For Quick Alerts
    ALLOW NOTIFICATIONS  
    For Daily Alerts

    ഗര്‍ഭിണിയായ ഭാര്യയെ കണ്ട് മകളാണോന്ന് ചോദിച്ചു; ഭാര്യയ്ക്കൊപ്പം ആശുപത്രിയില്‍ പോയ കഥ പറഞ്ഞ് നടന്‍ ശരവണന്‍

    |

    കമല്‍ ഹാസന്‍ അവതാരകനായിട്ടെത്തുന്ന ബിഗ് ബോസ് തമിഴിന്റെ നാലാം സീസണ്‍ വിജയകരമായി സംപ്രേക്ഷണം തുടരുകയാണ്. കൊറോണയുടെ പ്രശ്‌നങ്ങള്‍ക്കിടയിലും ഒക്ടോബര്‍ നാലിനായിരുന്നു ഷോ ആരംഭിക്കുന്നത്. പ്രേക്ഷകര്‍ക്ക് സുപരിചിതരായ സിനിമാ-ടെലിവിഷന്‍ രംഗത്തെ താരങ്ങളാണ് ഇത്തവണയും മത്സരാര്‍ഥികളായി എത്തിയിരിക്കുന്നത്.

    കഴിഞ്ഞ സീസണിലും ശക്തരായ മത്സരാര്‍ഥികളായിരുന്നു ഷോ യില്‍ ഉണ്ടായിരുന്നത്. ബിഗ് ബോസ് 3 യില്‍ നിന്നും തന്നെ പുറത്താക്കിയത് എന്തിനാണെന്നും അത് നഷ്ടമായി തോന്നുന്നുവെന്നും പറയുകയാണ് നടന്‍ ശരവണന്‍ ഇപ്പോള്‍. ബിഗ് ബോസ് ഷോ യില്‍ മത്സരാര്‍ഥിയായി പങ്കെടുക്കാന്‍ പോയതിന് പിന്നിലൊരു കാരണമുണ്ടെന്ന് ആദ്യമായി താരം വെളിപ്പെടുത്തി. ഇന്ത്യഗില്‍ട്ട്‌സിന് നല്‍കിയ അഭിമുഖത്തിലാണ് ബിഗ് ബോസ് ഷോ യെ കുറിച്ചും തനിക്ക് രണ്ടാമതൊരു ഭാര്യ കൂടി ഉണ്ടെന്നുള്ള കാര്യവും ശരവണന്‍ തുറന്ന് പറഞ്ഞത്.

    saravanan

    ആദ്യ ഭാര്യയുടെ സമ്മതത്തോട് കൂടിയാണ് താന്‍ രണ്ടാമതും വിവാഹം കഴിക്കുന്നത്. അതിലൊരു മകനുമുണ്ട്. രണ്ടാമത്തെ ഭാര്യ ഗര്‍ഭിണിയായപ്പോള്‍ പരിശോധനയ്ക്ക് അവരെയും കൊണ്ട് താന്‍ ആശുപത്രിയില്‍ പോയി. എന്നാല്‍ ഒരിക്കലും പ്രതീക്ഷിക്കാത്തത് പോലൊരു സംഭവം അവിടെ ഉണ്ടാവുകയും അതില്‍ വലിയ വിഷമം തോന്നി എന്ന് കൂടി അഭിമുഖത്തില്‍ താരം സൂചിപ്പിച്ചിരിക്കുകയാണ്. അന്ന് ആശുപത്രിയില്‍ വെച്ച് എനിക്ക് പരിചയമുള്ളൊരു സ്ത്രീയെ കണ്ടു. അവര്‍ പെട്ടെന്ന് കൂടെ ഭാര്യയെ കണ്ടിട്ട് കൂടെ ഉള്ളത് മകളാണോന്ന് ചോദിച്ചു. നിങ്ങളുടെ മകള്‍ ഗര്‍ഭിണിയായിരിക്കുവാണോന്നും ചോദിച്ചു.

    saravanan

    എത്രയോ കാലമായി അഭിനയിച്ച് കൊണ്ടിരിക്കുന്നതിനാല്‍ അങ്ങനെയല്ലേ ആളുകള്‍ ചോദിക്കൂ. അതിന് ശേഷം അവളെ ഞാന്‍ പുറത്തേക്കൊന്നും കൊണ്ട് പോയിട്ടില്ല. അതുകൊണ്ട് എന്റെ ഭാര്യ വലിയ വിഷമത്തിലായിരുന്നു. ഒരു അവസരം കിട്ടിയാല്‍ എനിക്ക് രണ്ടാമത് കല്യാണം കഴിഞ്ഞെന്നും രണ്ട് ഭാര്യമാരുണ്ടെന്നും അതിലൊരു മകനുണ്ടെന്നും പറയും. അത് എല്ലാവര്‍ക്കും മനസിലായ ഉടനെ നിന്നെയും കൂട്ടി പുറത്തൊക്കെ പോവാമെന്ന് ഉറപ്പ് കൊടുത്തു.

    Pearly Maaney's latest photoshoot has gone viral across social media

    അങ്ങനെ ഇരിക്കവേ ബിഗ് ബോസ് തമിഴിന്റെ മൂന്നാം സീസണില്‍ മത്സരാര്‍ഥിയാവാനുള്ള ചാന്‍സ് എനിക്ക് കിട്ടി. അപ്പോള്‍ ഭാര്യയെ കുറിച്ച് പറയാനുള്ള അവസരമായി ഞാന്‍ അത് ഉപയോഗിക്കുകയായിരുന്നു. പാതി വഴിയില്‍ വെച്ച് പുറത്ത് പോവേണ്ടി വന്നെങ്കിലും പ്രേക്ഷകരുടെയും സഹമത്സരാര്‍ഥികളുടെയും മനസില്‍ സ്ഥാനം നേടാന്‍ താരത്തിന് കഴിഞ്ഞു എന്നും താരം പറയുന്നു.

    English summary
    Bigg Boss Tamil Fame Saravanan Revealed Why He Is Participating in Season 3
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X