര് വിവരങ്ങള്‍ പുറത്ത്

പുതിയ സീസണില്‍ പങ്കെടുക്കാന്‍ സാധ്യതയുള്ള മത്സരാര്‍ഥികള്‍ എന്ന തരത്തില്‍ നിരവധി പ്രവചനമാണ് സോഷ്യല്‍ മീഡിയയില്‍ നടക്കുന്നത്. അടുത്തിടെ വൈറലായ പലരുടെയും പേരുകള്‍ ഇതിനകം പ്രെഡിക്ഷന്‍ ലിസ്റ്റില്‍ വന്നിട്ടുണ്ട്. ഈ താരങ്ങളൊന്നും ബിഗ് ബോസിനെ കുറിച്ച് സംസാരിക്കുകയോ പോവാന്‍ സാധ്യതയുണ്ടെന്നുള്ള സൂചനകളൊന്നും നല്‍കിയിട്ടുമില്ല. എന്നിരുന്നാലും തൊണ്ണൂറ് ശതമാനത്തോളം സാധ്യതയുള്ള ചിലരെ കുറിച്ചാണ് പുതിയൊരു റിപ്പോര്‍ട്ട് വന്നിരിക്കുന്നത്.

എല്ലാ മേഖലയില്‍ നിന്നുള്ളവരും ബിഗ് ബോസില്‍ ഉണ്ടാവുമെങ്കിലും ഇത്തവണ സീരിയല്‍ താരങ്ങള്‍ക്ക് കുറച്ച് പ്രധാന്യം കൂടുമെന്നാണ് അറിയുന്നത്. അത്തരത്തിലൊരു പ്രെഡിക്ഷന്‍ ലിസ്റ്റാണ് പ്രചരിക്കുന്നത്.

നേരത്തെ മുതല്‍ ബിഗ് ബോസിലേക്ക് ഉണ്ടാവുമെന്ന് പലരും പറഞ്ഞിട്ടുള്ള ആളാണ് നടന്‍ ജിഷിന്‍ മോഹന്റേത്. അത് തന്നെയാണ് ഒന്നാമത്തേത്. സീരിയലുകളില്‍ നായകനായും വില്ലനായിട്ടുമൊക്കെ അഭിനയിച്ചിട്ടുള്ള ജിഷിന്‍ ഇത്തവണ ബിഗ് ബോസില്‍ ഉണ്ടാവുമെന്നാണ് അറിയുന്നത്.

വാനമ്പാടി അടക്കം നിരവധി ഹിറ്റ് സീരിയലുകളുടെ ഭാഗമായ നടി ഉമ നായരും ബിഗ് ബോസില്‍ പങ്കെടുത്തേക്കും. തൊണ്ണൂറ് ശതമാനം സാധ്യതയാണ് ഉമയ്ക്കുള്ളത്.

സീരിയലില്‍ നിന്നും വരാന്‍ സാധ്യതയുള്ള മറ്റൊരു നടന്‍ ഷിജുവാണ്. ചോക്ലേറ്റ് നായകനായി സിനിമയിലടക്കം അഭിനയിച്ചിട്ടുള്ള ഷിജു നിലവില്‍ നീയും ഞാനും എന്ന സീരിയലിലെ നായകവേഷത്തില്‍ തിളങ്ങി നില്‍ക്കുകയാണ്. ചാന്‍സുകളുണ്ടെങ്കിലും ഷിജു ഷോ യില്‍ ഉണ്ടാവുമോ എന്നത് വ്യക്തമല്ല.

അമ്പിളി ദേവിയും ബിഗ് ബോസ് ഫൈവില്‍ മത്സരിക്കാന്‍ വന്നേക്കുമെന്നൊരു അഭ്യൂഹമുണ്ട്. അമ്പത് ശതമാനം ചാന്‍സേ അമ്പിളിയുടെ കാര്യത്തില്‍ കൊടുക്കാന്‍ സാധിക്കുയുള്ളു. രണ്ട് മക്കളുടെ കാര്യം നോക്കി ഡാന്‍സുമായി മുന്നോട്ട് പോകുന്ന അമ്പിളി അടുത്തിടെയാണ് സീരിയലിലേക്ക് തിരിച്ച് വരവ് നടത്തിയത്. ഒന്നിലധികം സീരിയലുകളില്‍ അഭിനയിക്കുന്ന അമ്പിളിയും ഷോ യുടെ ഭാഗമായേക്കാമെന്നാണ് കരുതപ്പെടുന്നത്.

ഇതിനിടെ സിനിമയില്‍ നിന്നും രണ്ട് നടന്മാരുടെ പേരുകള്‍ കൂടി പറയപ്പെടുന്നുണ്ട്. ഒന്ന് നടന്‍ ശ്രീനാഥ് ഭാസിയുടേതാണ്. അടുത്തിടെ ചില വിവാദങ്ങളുണ്ടാക്കിയ ശ്രീനാഥ് ബിഗ് ബോസില്‍ പങ്കെടുത്ത് തന്റെ നിലാപാടുകള്‍ വ്യക്തമാക്കാന്‍ സാധ്യതയുള്ളതായിട്ടാണ് അറിയുന്നത്. എന്നാല്‍ നടന്റെ കാര്യവും അമ്പത് ശതമാനം ഉറപ്പിച്ചേ പറയാനാകൂ..

അടുത്തത് നടന്‍ ബാലയാണ്. കഴിഞ്ഞ കുറേ കാലമായി സോഷ്യല്‍ മീഡിയയില്‍ ബാലയുടെ വിവാദങ്ങളാണ്. നടനായി പടച്ച് വിടുന്നതും അല്ലാത്തതുമായ നിരവധി പ്രശ്‌നങ്ങളാണ് ഉണ്ടായിട്ടുള്ളത്. അതുകൊണ്ട് തന്നെ ബാലയും ബിഗ് ബോസിലേക്ക് വരാന്‍ പകുതി ചാന്‍സുള്ളതായിട്ടാണ് പറയപ്പെടുന്നത്.