ബിഗ് ബോസ് ഹൗസിൽ നടക്കുന്നത് തീക്കളി!! പേളി, അനൂപ്, ഷിയസ് നോമിനേഷനിൽ, ഇനിയാണ് വൻ ട്വിസ്റ്റ്

ചിത്രം കത്തിച്ചുളള നോമിനേഷൻ

ഇത്തവണയും വ്യത്യസ്തമായ നോമിനേഷൻ രീതിയാണ് ബിഗ് ബോസ് മത്സരാർഥികൾക്കായി തയ്യാറാക്കിയത്. ചിത്രം കത്തിച്ചുള്ള നോമിനേഷൻ രീതിയായിരുന്നു. മത്സരാർഥികളുടെ ചിത്രങ്ങൾ ബിഗ് ബോസ് നൽകും നോമിനേറ്റ് ചെയ്യുന്ന മത്സരാർഥിയുടെ ചിത്രം കത്തിച്ച് വീപ്പയിൽ നിക്ഷേപിക്കുക. ഒരാൾക്ക് രണ്ടു പേരെ നേമിനേറ്റ് ചെയ്യാം.

നോമിനേഷൻ

ഷിയാസിനേയും ഹിമയേയുമാണ് അർച്ചന നോമിനേറ്റ് ചെയ്തത്. അനൂപിനേയും ഹിമയേയുമാണ് ശ്രീനീഷ് നോമിനേറ്റ് ചെയ്തത്. അതിഥി നോമിനേറ്റ് ചെയ്തത് അനൂപിനേയും പേളിയേയുമായിരുന്നു. ഷിയാസിനേയും ഹിമയേയും സുരേഷ് നേമിനേറ്റ് ചെയ്തു.സാബുവിനേയും അനൂപിനേയും ‌ഷിയാസും പേളിയും നോമിനേറ്റ് ചെയ്തു. സ്ത്രീകളെ ബഹുമാനിക്കാത്തത് കൊണ്ടാണ് അനൂപിനെ നോമിനേറ്റ് ചെയ്ത്തെന്നും പേളി പറഞ്ഞു. സുരേഷിനേയും അനൂപിനേയും ഹിമയും നോമിനേറ്റ് ചെയ്തു.

ഏറ്റവും കൂടുതൽ വോട്ട് ലഭിച്ചത്

ഇത്തവണ ബിഗ് ബോസിൽ ഏറ്റവും കൂടുതൽ വോട്ട് ലഭിച്ചത് അനൂപിനായിരുന്നു . 5 വോട്ടുകളായിരുന്നു അദ്ദേഹത്തിന് ലഭിച്ചത്. രണ്ടാമത് 4 വോട്ടുകളുമായി ഹിമയും അതിനു പിന്നിൽ 3 വോട്ടുകളുമായി ഷിയാസും നോമിനേഷനിൽ വന്നു. എന്നാൽ ബിഗ് ബോസ് അനൂപിനും, സുരേഷിനു സാബുവിനും അർച്ചനയ്ക്കും ശക്തികൾ നൽകിയിരുന്നു. അത് അനൂപും സബുവും പ്രയോഗിക്കുകയും ചെയ്തു.

ഹിമയെ കൈപിടിച്ച കയറ്റി

കഴിഞ്ഞദിവസം നടത്തിയ ടാസ്ക്കിൽ അനൂപിന്റെ ടീം ജയിച്ചതിനെ തുടർന്നായിരുന്നു ബിഗ് ബോസ് ഇവർക്ക് ശക്തികൾ നൽകിയത്. അതിൽ ഒരാളെ ഡയറക്ട് എലിമിനേഷനിൽ നിർദ്ദേശിക്കാവുന്ന പവറായിരുന്നു അനൂപിന് ലഭിച്ചത്. ഹിമയെ ആയിരുന്നു അനൂപ് നിർദേശിച്ചത്. എന്നാൽ സാബു തന്റെ പവർ ഉപയോഗിച്ച് ഹിമയെ രക്ഷിക്കുകയായിരുന്നു. ക്യാപ്റ്റന്റെ പദവി ഉപയോഗിച്ച് ബഷീർ പേളിയെ നോമിനേഷനിലേയ്ക്ക് നിർദ്ദേശിച്ചു. ഇപ്പോൾ ഹിമയ്ക്ക് പകരം പേളിയാണ് എലിമിനേഷനിൽ എത്തിയിരിക്കുന്നത്. അനൂപ്, ഷിയാസ്, പേളി എന്നിവരാണ് ഈ ആഴ്ചത്തെ എലിമിനേഷൻ പട്ടികയിലുളളത്.