ആത്മാര്‍ത്ഥമായിട്ടാണ് ഞങ്ങള്‍ അഭിനയിക്കുന്നത്, അതുതന്നെയാണ് വിജയമന്ത്രവും, മനസുതുറന്ന് നിഷാ സാരംഗ്

അഭിമുഖത്തില്‍ ഉപ്പും മുളകിന്‌റെ വിജയമന്ത്രം എന്താണെന്നും നീലു തുറന്നുപറഞ്ഞു. ഞങ്ങള്‍ അഭിനയിക്കുന്നത് ആത്മാര്‍ത്ഥമായിട്ടാണ്. അതുതന്നെയാണ് വിജയമന്ത്രവും എന്ന് നിഷാ സാരംഗ് പറയുന്നു. അഭിനയിക്കുമ്പോള്‍ ഞാനും ബിജുചേട്ടനും പുതിയ ആശയം വന്നാല്‍ അത് സംവിധായകരോട് പറയാറുണ്ട്. പരിപാടിയ്ക്ക് നല്ല ഫാന്‍ബേസും നേടി.

അത് ചിലപ്പോള്‍ ജനങ്ങള്‍ക്ക് ഇഷ്ടപ്പെടുകയും ചെയ്യാറുണ്ട്. നീലു പറഞ്ഞു. നൂറ് എപ്പിസോഡുകളില്‍ അവസാനിക്കും എന്ന് വിചാരിച്ച് തുടങ്ങിയ പ്രോഗ്രാമായിരുന്നു എന്നും എന്നാല്‍ ഇന്നത് 1000എപ്പിസോഡുകള്‍ക്ക് മുകളിലെത്തികഴിഞ്ഞുവെന്നും നിഷ പറയുന്നു. എല്ലാവരും സോഷ്യല്‍ മീഡിയ വഴി എപ്പോഴാണ് പുനരാരംഭിക്കുക എന്ന് ചോദിച്ചുകൊണ്ടിരിക്കുകയാണ്. നമുക്കും അറിയില്ല എന്നതാണ് സത്യം.

പിന്നെ എല്ലാവരും ജോലി ചെയ്യുന്നത് ജീവിക്കാനാണല്ലോ. അതിനാല്‍ പരിപാടി നിര്‍ത്തിയാലും ഞങ്ങള്‍ക്ക് മുന്നോട്ടുപോയേ പറ്റൂ. അതിനാലാണ് എല്ലാവരും കൂടി പുതിയ മിനി വെബ് സീരിസിന് തുടക്കമിട്ടതെന്നും നിഷ സാരംഗ് പറഞ്ഞു. ജനങ്ങള്‍ ചിരിക്കാന്‍ വേണ്ടി ഞങ്ങളൊന്നും ചെയ്തിട്ടില്ലെന്നും കഥയിലെ ഓരോ സന്ദര്‍ഭത്തിലും നന്നായി അഭിനയിക്കുക മാത്രമാണ് ചെയ്തതെന്നും ബിജു സോപാനവും പറയുന്നു.

ഞങ്ങളുടെ കോമ്പിനേഷന്‍ ജനങ്ങള്‍ ഇഷ്ടപ്പെടുന്നു എന്നറിയുന്നതില്‍ സന്തോഷം. ഇനിയും കൂടുതല്‍ നല്ല പരിപാടികളുമായി ജനങ്ങളെ സന്തോഷിപ്പിക്കണമെന്നാണ് ആഗ്രഹം. നിലവില്‍ ഉപ്പും മുളകിന്‌റെ ഷൂട്ടിങ് നിര്‍ത്തിവെച്ചിരിക്കുകയാണെന്നും തങ്ങള്‍ക്കും ഔദ്യോഗിക അറിയിപ്പൊന്നും ലഭിച്ചിട്ടില്ലെന്നും നീലുവും ബാലുവും പറഞ്ഞു. അതേസമയം ഉപ്പും മുളകിന് പിന്നാലെ നിരവധി സിനിമകളില്‍ ബാലുവും നീലുവും അഭിനയിച്ചിരുന്നു.

കൂടാതെ ഉപ്പും മുളകിലെ മറ്റ് താരങ്ങള്‍ക്കും സിനിമകളില്‍ വേഷം ലഭിച്ചു. ഉപ്പും മുളകിന്‌റെ പുതിയ എപ്പിസോഡുകള്‍ക്കായി വലിയ ആകാംക്ഷകളോടെയാണ് എല്ലാവരും കാത്തിരിക്കുന്നത്. എന്നാല്‍ ഇനി കുറച്ച് നാളുകള്‍ കഴിഞ്ഞ ശേഷം മാത്രമേ പരമ്പര പുനരാരംഭിക്കൂ എന്ന സൂചനകളാണ് ചാനല്‍ നല്‍കിയത്. ഉപ്പും മുളകിന് പിന്നാലെയാണ് ചക്കപ്പഴം എന്ന കുടുംബ പരമ്പരയും ഫ്‌ളവേഴ്‌സില്‍ വന്നത്. ചക്കപ്പഴം സമയത്തും ഉപ്പും മുളകിന് മികച്ച സ്വീകാര്യതയാണ് പ്രേക്ഷകര്‍ നല്‍കിയത്.