കോഫി പൗഡര്‍ പ്രശ്‌നം; ജാസ്മിന്റെ തലയിലിട്ട് തടി തപ്പാന്‍ ശ്രമിച്ച റിയാസിനെ പൊക്കി ധന്യ

കഴിഞ്ഞ ദിവസം ജാസ്മിന്റെ കോഫി പൗഡര്‍ എടുക്കരുതെന്ന് റിയാസ് ലക്ഷ്മിയോടും ബ്ലെസ്ലിയോടും ദില്‍ഷയോടും പറഞ്ഞിരുന്നു. എന്നാല്‍ എടുക്കുമെന്നായിരുന്നു ദില്‍ഷയുടെ പ്രതികരണം. ഇതിനെ ചൊല്ലിയാണ് വീണ്ടും വഴക്ക് നടന്നത്. ധന്യ കഴിഞ്ഞ ദിവസം കോഫി പൗഡര്‍ എടുത്ത് മാറ്റി വെച്ചിരുന്നു. ഇന്ന് കോഫി തരാം എന്ന് പറഞ്ഞപ്പോഴാണ് വീണ്ടും പ്രശ്‌നങ്ങള്‍ തുടങ്ങിയത്.

കഴിഞ്ഞ ദിവസം രാത്രി കോള്‍ഡ് കോഫി വേണമെന്ന് പറഞ്ഞപ്പോള്‍ ധന്യ തന്നില്ല എന്നായിരുന്നു റിയാസിന്റെ പരാതി. അപ്പോള്‍ പാല് എവിടെ എന്ന് ധന്യ തിരിച്ച് ചോദിച്ചു. ജാസ്മിന്റെ പാല്‍ എന്നായിരുന്നു റിയാസിന്റെ മറുപടി. അതിന് ജാസ്മിന് പാല്‍ ഉണ്ടോയിരുന്നോ എന്ന് മറ്റുള്ളവര്‍ ചോദിച്ചു. ജാസ്മിന് പാല്‍ ഉണ്ടായിരുന്നു എന്നും താന്‍ അത് ഫ്രീസറില്‍ നിന്ന് എടുത്ത് മാറ്റിവച്ചത് തനിക്ക് ഉപയോഗിക്കാനാണ് പക്ഷേ അതും നിങ്ങളെടുത്തു എന്നും റിയാസ് പറഞ്ഞു. റോണ്‍സണ്‍ അത് എടുത്ത് കൊണ്ടുപോയി എന്ന് ധന്യ പറഞ്ഞു. എന്തായാലും താന്‍ ചോദിച്ചപ്പോള്‍ കാപ്പി ധന്യ തന്നില്ല എന്ന് റിയാസ് പറഞ്ഞു.

വിഷയത്തില്‍ ദില്‍ഷ ഇടപെട്ടതോടെ വഴക്ക് മറ്റൊരു രീതിയിലേയ്ക്ക് നീങ്ങി. ഡോക്ടറും ജാസമിനും വീണ്ടും ചര്‍ച്ചയായി. വഴക്ക് വിഷയം മറിപ്പോയപ്പോള്‍ ക്യാപ്റ്റനായ ധന്യ വീണ്ടും ഇടപെടുകയായിരുന്നു. കോഫി എല്ലാവര്‍ക്കും തരാം എന്ന് താനാണ് പറഞ്ഞത് എന്ന് ധന്യ പറഞ്ഞു. തനിക്ക് ആവശ്യമുള്ളപ്പോള്‍ തന്നില്ല എന്ന് റിയാസ് തിരിച്ചടിച്ചു. തനിക്ക് കുടിക്കാന്‍ വേണ്ടപ്പോഴാണ് എനിക്ക് കോഫി വേണ്ടത് എന്നും റിയാസ് പറഞ്ഞു.

ഇന്നലെ കോഫി എടുക്കാന്‍ പാടില്ല എന്ന് പറഞ്ഞത് ആരാണ് എന്ന് ധന്യ തിരിച്ചു ചോദിച്ചു. താന്‍ തന്നെയെന്ന് റിയാസ് മറുപടി പറഞ്ഞു. അത് ഇവിന്റെ മണ്ടത്തരം മാത്രമാണ് എന്ന് റോണ്‍സണും പറഞ്ഞു. ജാസ്മിന്റെ ജന്മദിനത്തില്‍ അവളെ ഒന്ന് കൂളാക്കാന്‍ വേണ്ടി കൊടുത്തതാണ് കോഫി പൌഡറെന്നും. അവളില്ലാത്തപ്പോള്‍ എല്ലാവര്‍ക്കും എടുക്കാമെന്നും ധന്യ പറഞ്ഞു വെച്ചു

അവളെ ഏറ്റവും കൂടുതല്‍ വേദനിപ്പിച്ച ആളുകള്‍ അത് ഉപയോഗിക്കേണ്ട എന്നേ താന്‍ പറഞ്ഞുള്ളൂവെന്ന് റിയാസ് നയം വ്യക്തമാക്കി. അത് റിയാസിന് തോന്നിയ കാര്യമല്ലേയെന്ന് ധന്യ ചോദിച്ചു. റിയാസിന് അത് മറ്റുള്ളവര്‍ക്ക് കൊടുക്കാതിരിക്കാനുള്ള ഒരു അവകാശവുമില്ലെന്നും ധന്യ കൂട്ടിച്ചേർത്തു. ചിലര്‍ അത് ഉപയോഗിക്കേണ്ട എന്ന് ജാസ്മിന്‍ പറഞ്ഞതായി റിയാസ് വ്യക്തമാക്കി. ജാസ്മിന്റെ തലയിലിട്ട് അങ്ങനെ റിയാസ് തടി തപ്പാന്‍ നോക്കണ്ട എന്നും ധന്യ പറഞ്ഞു.

അതിനിടിയില്‍ ദില്‍ഷ വന്ന് കോഫി പൗഡര്‍ ധന്യയെ ഏല്‍പ്പിച്ചു. തനിക്കോ ലക്ഷ്മി പ്രിയയ്‌ക്കോ ബ്ലെസ്ലിക്കോ ഇനി അതു വേണ്ടെന്നും പറഞ്ഞു. അത്രയേ തന്റെ ഉദ്ദേശ്യം ഉണ്ടായിരുന്നുള്ളൂ ഇനി കോമണായി വെച്ചോളൂവെന്ന് റിയാസ് പറഞ്ഞതോടെ കോഫി തര്‍ക്കം അവസാനിക്കുകയും ചെയ്തു.