'അങ്ങോട്ട് ചെന്ന് അടിയുണ്ടാക്കിയതല്ല', ബി​ഗ് ബോസിലെ ശത്രുവിനെ കുറിച്ച് സന്ധ്യ മനോജ്

മൂന്നാം സീസണിലെ എല്ലാവരും ഒന്നല്ലെങ്കിൽ മറ്റൊരു തരത്തിൽ ശക്തരായ മത്സരാർഥികളായിരുന്നു. അതുകൊണ്ട് തന്നെ ആരുടെ ആരാധകൻ ആകണം എന്നതിൽ‍ പോലും ഇക്കഴിഞ്ഞ സീസണിൽ പ്രേക്ഷകർക്ക് ഒന്നുകൂടി ചിന്തിക്കേണ്ടി വന്നു. മലേഷ്യയിൽ നിന്നും എത്തിയ ഒഡീസി നർത്തകിയായ സന്ധ്യ മനോജ് ഇക്കഴിഞ്ഞ സീസണിലെ മികച്ച മത്സരാർഥികളിൽ‍ ഒരാൾ കൂടെയായിരുന്നു. എഴുപത് ദിവസം ഹൗസിൽ തികച്ച ശേഷമാണ് സന്ധ്യ പുറത്തായത്. മത്സരങ്ങളിലും കലാപ്രകടനങ്ങളിലും മുൻപന്തിയിലായിരുന്ന സന്ധ്യ ​ഗെയിമിന്റെ ഭാ​ഗമായി ഹൗസിലെ മറ്റ് മത്സരാർഥികളുമായി പലപ്പോഴും കൊമ്പുകോർത്തു.

അത്തരത്തിൽ ബി​ഗ് ബോസിൽ താൻ ഏറ്റുമുട്ടിയപ്പോൾ ശത്രുവായിരുന്ന മത്സരാർഥി പുറത്തിറങ്ങിയപ്പോൾ ഉറ്റ ചങ്ങാതിയായി മാറിയ കഥയാണ് ഇപ്പോൾ സന്ധ്യ മനോജ് വെളിപ്പെടുത്തിയിരിക്കുന്നത്. തമ്മിൽ തല്ലും ചീത്തവിളിയും ബുദ്ധിയും എല്ലാം പ്രയോ​ഗിച്ചാണ് ​ഗെയിമുകളിൽ വിജയിച്ച് പോയിന്റുകൾ നേടാൻ ഓരോ മത്സാർഥിയും ശ്രമിക്കുന്നത്. എം.ജി ശ്രീകുമാർ അവതാരകനായ പാടാം നേടാമിൽ പങ്കെടുക്കാനെത്തിയപ്പോഴാണ് ബി​ഗ് ബോസിലെ ശത്രു മിത്രമായതിനെ കുറിച്ച് സന്ധ്യ മനോജ് തുറന്ന് പറഞ്ഞത്. താനും മറ്റൊരു മത്സരാർഥിയായിരുന്ന അഡോണിയുമായിട്ടാണ് വലിയ വഴക്കുകൾ ഉണ്ടായതെന്നും എന്നാൽ ഇന്ന് അവൻ തന്റെ നല്ല സുഹൃത്താണ് എന്നുമാണ് സന്ധ്യ മനോജ് പറയുന്നത്.

Recommended Video

Bigg boss Arya got cheated on her birthday | FilmiBeat Malayalam

'ബി​ഗ് ബോസ് വീട്ടിൽ വഴക്കുകൾ നിരന്തം ഉണ്ടാകാറുണ്ട്. ഞാൻ ആദ്യമായി അടിയുണ്ടായക്കിയത് അഡോണിയോട് ആയിരിക്കും. കുഴൽപന്ത് കളി നടക്കുന്നതിനിടെയാണ് ഒരു വാക്ക് തകർക്കം ഞങ്ങൾ തമ്മിലുണ്ടായത്. അടിയുടെ വക്ക് വരെ എത്തിയിരുന്നു. മത്സരം അവസാനിച്ച ശേഷം ഞങ്ങൾ നല്ല സുഹൃത്തുക്കളാണ്. ഞാൻ അങ്ങോട്ട് പോയി ആരോടും വഴക്കുണ്ടാക്കാറില്ല. എന്നാൽ ഇങ്ങോട്ട് വന്ന് ചൊറിയാൻ ശ്രമിച്ചാൽ വെറുതെ വിടാറും ഇല്ല. ബി​ഗ് ബോസിലെ ഒരു വിധം എല്ലാവരുമായും സൗഹൃദമുണ്ട്. ഭാ​ഗ്യലക്ഷ്മി ചേച്ചി, ലക്ഷ്മി, മജ്സിയ ബാനു, അഡോണി എന്നിവരെല്ലാം വിളിക്കുകയും കാര്യങ്ങൾ അന്വേഷിക്കുകയുെ ചെയ്യാറുണ്ട്' സന്ധ്യ മനോജ് പറഞ്ഞു. ബി​ഗ് ബോസിന് ശേഷം സിനിമയിൽ അഭിനയിക്കാൻ അവസരം ലഭിച്ചതിനെ കുറിച്ചും സന്ധ്യ മനോജ് തുറന്ന് പറഞ്ഞു. വരാൽ എന്ന അനൂപ് മേനോൻ സിനിമയിലാണ് സന്ധ്യ മനോജ് ഇപ്പോൾ അഭിനയിച്ചത്. പൊലീസ് കമ്മീഷണറുടെ വേഷമാണ് ചിത്രത്തിൽ സന്ധ്യയ്ക്ക്.