ബിഗ്ബോസ് സീസൺ 1 ന് തിരശീല വീഴാൻ മണിക്കൂറുകൾ മാത്രം!! സീസൺ 2 നെ കുറിച്ച് അണിയറ പ്രവർത്തകർ

ബിഗ്ബോസ് സീസൺ 2 ഉടൻ

ബിഗ് ബോസ് സീസൺ 1 അതിന്റെ അവസാന മണിക്കൂറുകളിലേയ്ക്ക് നീങ്ങുകയാണ്. വിജയി ആരാണെന്ന് അറിയാൻ വളരെ കുറച്ച് നേരം കൂടി കാത്തിരുന്നാൽ മതിയാകും. എന്നാൽ ഇപ്പോൾ പ്രേക്ഷകർ ആകാംക്ഷയോടെ ചോദിക്കുന്ന ത് ബിഗ്ബേസ് സീസൺ 2 നെ കുറിച്ചാണ്. ബിഗ്ബോസ് ഇനി മടങ്ങി വരുമോ, എപ്പോഴാണ് ഷോ എന്നുമുളള നിരവധി സംശയങ്ങളാണ്
പ്രേക്ഷകരപടെ ഭാഗത്ത് നിന്ന് ഉയരുന്നത്. ഇതിനുള്ള മറുപടി ഏഷ്യാനെറ്റ് ബിസിനസ് ഹെഡും സീനിയര്‍ വൈസ് പ്രസിഡന്റുമായ രഘുരാമചന്ദ്രന്‍ പ്രേക്ഷകരുമായി പങ്കുവെയ്ക്കുകയാണ്.

രണ്ടാംഭാഗം 2019 ൽ

ബിഗ് ബോസ് സീസൺ 2 ഉണ്ടാകുമെന്നത് 100ശതമാനം ഉറപ്പാണ്. എല്ലാവരും സീസൺ 2 നെ കുറിച്ചുളള നിരവധി ചോദ്യങ്ങളാണ് ചോദിക്കുന്നത്. ബിഗ്ബോസ് സീസൺ 2 തീർച്ചയായും ഉണ്ടാകുമെന്നും അത് 2019 ലാകും മിനിസ്ക്രീനിൽ എത്തുകയെന്നും അദ്ദേഹം പറഞ്ഞു. എന്നാൽ ഷോയുടെ സംപ്രേക്ഷണ തീയതിയെ കുറിച്ച് കൃത്യമായി തീരുമാനിച്ചിട്ടില്ല. എന്നാലും 2019 ആദ്യം പകുതിയിലോ അല്ലെങ്കിൽ അവസാനത്തോടു കൂടിയോ ഉണ്ടാകുമെന്ന് രഘുരാമചന്ദ്രൻ പറഞ്ഞു.

ബിഗ്ബോസിനു ലഭിച്ച സ്വീകാര്യത

ബിഗ്ബോസ് ഷോ ആരംഭിക്കുന്നതിനു മുൻപ് തന്നെ ഒരുപാട് വ്യാജ പ്രചരണങ്ങൾ ഷോയെ തേടിയെത്തിരുന്നു. തുടത്തിൽ ഷോ നിർത്തലാക്കണമെന്നുള്ള കമന്റെുകളായിരുന്നു അധികവും ഉയർന്ന് വന്നത്. എന്നാൽ പിന്നീട് ദിവസങ്ങൾ കഴിയുമ്പോൾ ബിഗ്ബോസിന്റെ മുഖം തന്നെ മാറകയായിരുന്നു. ഷോയുടെ പാറ്റേണും രീതിയും മനസ്സിലാക്കിയ പ്രേക്ഷകർ ബിഗ്ബോസിനെ തങ്ങളുടെ സ്വീകരണ മുറിയിൽ സ്ഥിരസ്ഥാനം കൊടുക്കുകയായിരുന്നു. ഇപ്പോൾ സീസൺ 2 നെ കുറിച്ച് ഉയരുന്ന ചേദ്യങ്ങൾ ആദ്യംഭാഗത്തിന്റെ വിജയമാണ്.

എന്തായിരുന്നു ബിഗ്ബോസ്

സമൂഹത്തിന്റെ വിവിധ ഭാഗങ്ങളിലുള്ള 16 പേരായിരുന്നു ഷോയിൽ പങ്കെടുക്കാൻ എത്തിയത്. സെലിബ്രിറ്റികൾ ഉൾപ്പെടെ സമൂഹിക പ്രവർത്തകരും, വ്യാവസായികൾ വരെ ഈ ഷോയുടെ ഭാഗമായിരുന്നു. സോഷ്യൽ മീഡിയയയിലും സമൂഹത്തിലും വളരെ ലൈവായി നിൽക്കുന്നവരെ ഒരു വീട്ടിൽ കൊണ്ടു വന്നാൽ എന്ത് സംഭവിക്കും. പൊതു സമൂഹവുമായി യാതെരുബന്ധവുമില്ലാതിരുന്നാലോ. ഇതായിരുന്നു ബിഗ് ബോസ്. ഇവരുടെ പെരുമാറ്റരീതിയും, ഒരു സാഹചര്യത്തിനോട് എങ്ങനെ പെരുത്തപ്പെട്ട് ജീവിക്കും എന്നതാണ് ബിഗ്ബോസ് റിയാലിറ്റി ഷോ കാണിച്ചു തന്നത്.