ഞാൻ ജീവിച്ചിരിക്കാനുള്ള ഒരേയൊരു കാരണം മകളാണ്, ആര്യയുടെ വാക്കുകൾ വൈറൽ

ഫെബ്രുവരി 17 ന് ആയിരുന്നു ആര്യയുടെ മകൾ റോയയുടെ പിറന്നാൾ. മകളുടെ ജന്മദിനം ആര്യ ആഘോഷമാക്കിയിരുന്നു. ചിത്രങ്ങളും മറ്റും പങ്കുവെയ്ക്കുകയും ചെയ്തിരുന്നു. ഇപ്പോഴിത മകളെ കുറിച്ചെഴുതിയ നടിയുടെ വാക്കുകൾ സോഷ്യൽ മീഡിയയിൽ വൈറലാവുകയാണ്. ആര്യയുടെ പോസ്റ്റ് ആരാധകരും ഏറ്റെടുത്തിട്ടുണ്ട്. എന്റെ ഹൃദയവും ആത്മാവും ഒക്കെയാണ് എന്റെ മകൾ എന്ന് പറഞ്ഞു കൊണ്ടാണ് കുറിപ്പ് ആരംഭിക്കുന്നത്.

അവൾ എന്റെ അമ്മയാണ്, എന്റെ മകളാണ്, എന്റെ ഏറ്റവും നല്ല സുഹൃത്താണ് , എന്റെ ആത്മാവ്‌, എന്റെ ലോകം എല്ലാം അവൾ ആണ്. മാത്രമല്ല എനിക്ക് മുന്നോട്ട് പോകാനുള്ള കാരണവും, ഞാൻ ഇന്ന് ജീവിച്ചിരിക്കാനുള്ള ഒരേയൊരു കാരണവും എന്റെ മകൾ ആണ്. ഒരായിരം ജന്മദിനാശംസകൾ കുഞ്ഞേ.. മമ്മ നിന്നെ എത്രമാത്രം സ്നേഹിക്കുന്നു എന്ന് വാക്കുകൾ കൊണ്ട് വർണ്ണിക്കുവാൻ സാധിക്കില്ല എന്നും ആര്യ കുറിപ്പിലൂടെ പറയുന്നു.

കഴിഞ്ഞ വർഷത്തെ ഖുശിയുടെ പിറന്നാളിന് ആര്യ കൂടെയില്ലായിരുന്നു. പിറന്നാൾ ദിവസം ആര്യ ബിഗ് ബോസ് വീടിനുള്ളിൽ ആയിരുന്നു. അതിനാൽ അച്ഛൻ രോഹിത് സുശീലനോടൊപ്പമായിരുന്നു റോയയുടെ പിറന്നാൾ. ജന്മദിനത്തിന്റെ ചിത്രങ്ങൾ സോഷ്യൽ മീഡിയയിൽ വൈറലായിരുന്നു.രോഹിത് മകളെ ഉമ്മ വയ്ക്കുന്നതിന്റെയും, കേക്ക് മുറിക്കുന്നതിന്റേയും മറ്റ് ചിത്രങ്ങൾ സോഷ്യൽ മീഡിയയിൽ ചർച്ചയായിരുന്നു. ബിഗ് ബോസ് സീസൺ 1 താരവും സീരിയൽ നടിയുമായ അർച്ച സുശീലന്റെ സഹോദരനാണ് റോഹൻ.

ആര്യയെ പോലെ തന്നെ മകളും പ്രേക്ഷകരുടെ പ്രിയങ്കരിയാണ്. സോഷ്യൽ മീഡിയയിൽ സജീവമായ ആര്യ മകൾക്കൊപ്പവും സമൂഹമാധ്യമങ്ങളിൽ പ്രത്യക്ഷപ്പെടാറുണ്ട്. അമ്മയുടേയും മകളുടേയും രസകരമായ വീഡിയോ സമൂഹ്യ മാധ്യമങ്ങളിൽ വൈറലാണ്. റോയ എന്നാണ് യഥാർഥ പേര് എങ്കിലും ഖുശി എന്നാണ് പ്രേക്ഷകരുടെ ഇടയിൽഅറിയപ്പെടുന്നത്. റോയയെ ഖുശി എന്നാണ് ആര്യ വിളിക്കുന്നത്.