'അരുവി', പുതിയ ചുവട് വയ്പ്പിനെ കുറിച്ച് പങ്കുവെച്ച് സായ് വിഷ്ണു, കൂടെയുണ്ടാകുമെന്ന് ആരാധകർ...

ഒരു പ്രൊഡക്ഷൻ ഹൗസ് ആരംഭിച്ചിരിക്കുകയാണ് സായി. അരുവി എന്നാണ് പ്രൊഡക്ഷൻ കമ്പനിയുടെ പേര്. ബിഗ് ബോസ് സീസൺ 3 താരവും മൂന്ന് സുഹൃത്തുക്കളും ചേർന്നാണ് കമ്പനി ആരംഭിച്ചിരിക്കുന്നത്. കൂടാതെ അരുവി എന്ന പേരിൽ യുട്യൂബിലും ഒരു ചാനൽ ലോഞ്ച് ചെയ്തിട്ടുണ്ട്. സായിയുടെ വാക്കുകൾ ഇങ്ങനെ... ഒത്തിരി സന്തോഷമുള്ള കാര്യം പറയാനാണ് ഇപ്പോൾ നിങ്ങളുടെ മുന്നിൽ വന്നിരിക്കുന്നത്. എന്റേയും സുഹൃത്തുക്കളുടേയും ഏറെ നാളത്തെ ആഗ്രഹമായിരുന്നു, സ്വന്തമായി ഒരു പ്രൊഡക്ഷൻ ഹൗസ് എന്നത്. നമ്മളെ പോലുള്ള ഒത്തിരി പേർക്ക് മുന്നോട്ട് വരാനുള്ള വേദി ഒരുക്കുക എന്നതും ഞങ്ങളുടെ സ്വപ്നത്തിന്റെ ലക്ഷ്യമാണ്. അതിന്റെ ഭാഗമായി അരുവി എന്ന പ്രൊഡക്ഷൻ ഹൗസ് ലോഞ്ച് ചെയ്യുകയാണ്. നിങ്ങളുടെ പിന്തുണ കൊണ്ടാണ് ഞാൻ ഇവിടെവരെ എത്തിയത്. ഇനി മുന്നോട്ടും അത് ഉണ്ടാകണമെന്നും സായി പറയുന്നു.

സായിയും അദ്ദേഹത്തിന്റെ രണ്ട് സുഹൃത്തുക്കളായ ശ്രീലാലും സജിത്തുംചേർന്നാണ് അരുവി പ്രൊഡക്ഷൻ ഹൗസ് ആരംഭിച്ചിരിക്കുന്നത്. നിർമ്മാണ കമ്പനിയ്ക്കൊപ്പം അരുവിയുടെ പേരിൽ ഒരു യുട്യൂബ് ചാനലും ആരംഭിച്ചിട്ടുണ്ട്. സായിയുടെ ഒരു വീഡിയോയും ചാനലിലൂടെ റിലീസ് ചെയ്തിട്ടുണ്ട്. സ്വപ്നത്തിന് പിന്നാലെ നടന്ന് വിജയം സ്വന്തമാക്കാൻ സാധിക്കുമെന്നതാണ് ചെറിയ വീഡിയോയിലൂടെ സായിയും കൂട്ടരും പറയുന്നത്. പ്രേക്ഷകകരുടെ ഇടയിൽ അരുവിയും സായിയുടെ പുതിയ വീഡിയോയും വൈറലായിട്ടുണ്ട്.

സായിയ്ക്കും കൂട്ടർക്കും ആശംസ നേർന്ന് ആരാധകർ രംഗത്ത് എത്തിയിട്ടുണ്ട്. പൊരുതി നേടിയത് ജനസഹസ്രങ്ങളുടെ നെഞ്ചകമാണ്. We love you Sai,ത് പ്രതിസന്ധിയേയും തരണം ചെയ്യാൻ കഴിയുന്നവനാണ് യഥാർത്ഥ പോരാളി. സായ് എന്ന പോരാളിയെ തോൽപ്പിക്കാനില്ല മക്കളേ,വലിയൊരു കാഴ്ചപ്പാടും വലിയൊരു സന്ദേശവും തന്റെ സ്വപ്നത്തിൽ മറ്റുള്ളവർക്കും കൂടി ഒരിടം വലിയൊരു മനസ്സ് എല്ലാവിധ ആശംസകളും,എതിരാളികൾ പതിനെട്ടടവ് പയറ്റി നോക്കിയാലും പത്തൊൻപതാമത്തെ അടവുമായി അവൻ വരും സായ് .ജയത്തിൽ കുറഞ്ഞത് ഒന്നും പ്രതീക്ഷിക്കേണ്ട.സായ്ഞാനും സ്വപ്നം കാണുനവനാ അഭിനയം ഇപ്പോൾ നിങ്ങളുടെ വാക്കുകളിൽ എനിക്ക് സ്വപ്നം നടക്കും എന്ന് ഉറപ്പ് ഉണ്ട് DREAM COME TRUE,സമർത്ഥിക്കാൻ എല്ലാവർക്കും ഓരോ കാരണങ്ങൾ ഉണ്ട് പക്ഷേ സായ് യേ സ്നേഹിക്കാൻ കാരണങ്ങൾ ഒരുപാട് ആണ് സായ് തുടങ്ങിയ കമന്റുകളാണ് സോഷ്യൽ മീഡിയയിലൂടെ ലഭിക്കുന്നത്. പോസിറ്റീവ് കമന്റുകളാണ് എല്ലാം.

18 മത്സരാർഥിക്കൊപ്പമാണ് സായി ബിഗ് ബോസ് ഹൗസിലെത്തിയത്. ഫെബ്രുവരി 14 ന് പതിനാല് മത്സരാർഥികളുമായിട്ടാണ് ബിഗ് ബോസ് ആരംഭിക്കുന്നത്. കെവിഡ് മനാദണ്ഡങ്ങൾ പാലിച്ചായിരുന്നു ഷോ ആരംഭിച്ചത്. നടൻ മണിക്കുട്ടനാണ് സീസൺ 3 ന്റെ വിജയി ആയിരിക്കുന്നത്. മൂന്നാം സ്ഥാനം ഡിംപലാണ് സ്വന്തമാക്കിയിരിക്കുന്നത്. റംസാൻ, അനൂപ് എന്നിവർ നാലും അഞ്ചും സ്ഥാനം നേടിയിരിക്കുന്നത്. കഴിഞ്ഞ രണ്ട് സീസണുകളിൽ നിന്ന് വ്യത്യസ്തമായി പുതുമുഖങ്ങളും ബിഗ് ബോസ് ഷോയിൽ അണിനിരന്നിരുന്നു. സായിയെ പോലെ അഡോണി, ഋതു, ഡിംപൽ തുടങ്ങിയവർ ഷോയിലൂടെയാണ് പ്രേക്ഷകരുടെ പ്രിയപ്പെട്ടവരായത്.