ബിഗ് ബോസിന്റെ പുതിയ പതിപ്പ് വീണ്ടും പ്രേക്ഷകരിലേക്ക്! സംപ്രേക്ഷണം ആരംഭിക്കുന്നത് ഈ ദിവസം! കാണൂ

ബിഗ് ബോസ് തമിഴ്

തമിഴിലെ മുന്‍നിര ചാനലുകളിലൊന്നായ വിജയ് ടിവിയിലായിരുന്നു ബിഗ് ബോസ് തമിഴ് സംപ്രേക്ഷണം ചെയ്തിരുന്നത്. മലയാളം ബിഗ് ബോസ് ആരംഭിക്കുന്നതിനു മുന്‍പായി തുടങ്ങിയ ആദ്യ രണ്ട് ഭാഗങ്ങളും ഹിറ്റായി മാറിയിരുന്നു. 2017ല്‍ തമിഴ് ബിഗ് ബോസിന്റെ ആദ്യ ഭാഗം സംപ്രേക്ഷണം ചെയ്തപ്പോള്‍ രണ്ടാംഭാഗം കഴിഞ്ഞ വര്‍ഷവും ടെലികാസ്റ്റ് ചെയ്തു. കമല്‍ഹാസന്റെ അവതരണം കൊണ്ടാണ് ബിഗ് ബോസിന് തമിഴില്‍ മികച്ച പ്രേക്ഷക സ്വീകാര്യത ലഭിച്ചിരുന്നത്.

പ്രൊമോ വീഡിയോ

ബിഗ് ബോസ് 3യുടെ പ്രഖ്യാപനം അടുത്തിടെയായിരുന്നു നടന്നത്. റിയാലിറ്റി ഷോയുടെ പ്രൊമോ വീഡിയോ അടുത്തിടെ അണിയറപ്രവര്‍ത്തകര്‍ പുറത്തുവിട്ടിരുന്നു. പരിപാടിയുടെ അവതാരകനായ കമല്‍ഹാസനെ കാണിച്ചുകൊണ്ടുളള ഒരു വീഡിയോ ആയിരുന്നു അണിയറപ്രവര്‍ത്തകര്‍ പുറത്തുവിട്ടിരുന്നത്. പരിപാടി ഔദ്യോഗികമായി അന്നാണ് പ്രഖ്യാപിച്ചിരുന്നത്. വിജയ് ടെലിവിഷന്റെ ട്വിറ്റര്‍ പേജിലൂടെയാണ് ബിഗ് ബോസ് 3യുടെ ആദ്യ പ്രൊമോ പുറത്തുവന്നിരുന്നത്.

ജൂണ്‍ 23നാണ്

ഇപ്പോഴിതാ പ്രാമോ വീഡിയോയ്ക്ക് പിന്നാലെ പരിപാടി ആരംഭിക്കുന്ന ദിവസത്തെക്കുറിച്ചും റിപ്പോര്‍ട്ടുകള്‍ വന്നിരിക്കുകയാണ്. ജൂണ്‍ 23നാണ് ബിഗ് ബോസിന്റെ തമിഴ് പതിപ്പ് ആരംഭിക്കുന്നത്. കഴിഞ്ഞ രണ്ട് സീസണുകളും ജൂണിലായിരുന്നു ബിഗ് ബോസ് തമിഴ് പതിപ്പിന്റെതായി ആരംഭിച്ചിരുന്നത്. ബിഗ് ബോസ് 3യെക്കുറിച്ചുളള പുതിയ റിപ്പോര്‍ട്ടുകള്‍ വന്നെങ്കിലും മല്‍സരാര്‍ത്ഥികളെക്കുറിച്ചുളള വിവരം കൂടുതലായി പുറത്തുവന്നിട്ടില്ല.

തമിഴ് പതിപ്പിനു പിന്നാലെയായിരിക്കും

നിരവധി സെലിബ്രിറ്റികളുടെ പേരുകള്‍ സോഷ്യല്‍ മീഡിയയില്‍ പറഞ്ഞു കേള്‍ക്കുന്നുണ്ട്. അതേസമയം മല്‍സരാര്‍ത്ഥികളെ സംബന്ധിച്ച വിവരം അണിയറ പ്രവര്‍ത്തകര്‍ ഉടന്‍ തന്നെ പുറത്തുവിടുമെന്നാണ് അറിയുന്നത്. തമിഴ് പതിപ്പിനു പിന്നാലെയായിരിക്കും മലയാളം ബിഗ് ബോസിന്റെയും അടുത്ത സീസണ്‍ എത്തുക. എന്നാല്‍ മലയാളം ബിഗ് ബോസിനെക്കുറിച്ചുളള കൂടുതല്‍ വിവരങ്ങള്‍ സോഷ്യല്‍ മീഡിയയില്‍ പുറത്തിറങ്ങിയിരുന്നില്ല.

തരികിട സാബുവായിരുന്നു

തരികിട സാബുവായിരുന്നു മലയാളം ബിഗ് ബോസിന്റെ ആദ്യ പതിപ്പില്‍ വിജയി ആയത്. പേളി മാണി, ഷിയാസ്,ശ്രീനിഷ് അരവിന്ദ്, അരിസ്‌റ്റോ സുരേഷ് തുടങ്ങിയവര്‍ക്കൊപ്പമാണ് തരികിട സാബു ഫൈനലില്‍ എത്തിയിരുന്നത്. ബിഗ് ബോസ് മലയാളത്തിനു ശേഷമാണ് പേളി മാണി-ശ്രീനിഷ് വിവാഹവും നടന്നിരുന്നത്. ആരാധകരും സോഷ്യല്‍ മീഡിയയും ആഘോഷിച്ചിരുന്നു പേളിഷിന്റെ വിവാഹം.