പേളിക്ക് നന്നായിട്ടറിയാം അവന് കാമുകിയുണ്ടെന്ന്! അരിസ്‌റ്റോ സുരേഷിനോട് ദിയ! വീഡിയോ വൈറല്‍

പേളിയും ശ്രീനിഷും

ബിഗ് ബോസ് ഹൗസിലെ ശ്രദ്ധേയ മല്‍സരാര്‍ത്ഥികളാണ് ശ്രീനിഷും പേളിയും. രണ്ടു പേരും പ്രേക്ഷകര്‍ക്ക് ഏറെ സുപരിചിതരായ താരങ്ങളാണ്. ബിഗ് ബോസ് ഹൗസിലെ എല്ലാ കാര്യങ്ങളിലും സജീവമായി ഇടപെടാറുളള മല്‍സരാര്‍ത്ഥികള്‍ കൂടിയാണ് ഇവര്‍. അടുത്തിടെയായിരുന്നു ഇരുവരും തമ്മില്‍ പ്രണയത്തിലാണെന്ന തരത്തില്‍ പുതിയ വിവരങ്ങള്‍ പ്രചരിച്ചിരുന്നത്. പതിവില്ലാതെ പേളിയുമായി ശ്രീനിഷ് കൂടുതല്‍ സമയം സംസാരിക്കാന്‍ തുടങ്ങിയതോടെയാണ് മറ്റുളള മല്‍സരാര്‍ത്ഥികള്‍ക്കെല്ലാം തന്നെ സംശയമുണ്ടായി തുടങ്ങിയത്.

മോതിരക്കഥ വിഷയമായി

പേളിയുടെ കൈയ്യില്‍ ശ്രീനിഷിന്റെ മോതിരം കണ്ടതോടെയാണ് ഇരുവരും പ്രണയത്തിലാണെന്ന് എല്ലാവരും ഉറപ്പിച്ചത്. ഇതേക്കുറിച്ച് രഹസ്യമായും പരസ്യമായും ബിഗ് ബോസ് ഹൗസില്‍ ചര്‍ച്ചകള്‍ സജീവമായിരുന്നു. കാമുകി കാമുകന്‍മാരായി വിശേഷിപ്പിക്കപ്പെടുന്ന പേളിയുടെയും ശ്രീനിഷിന്റെയും ഓരോ നീക്കങ്ങളും മറ്റുളള മല്‍സരാര്‍ത്ഥികള്‍ ശ്രദ്ധയോടെ നീരിക്ഷിക്കുന്നുണ്ടായിരുന്നു. മല്‍സരത്തിലെ ടാസ്‌ക്കുകളിലും മറ്റുളളവരുടെ വിലയിരുത്തലുകളിലും നിരാശയായ പേളി മല്‍സരം അവസാനിപ്പിക്കാന്‍ വരെ ആലോചിച്ച സമയത്താണ് ധൈര്യം നല്‍കാനായി തന്റെ മോതിരം ശ്രീനിഷ് പേളിക്ക് നല്‍കിയിരുന്നത്.

അരിസ്‌റ്റോ സുരേഷ് അറിഞ്ഞത്

ബിഗ് ബോസ് ഹൗസില്‍ പേളിയുടെ ഉറ്റ സുഹൃത്താണ് അരിസ്‌റ്റോ സുരേഷെന്ന് എല്ലാവര്‍ക്കും അറിയാവുന്ന കാര്യമാണ്.ബിഗ് ബോസില്‍ നടക്കുന്ന എല്ലാ കാര്യങ്ങളിലും പേളിയെ കൂടുതല്‍ പിന്തുണയ്ക്കാറുളളത്. സുരേഷ് തന്നെയായിരുന്നു. രഞ്ജിനി ഹരിദാസ് വഴിയായിരുന്നു പേളിയും ശ്രീനിഷും തമ്മിലുളള പ്രണയം അരിസ്‌റ്റോ സുരേഷ് അറിഞ്ഞത്. അവര്‍ തമ്മില്‍ എന്തോ ഉണ്ടെന്നും, അതുകണ്ട മൂന്ന് പേരാണ് തന്നോട് ഇക്കാര്യം പറഞ്ഞതെന്നായിരുന്നു രഞ്ജിനി സുരേഷിനോട് പറഞ്ഞത്.

പേളിയോട് സുരേഷ് ചോദിച്ചത്

ശ്രീനിഷുമായുളള പ്രണയത്തക്കുറിച്ച് അരിസ്റ്റോ സുരേഷ് പേളിയോട് ചോദിച്ചിരുന്നു. ദിയ കൂടെയുളള സമയത്താണ് പ്രണയത്തില്‍ എന്തെങ്കിലും സത്യമുണ്ടോ എന്നറിയാനായി പേളിയോട് സുരേഷ് ഇക്കാര്യം ചോദിച്ചത്. എന്നാല്‍ തനിക്ക് അങ്ങനെയൊന്നുമില്ലെന്നും ഇതേക്കുറിച്ച് മറ്റാരെയും ബോധ്യപ്പെടുത്തേണ്ട കാര്യമില്ലെന്നും പേളി പറഞ്ഞിരുന്നു.

പേളിയുടെ നിലപാട്

ശ്രീനിഷുമായുളള തന്റെ സംസാരം മറ്റുളളവര്‍ തെറ്റായി വ്യാഖ്യാനിച്ചെന്നാണ് പേര്‍ളി അരിസ്‌റ്റോ സുരേഷിനും ദിയയ്ക്കും മുന്നില്‍ വെച്ച് പറഞ്ഞിരുന്നത്. ശ്രീനിഷിനെ നല്ലൊരു സുഹൃത്തായി മാത്രമേ ഇതുവരെ കണ്ടിരുന്നുളളു എന്നും പേര്‍ളി പറഞ്ഞിരുന്നു. എന്നാല്‍ ഈ പ്രണയം തനിക്ക് ഇപ്പോള്‍ ഉപകാരമായെന്നും പേളി പറയുന്നു. ബിഗ് ബോസില്‍ നിലനില്‍ക്കാനായി ഇത് തന്നെ സഹായിക്കുമെന്നാണ് പേളി പറഞ്ഞത്

ദിയ പറഞ്ഞത്

അരിസ്റ്റോ സുരേഷിനോട് പേളി പറയുന്ന കാര്യങ്ങള്‍ ദിയയും ശ്രദ്ധിക്കുന്നുണ്ടായിരുന്നു. ശ്രീനിഷും പേളിയുമായുളള അടുപ്പത്തെക്കുറിച്ച് ദിയയ്ക്ക് കൂടുതലായി അറിയാമായിരുന്നു. അവനെക്കുറിച്ച് കൂടുതലായി ഇവള്‍ക്ക് അറിയാമെന്നായിരുന്നു അരിസ്റ്റോ സുരേഷിനോട് ദിയ പറഞ്ഞത്. ശ്രീനിഷിന് കാമുകി ഉണ്ടെന്ന കാര്യവും മറ്റും പേര്‍ളിക്ക് അറിയാമെന്നായിരുന്നു ദിയ പറഞ്ഞത്.

വീഡിയോ കാണൂ

വീഡിയോ കാണൂ