ബിഗ് ബോസിൽ നിന്ന് ലഭിച്ച സമ്മാനം റംസാനും നോബിക്കും നൽകി അഡോണി, ഇതു മാത്രമേയുള്ളൂ...

മോഹൻലാലിന്റെ ഫലം പ്രഖ്യാപനം ഏറെ ഞെട്ടലോടെയാണ് മത്സാരാർഥികൾ കേട്ടത്. പ്രേക്ഷകരുടെ തീരുമാനമാണ് ഇതെന്ന് പറഞ്ഞു കൊണ്ടായിരുന്നു അഡോണിയെ പുറത്തേയ്ക്ക് ലാലേട്ടൻ ക്ഷണിച്ചത്. നിറ കണ്ണുകളോടെയാണ് അഡോണി വീട്ടിൽ നിന്ന് ഇറങ്ങിയത്. തനിക്ക് ആരോടും മത്സരമില്ലെന്നും തന്നോട് തന്നെയാണ് ഞാൻ മത്സരിച്ചതെന്നും ബിഗ് ബോസ് ഹൗസിൽ നിന്ന് യാത്ര പറയവെ അഡോണി പറഞ്ഞിരുന്നു.

ബിഗ് ബോസ് ഹൗസൽ നിന്ന് അഡോണിയുടെ അപ്രതീക്ഷിത വിട പറച്ചിൽ ഏറ്റവും കൂടുതൽ തളർത്തിയത് റംസാനെ ആയിരുന്നു. ഹൗസിലെ അടുത്ത സുഹൃത്തുക്കളായിരുന്നു ഇവർ. പൊട്ടിക്കര‍ഞ്ഞ് കൊണ്ടാണ് റംസാൻ അഡോണിയുടെ റിസൾട്ട് കേട്ടത്. അതുപോലെ തന്നെ നോബിയും ഏറെ വൈകാരികമായിട്ടാണ് പ്രതികരിച്ചത്. അഡോണിയുമായി വളരെ അടുത്ത ബന്ധമായിരുന്നു നോബിക്കും സായിയും ഋതുവുമായുള്ള പ്രശ്നങ്ങളെല്ലാം പറഞ്ഞ് തീർത്തതിന് ശേഷമായിരുന്നു അഡോണി പടി ഇറങ്ങിയത്.

കൂടാതെ തന്റെ അടുത്ത സുഹൃത്തുക്കൾക്ക് സ്നേഹ സമ്മാനവും നൽകിയിരന്നു. നീതിമാനുളള മ്യൂച്ചൽ ഫണ്ടന്റ കോയിനാണ് നോബിക്കും റംസാനും നൽകിയത്. തനിക്ക് കൊടുക്കാൻ വേറൊന്നുമില്ല ഇതു മാത്രമേയുള്ളൂവെന്ന് പറഞ്ഞു കൊണ്ടാണ് കോയിനുകൾ അടുത്ത സുഹൃത്തുക്കൾക്ക് നൽകിയത്. നോബിയും റംസാനും വാവിട്ടുകരഞ്ഞു കൊണ്ടാണ് ഇത് സ്വീകരിച്ചത്.സന്തോഷത്തോടെയാണ് ഞാൻ പോകുന്നതെന്നും ഇനിയും കാണാം എന്ന് പറഞ്ഞാണ് അഡോണി യാത്രപറഞ്ഞ് പുറത്തേക്കിറങ്ങിയത്.

Recommended Video

Pradeep Chandran Exclusive Interview | നോബിയോ മണിക്കുട്ടനോ ജയിക്കണം FilmiBeat Malayalam

ഇത്രയും ദിവസം ഇവിടെ നിൽക്കുമെന്ന് പ്രതീക്ഷിച്ചിരുന്നില്ലെന്ന് അഡോണി മോഹൻലാലിനോട് പറഞ്ഞു. ഷോയിൽ നിന്ന് പടി ഇറങ്ങും മുൻപ് തന്റെ സുഹൃത്തിക്കളെ ഒരിക്കൽ കൂടി കാണിച്ചു കൊടുക്കുകയായിരുന്നു മോഹൻലാൽ. നിറ കണ്ണുകളുമായി ഇരിക്കുന്ന റംസാനെയായിരുന്നു കണ്ടത്. നീ കരഞ്ഞാൽ ഞാൻ പോയിട്ട് കരയുമെന്ന് റംസാനോട് അഡോണി പറഞ്ഞു. എല്ലാവരും നല്ലത് പോലെ കളിക്കണമെന്ന് ഓരോരുത്തരോടായ പറഞ്ഞ ശേഷമാണ് അഡോണി തന്റെ ബിഗ് ബോസ് ഷോയിൽ നിന്ന് പുറത്തു പോയത്.അഡോണി വളരെ മനോഹരമായി കളിച്ചുവെന്നും ലാലും പറഞ്ഞു.