ബിഗ് ബോസിലെ ഹീറോയാണ് ഞാന്‍! ഹീറോയിന്‍ അവളും! തുറന്നു പറഞ്ഞ് ശ്രീനിഷ്‌! വീഡിയോ വൈറല്‍

ശ്രീനിഷും പേളിയും

മറ്റുളള മല്‍സരാര്‍ത്ഥികളെയെല്ലാം ഞെട്ടിച്ചുകൊണ്ടായിരുന്നു പേളിക്ക് അപ്രതീക്ഷിതമായി ശ്രീനിഷ് തന്റെ മോതിരം സമ്മാനിച്ചിരുന്നത്. ഇരുവരും ഒരുമിച്ച് ഇരിക്കുന്നതും സംസാരിക്കുന്നതും മറ്റുളളവര്‍ എപ്പോഴും കാണാറുണ്ടായിരുന്നു. ശ്രീനിഷാണ് പേളിയോട് താല്‍പര്യം കാണിച്ചുകൊണ്ട് ആദ്യം ചെന്നത് എന്നായിരുന്നു എല്ലാവരും പറഞ്ഞത്. മല്‍സരാര്‍ത്ഥികള്‍ പരസ്പരം സംസാരിക്കുന്നതിനിടിയില്‍ എല്ലാം തന്നെ പേളി- ശ്രീനിഷ് പ്രണയത്തെക്കുറിച്ച് സംസാരിക്കുമായിരുന്നു, ഷിയാസിനെയും അതിഥിയെയും ആയിരുന്നു എല്ലാവരും ആദ്യം പ്രണയ ജോഡികളായി കണ്ടിരുന്നത്. എന്നാല്‍ ഇരുവരും തമ്മില്‍ അങ്ങനെയൊന്നുമില്ലെന്ന് കണ്ടപ്പോള്‍ പേളി-ശ്രീനിഷ് പ്രണയത്തിലേക്ക് എല്ലാവരും ഉറ്റുനോക്കുകയായിരുന്നു

മോതിരക്കഥ വിഷയമായി

ശ്രീനിഷിനും പേളിക്കുമിടയില്‍ ഉളള മോതിര കഥ അറിഞ്ഞതോടെയാണ് എല്ലാവരും ഇവര്‍ക്കു പിന്നാലെ കൂടിയത്. ഇതേക്കുറിച്ച് രഹസ്യമായും പരസ്യമായും ബിഗ് ബോസ് ഹൗസില്‍ ചര്‍ച്ചകള്‍ സജീവമായിരുന്നു. കാമുകി കാമുകന്‍മാരായ ഇരുവരുടെയും ഓരോ നീക്കങ്ങളും മറ്റുളള മല്‍സരാര്‍ത്ഥികളെല്ലാം തന്നെ ശ്രദ്ധയോടെ വീക്ഷിക്കുന്നുണ്ടായിരുന്നു.പേളി മല്‍സരം അവസാനിപ്പിക്കുവാന്‍ വരെ ആലോചിച്ച സമയത്തായിരുന്നു ധൈര്യം നല്‍കാനായി ശ്രീനിഷ് തന്റെ മോതിരം പേളിക്ക് നല്‍കിയിരുന്നത്.

രഞ്ജിനി പറഞ്ഞത്

ബിഗ് ബോസ് ഹൗസില്‍ പേളിയുടെ ഉറ്റ സുഹൃത്താണ് അരിസ്റ്റോ സുരേഷ്. ബിഗ് ബോസിലെ മറ്റുളളവര്‍ എല്ലാം ഇക്കാര്യം അറിഞ്ഞിരുന്നെങ്കിലും അരിസ്‌റ്റോ സുരേഷിന് ഇതേക്കുറിച്ച് അറിയില്ലായിരുന്നു. രഞ്ജിനിയായിരുന്നു ഇക്കാര്യം അരിസ്റ്റോ സുരേഷിനോട് പറഞ്ഞിരുന്നത്. അവര്‍ തമ്മില്‍ എന്തോ ഉണ്ടെന്നും അത് കണ്ട മൂന്ന് പേരാണ് തന്നോട് ഇക്കാര്യം പറഞ്ഞതെന്നുമായിരുന്നു രഞ്ജിനി സുരേഷിനോട് പറഞ്ഞിരുന്നത്.

ഹീറോയാണ് താനെന്ന് ശ്രീനിഷ്

കഴിഞ്ഞൊരു എപ്പിസോഡിലായിരുന്നു ബിഗ് ബോസ് ഹൗസിലെ ഹീറോയാണ് താനെന്ന് ശ്രീനിഷ് പറഞ്ഞത്. അതിഥിക്കും പേളിക്കും മുന്‍പില്‍ വെച്ചായിരുന്നു ശ്രീനിഷ് ഇക്കാര്യം പറഞ്ഞത്. നമ്മള്‍ എന്തും ഗെയിം ആയിട്ട് കളിച്ചാല്‍ മനസില്‍ ഒരു പ്രശ്‌നവും ഉണ്ടാവില്ലെന്ന് ശ്രീനിഷ് പറയുന്നു. ബിഗ് ബോസിലെ എല്ലാവരെയും ഓരോരോ ക്യാരക്ടറായി നോക്കണമെന്നും തന്നെ ഇനി മുതല്‍ ഹീറോയായി കാണണമെന്നും ശ്രീനിഷ് അതിഥിക്കും പേളിക്കു മുന്നില്‍ വെച്ച് പറഞ്ഞു

ഹീറോയിന്‍ പേളി

താന്‍ ഹിറോയാവുമ്പോള്‍ ഹീറോയിന്‍ പേളിയായിരിക്കുമെന്നും ശ്രീനിഷ് പറഞ്ഞു. പേളിക്കും അതിഥിക്കും മുന്നില്‍ ചെറിയൊരു നാണത്തോടെയാണ് ശ്രീനിഷ് ഇക്കാര്യം പറഞ്ഞത്. ഇക്കാര്യം ലാലേട്ടനോട് പറയുമെന്ന് പേളി പറഞ്ഞപ്പോള്‍ ലാലേട്ടന്‍ അറിയട്ടേ എന്നായിരുന്നു ശ്രീനിഷ് മറുപടി പറഞ്ഞത്

സെക്കന്‍ഡ് ഹീറോയിന്‍ അതിഥി

ബിഗ് ബോസ് ഹൗസില്‍ പേളി ഹീറോയിന്‍ ആവുമ്പോള് അതിഥി സെക്കന്‍ഡ് ഹീറോയിന്‍ ആണെന്നും ശ്രീനിഷ് പറഞ്ഞു. എന്നാല്‍ തനിക്ക് സെക്കന്‍ഡ് ഹീറോയിന്‍ ആവേണ്ടെന്നാണ് അതിഥി പറഞ്ഞത്. ഹീറോയിന്‍ ആക്കിയില്ലെങ്കില്‍ അവള്‍ പിണങ്ങുമെന്നാണ് പേളിയെ നോക്കി ശ്രീനിഷ് പറഞ്ഞത്.

വീഡിയോ കാണൂ

വീഡിയോ കാണൂ