റോബിനെ പോലെ മറ്റൊരാൾ ബി​ഗ് ബോസിൽ; ആം​ഗ്രി യങ് മാൻ കപ്പടിച്ചു; ലഭിച്ച തുകയിത്ര

ഈ വിമർശകരെക്കൂടി നാലാ സീസണിലെ പ്രേക്ഷകരാക്കാൻ ബി​ഗ് ബോസിന് കഴിഞ്ഞു എന്നതും ശ്രദ്ധേയമാണ്. ഇവർക്ക് പറ്റിയ തരത്തിലുള്ള മത്സരാർത്ഥികളെ എത്തിച്ചാണ് ബി​ഗ് ബോസ് ഇത് സാധ്യമാക്കിയത്. ഫലത്തിൽ‌ അവ​ഗണിക്കാൻ നോക്കിയാലും അതിന് പറ്റാത്ത ഷോ ആയി ബി​ഗ് ബോസ് മാറി. മലയാളത്തിൽ അഞ്ചാം സീസണിനായി പ്രേക്ഷകർ കാത്തിരിക്കുകയാണ്.

നിലവിൽ ബി​ഗ് ബോസിന്റെ ഹിന്ദി സീസൺ നടന്ന് കൊണ്ടിരിക്കുകയാണ്. കഴിഞ്ഞ ദിവസമാണ് ബി​ഗ് ബോസിന്റെ മറാത്തി സീസൺ അവസാനിച്ചത്. ടെലിവിഷൻ നടനായ അക്ഷയ് കെൽകർ ആണ് നാലാം സീസണിൽ വിജയി ആയത്.

ഇദ്ദേഹത്തിന് വിന്നറായ ശേഷം ലഭിച്ച സമ്മാനങ്ങളാണ് ഇപ്പോൾ ശ്രദ്ധ നേടുന്നത്. 15,55,000 രൂപയാണ് ബി​ഗ് ബോസിൽ നിന്നും ഇദ്ദേഹത്തിന് ലഭിച്ച പ്രെെസ് മണി. സ്പോൺസർമാരിൽ നിന്നും 5 ലക്ഷം രൂപ വേറെയും ഒരു ​സ്വർണ മാലയും ലഭിച്ചു. ബെസ്റ്റ് ക്യാപ്റ്റൻ ആയതിനാണ് സ്പോൺസർ കമ്പനികളുടെ സമ്മാനം ലഭിച്ചത്.

അപൂർവ നെംലെകർ ആയിരുന്നു ഫസ്റ്റ് റണ്ണർ അപ്പ്. കിരൺ മാനേ സെക്കന്റ് റണ്ണർ അപ്പുമായി. ഷോയിൽ മികച്ച മത്സരം കാഴ്ച വെച്ചെങ്കിലും വിജയി ആയ അക്ഷയ് കെൽകർ ഷോയിൽ ഉടനീളം വിവാ​ദത്തിൽ അകപ്പെട്ടിരുന്നു.

ആം​ഗ്രി യംങ് മാൻ ആയാണ് ഷോയിൽ ഇദ്ദേഹം അറിയപ്പെട്ടത്. ശാരീരികമായ ആക്രമണങ്ങൾ വരെ ഇദ്ദേഹത്തിന്റെ ഭാ​ഗത്ത് നിന്ന് ഉണ്ടായി. ഷോയുടെ അവതാരകൻ മഹേഷ് മജ്ഞേരക്കർ ഏറ്റവും കൂടുതൽ തവണ മുന്നറിയിപ്പ് നൽകിയതും അക്ഷയ് കെൽകറിനാണ്.

സുപീരിയറ്റി കോംപ്ലക്സുള്ള ആളാണ് അക്ഷയ് എന്നും അവതാരകൻ വിമർശിച്ചിരുന്നു. അതേസമയം പുറത്ത് വലിയ ജന പിന്തുണ ആയിരുന്നു അക്ഷയ്ക്ക് ഉണ്ടായിരുന്നത്. ഹിന്ദിയിലാണ് ബി​ഗ് ബോസിന്റെ ഏറ്റവും കൂടുതൽ സീസണുകൾ പിന്നിട്ടത്.

16ാം സീസണാണ് ബി​ഗ് ബോസിൽ ഇപ്പോൾ നടന്ന് കൊണ്ടിരിക്കുന്നത്. സൽമാൻ ഖാൻ ആണ് ഷോയുടെ അവതാരകൻ. അടുത്തിടെ ആണ് തെലുങ്കിൽ ബി​ഗ് ബോസിന്റെ ആറാം സീസൺ കഴിഞ്ഞത്. നാ​ഗാർജുന ആണ് ഷോയുടെ അവതാരകൻ ആയെത്തിയത്.

കമൽ ​ഹാസൻ നയിക്കുന്ന ബി​ഗ് ബോസ് തമിഴ് ആറാം സീസൺ നടന്ന് കൊണ്ടിരിക്കുകയാണ്. മലയാളത്തിൽ ബി​ഗ് ബോസിന്റെ അഞ്ചാം സീസണിനായി കാത്തിരിക്കുകയാണ് ആരാധകർ. ഡാൻസർ ദിൽഷ പ്രസന്ന ആണ് ബി​ഗ് ബോസ് നാലാം സീസണിൽ വിജയി ആയത്. കടുത്ത മത്സരം നടന്ന സീസണാണ് കഴിഞ്ഞ് പോയത്.