'ഹീറോയാകാമെന്ന് കരുതി ചെയ്തതാ... പക്ഷെ ചമ്മിപ്പോയി, അവൻ ജുനൈസിനെ ഇൻഫ്ലൂവൻസ് ചെയ്തു'; റോബിനെ കുറിച്ച് റിയാസ്!

നാൽ‌പ്പത് ദിവസങ്ങൾ കൂടി കഴിയുമ്പോൾ ബി​ഗ് ബോസ് മലയാളം സീസൺ ഫൈവിനും പരിസമാപ്തിയാകും. പത്താം ആഴ്ചയിലൂടെയാണ് സീസൺ ഫൈവ് സഞ്ചരിക്കുന്നത്. ഹൗസിൽ പതിനൊന്ന് പേരാണ് കപ്പിന് വേണ്ടി മത്സരിക്കുന്നത്.

കഴിഞ്ഞ ദിവസം റിയാസ് സലീമും ഫിറോസ് ഖാനും ചലഞ്ചേഴ്സായി ഹൗസിലേക്ക് പ്രവേശിച്ചിട്ടുണ്ട്. മത്സരാർഥികളെ ഉണർത്തി ​ഗെയിം കുറച്ച് കൂടി ആവേശം നിറഞ്ഞതാക്കുക എന്നതാണ് റിയാസിന്റേയും ഫിറോസിന്റെയും ലക്ഷ്യം.

പക്ഷെ മത്സരാർഥികൾ അവരെ ഒരു എതിരാളികളെപ്പോലെ കണ്ട് ഒന്നിച്ച് നിന്ന് ചലഞ്ചേഴ്സിനെ പരിഹ​സിക്കുകയും കളിയാക്കുകയുമാണ് ചെയ്യുന്നത്. സീസൺ ഫൈവ് ഫ്ലോപ്പായി മാറി കൊണ്ടിരിക്കുകയാണെന്ന് പറയാതെ പറഞ്ഞിട്ടും മത്സരാർഥികൾ ആരും അത് മുഖവുരയ്ക്ക് എടുക്കുന്നില്ല. റിയാസിന്റേയും ഫിറോസിന്റേയും കുറ്റങ്ങൾ കണ്ടുപിടിച്ച് മാറിയിരുന്ന് പരി​ഹസിക്കുന്ന രീതിയും മത്സരാർഥികൾക്കുണ്ട്.

ഇപ്പോൾ ഹൗസിൽ കോടതി ടാസ്ക്കാണ് നടന്നുകൊണ്ടിരിക്കുന്നത്. നല്ലൊരു കേസ് കൊടുത്ത് അത് വായിച്ച് ജയിക്കാൻ ബി​ഗ് ബോസ് അവസരം നൽകിയിട്ടും അതും തമാശയായി കണ്ട് കളിയാക്കുകയാണ് വിഷ്ണു, റിനോഷ് അടക്കമുള്ള മത്സരാ​ർഥികൾ ചെയ്തത്.

ഇപ്പോഴിതാ ചലഞ്ചറായി എത്തിയ റിയാസ് ജുനൈസിനോട് ഒരാഴ്ച മുമ്പ് നടന്ന ഫിസിക്കൽ അസാൾട്ട് വിഷയത്തെ കുറിച്ചും റോബിനെ കുറിച്ചും പറഞ്ഞ കാര്യങ്ങളാണ് വൈറലാകുന്നത്. ഹൗസിൽ കുറച്ചെങ്കിലും നന്നായി മത്സരിച്ചാൽ മുന്നേറി വരാൻ കഴിയുമെന്നും അതിന് പരിശ്രമിക്കണമെന്നും പുതിയ വൈറൽ വീ‍ഡിയോയിൽ ജുനൈസിനോട് റിയാസ് പറയുന്നുണ്ട്.

ശേഷമാണ് തന്നെ അഖിൽ മാരാർ പിടിച്ച് തള്ളിയത് ഫിസിക്കൽ അസാൾ‌ട്ടല്ലേയെന്ന് റിയാസിനോട് ജുനൈസ് ചോദിച്ചത്. റിയാസിന് സംഭവിച്ചത് തന്നെയല്ലേ തനിക്കും സംഭവിച്ചതെന്നും ജുനൈസ് ചോദിക്കുന്നുണ്ട്. എന്നാൽ‌ ജുനൈസിന്റേത് ഫിസിക്കൽ അസാൾ‌ട്ടല്ലെന്നും അങ്ങനെ പറയാനുള്ള കാരണവും റിയാസ് വിവരിച്ച് കൊടുത്തു.

'ഒരാൾ നിന്റെ മുഖം കൈ ഉപയോ​ഗിച്ച് തള്ളുന്നതും അയാളുടെ നെഞ്ച് ഉപയോ​ഗിച്ച് തള്ളുന്നതും തമ്മിൽ വ്യത്യാസമുണ്ട്. അതുകൊണ്ട് അഖിൽ ചെയ്തത് ഫിസിക്കൽ അസാൾട്ടല്ല. അഖിൽ സ്വന്തം ബോഡി കൊണ്ടാണ് ജുനൈസിനെ തള്ളിയത്. ഒരാൾക്കെതിരെ കൈ പൊക്കുന്നത് ഫിസിക്കൽ അസാൾട്ടാണ്. അത് നിങ്ങൾ എല്ലാ ദിവസവും ഇവിടെ ചെയ്യുന്നതല്ലേ?.'

'ഇവിടെ ടാസ്ക്ക് നടക്കുമ്പോൾ‌ റെനീഷയൊക്കെ ആളുകളെ എടുത്തിട്ട് അടിക്കുകയാണ്', റിയാസ് ചിരിച്ചുകൊണ്ട് വിശദമാക്കി. റിയാസ് പറഞ്ഞ് അവസാനിപ്പിച്ചതും ജുനൈസിന്റെ അടുത്ത ചോ‌ദ്യം വന്നു. സാ​ഗർ അഖിലിനെ ലാലേട്ടന്റെ മുമ്പിൽ‌ വെച്ച് തള്ളിയതുകൊണ്ട് ഡയറക്ട് നോമിനേഷനിൽ വന്നിരുന്നു. ആ സമയത്ത് ശാരീരികമായ ഉപദ്രവം എന്നതായിരുന്നു കാരണമായി പറഞ്ഞതെന്നും ജുനൈസ് പറ‍ഞ്ഞു.

സാ​ഗറിന് നേരെ അന്ന് നടപടിയുണ്ടായത് മോഹൻലാലിനെ ബഹുമാനിക്കാത്ത തരത്തിൽ പെരുമാറി എന്നതുകൊണ്ടാണെന്ന് സെറീന ഉടൻ ജുനൈസിന് പറഞ്ഞ് കൊടുത്തു. ജുനൈസിന് അഖിലിൽ നിന്നും നേരിടേണ്ടി വന്നത് ഒരു തരത്തിൽ ഫിസിക്കൽ അസാൾട്ടാണെങ്കിൽ കൂടിയും ​ഗൗരവമേറിയതല്ലെന്നാണ് താൻ പറഞ്ഞതെന്നും റിയാസ് വിശദമാക്കി.

റോബിൻ സ്വന്താമായി ഹീറോയാകാമെന്ന് കരുതി ജുനൈസിനെ ട്രി​ഗർ ചെയ്ത് വിട്ടതാണെന്നും റിയാസ് വീഡിയോയിൽ പറയുന്നുണ്ട്. 'നിനക്ക് സംഭവിച്ചത് ഫിസിക്കൽ അസാൾട്ടാണ്. പക്ഷെ ചെറിയ രീതിയിലുള്ളതാണെന്ന് മാത്രം. റോബിനും നിനക്കും സംഭവിച്ചത് സെയിമല്ല. പക്ഷെ റോബിൻ പറയും... രണ്ടും സെയിം കാര്യമാണെന്ന്. കാരണം അങ്ങനെ പറഞ്ഞതുകൊണ്ട് അഖിൽ മാരാർ പുറത്താവുകയാണെങ്കിൽ റോബിന് ഹീറോയാകാമല്ലോ.'

'സാറ് ഹീറോയാകാമെന്ന് വിചാരിച്ചു... പക്ഷെ ചമ്മിപ്പോയി. അന്ന് സംഭവിച്ചത് ജുനൈസിന്റെ ബുദ്ധിയല്ല. റോബിൻ നിന്നെ ട്രി​ഗർ ചെയ്തതുകൊണ്ട് ഫിസിക്കൽ അസാൾട്ടാണെന്ന് നീ പറഞ്ഞുകൊണ്ടേയിരുന്നു... നടപടി ആവശ്യപ്പെട്ടു. റോബിൻ നിന്നെ ഇൻഫ്ലൂവൻസ് ചെയ്തു. അന്ന് നടപടി ബി​ഗ് ബോസ് എടുത്തിരുന്നെങ്കിൽ വീടിന് പുറത്ത് നീയല്ല റോബിനായിരുന്നു ഹീറോയകാവുക', റിയാസ് കാര്യങ്ങൾ ജുനൈസിന് വിവരിച്ച് കൊടുത്ത് പറഞ്ഞു.