ബിഗ് ബോസ് ഒടിടിയിലെ അപകടകാരിയായ മല്‍സരാര്‍ത്ഥി, ആരെന്ന് പറഞ്ഞ് ഉര്‍ഫി ജാവേദ്

ഷോ തുടങ്ങി ആദ്യ ആഴ്ചയില്‍ തന്നെ നിരവധി വഴക്കുകളാണ് മല്‍സരാര്‍ത്ഥികള്‍ തമ്മിലുണ്ടായത്. തുടക്കത്തില്‍ തന്നെ സഹമല്‍സരാര്‍ത്ഥികളെ തളര്‍ത്തുക എന്ന രീതിയാണ് പലരും ബിഗ് ബോസ് ഒടിടിയില്‍ നടപ്പിലാക്കുന്നത്. അതേസമയം ബിഗ് ബോസ് അനുഭവം പങ്കുവെച്ച് ഉര്‍ഫി ജാവേദ് എത്തിയിരുന്നു. ബോളിവുഡ് ലൈഫിന് നല്‍കിയ അഭിമുഖത്തില്‍ ഇത്തവണ എറ്റവും അപകടകാരിയായ മല്‍സരാര്‍ത്ഥി ആരാണെന്ന് പറഞ്ഞിരിക്കുകയാണ് നടി.

പാവമാണെന്ന് നടിച്ച് എന്നാല്‍ സമര്‍ത്ഥമായി ഗെയിം കളിക്കുന്ന ആരെങ്കിലും ഉണ്ടോ എന്ന ചോദ്യത്തിന് നേഹ ഭാസിന്‌റെ പേരാണ് ഉര്‍ഫി ജാവേദ് പറഞ്ഞത്. ഷോയില്‍ നിന്ന് പുറത്തായ ശേഷം അവള്‍ എന്നെകുറിച്ച് എന്തൊക്കെയാണ് പറയുന്നത് എന്ന് ഞാന്‍ കണ്ടു. പക്ഷെ ഞാന്‍ വീട്ടിനുളളിലുളള സമയത്ത് അവള്‍ വളരെ സ്വീറ്റായിട്ടുളള ഒരാളായിരുന്നു. എന്‌റെ പിറകില്‍ നിന്ന് എനിക്കെതിരെ കളിക്കുന്ന ആളുകളെ എനിക്ക് മനസിലാകുന്നില്ല, നടി പറഞ്ഞു.

മറ്റ് മല്‍സരാര്‍ത്ഥികള്‍ നേഹയെ സൂക്ഷിക്കണമോ എന്ന ചോദ്യത്തിന് അതെ എന്നും താരം മറുപടി നല്‍കി. സീഷാന്‍ ഖാന്‍ എന്ന മല്‍സരാര്‍ത്ഥിയെ കുറിച്ചും ഉര്‍ഫി ജാവേദ് തുറന്നുപറഞ്ഞു. ബിഗ് ബോസ് ഷോയില്‍ പങ്കെടുക്കാന്‍ അയാള്‍ അര്‍ഹനല്ലെന്നും അദ്ദേഹത്തിന് മൂല്യങ്ങളില്ലെന്നും ആണ് നടി പറഞ്ഞത്. അതേസമയം ബിഗ് ബോസ് ഒടിടിയില്‍ നിഷാന്ത് ഭട്ട് കൂടുതല്‍ നാളുകള്‍ ഉണ്ടാകുമെന്നും ഉര്‍ഫി പറഞ്ഞു. ബിഗ് ബോസ് വീട്ടില്‍ പ്രവേശിച്ച് ഒരാഴ്ചയ്ക്കുള്ളില്‍ തന്നെ പുറത്താക്കപ്പെട്ടതില്‍ വളരെ വിഷമം തോന്നിയെന്നും താരം പറഞ്ഞു.

പുറത്താക്കപ്പെടുമെന്ന് പ്രതീക്ഷിച്ചിരുന്നില്ല, അതിനാല്‍ ബാഗുകള്‍ പോലും പായ്ക്ക് ചെയ്തിരുന്നില്ല. ഇത് എനിക്ക് മോശമായി തോന്നുന്നു. ഒരാഴ്ചയാണ് നിന്നത്? അവസാനം വരെ നില്‍ക്കാന്‍ അര്‍ഹയാണെന്ന് ഞാന്‍ കരുതുന്നു, അഭിമുഖത്തില്‍ ഉര്‍ഫി ജാവേദ് വ്യക്തമാക്കി. അതേസമയം ഉര്‍ഫി പുറത്തായ ശേഷം ഷെഹനാസ്, സിദ്ധാര്‍ത്ഥ് തുടങ്ങിയവര്‍ ബിഗ് ബോസ് ഹൗസില്‍ പ്രവേശിച്ചിരുന്നു.