ബിഗ്ബോസ് ഹൗസ് തുറക്കാൻ മണിക്കൂറുകൾ മാത്രം, പുതിയ അംഗങ്ങളെ കുറിച്ചുള്ള സൂചന നൽകി മോഹൻലാൽ

ഒരു വർഷത്തെ ഇടവേളയ്ക്ക് ശേഷമാണ് ബിഗ്ബോസ് വീണ്ടും മലയാളികളുടെ സ്വീകരണ മുറികളിൽ എത്തുന്നത്. ആദ്യ സീസണിലേത് പോലെ ലാലേട്ടൻ തന്നെയാണ് രണ്ടാം ഭാഗത്തിലും ബിഗ് ബോസ് ഹൗസിന്റെ കാരണവരായി എത്തുന്നത്. ജനുവരി 5 ന് ആരംഭിക്കുന്ന ഷോ തിങ്കൾ മുതൽ വെള്ളി വരെ രാത്രി 9.30 നും ശനിയും ഞായറും 9 മണിക്കുമാണ് സംപ്രേക്ഷണം ചെയ്യുന്നത്.

ബിഗ്ബോസ് തുടങ്ങാൻ വെറും രണ്ട് ദിവസം മാത്രമാണ് ശേഷിക്കുന്നത്. എന്നാൽ ഇതുവരെ വീട്ടിലെ അംഗങ്ങളെ കുറിച്ചുള്ള സൂചന പോലും പുറത്തു വിട്ടിട്ടില്ല. ഇപ്പോഴിത ബിഗ് ബോസ് അംഗങ്ങളെ കുറിച്ചുളള സൂചന നൽകി മോഹൻലാൽ . എന്തായാലും നിസ്സാരക്കാരായിരിക്കില്ല ഇത്തവണ എത്തുന്നതെന്ന് വ്യക്തമാണ്. കൃത്യമായ ചിത്രമറിയാൻ ഇനി മണിക്കൂറുകൾ മത്രമാണ് ശേഷിക്കുന്നത്. ആദ്യ ഭാഗത്തെക്കാലും ഗംഭീരമായിരിക്കും രണ്ടാം ഭാഗം.

''ഇനി വലിയ കളികളുമല്ല, കളികള്‍ വേറെ ലെവല്‍'' ബിഗ് ബോസ് രണ്ടാം ഭാഗത്തിന്റെ ടാഗ് ലൈൻ ഇതിനോടകം തന്നെ പ്രേക്ഷക ശ്രദ്ധ നേടിയിട്ടുണ്ട്. ആദ്യ സീസണിനേക്കാലും കഠിനമായ ഗെയിമുകളു പണികളുമായിരിക്കും ബിഗ്ബോസ് ഹൗസിൽ അംഗങ്ങളെ കാത്തിരിക്കുന്നത്. എന്തായാലും റിയാലിറ്റി ഷോ ഗംഭീരമായിക്കും. പുറത്തു വന്ന പ്രെമോകളും ഇതാണ് സൂചിപ്പിക്കുന്നത്.

പുതിയ മത്സരാർഥികൾക്ക് ആശംസയുമായി മുൻ ബിഗ് ബോസ് താരങ്ങൾ രംഗത്തെത്തിയിട്ടുണ്ട്. മികച്ച പ്രകടനം കാഴ്ച വയ്ക്കനാണ് ആശംസിച്ചിരിക്കുന്നത്. കൂടാതെ ഷോ ഇവരുടെ ജീവിതത്തിലുണ്ടാക്കിയ മാറ്റത്തെ കുറിച്ചും ഇമേജിലുണ്ടാക്കിയ മാറ്റത്തെ കുറിച്ചും താരങ്ങൾ തുറന്നടിച്ചു. വ്യത്യസ്ത സ്വഭാവത്തിൽപ്പെട്ട 16 പേർക്കൊപ്പം 100 ദിവസം ഒരു വീട്ടിൽ ചെലവഴിക്കുക എന്ന ബിഗ് ടാസ്ക്കിനോടൊപ്പം ബിഗ് ബോസ് തരുന്ന രസകരമായ പണികളുമാണ് ബിഗ് ബോസ് ഹൗസിൽ കാത്തിരിക്കുന്നത്.