'കാത്തിരുന്ന കൺമണിയെത്തി', സൗഭാ​ഗ്യയ്ക്കും അർജുനും പെൺകുഞ്ഞ് പിറന്നു

സൗഭാ​ഗ്യ അമ്മയെ പോലെ അഭിനേത്രി അല്ലെങ്കിലും അമ്മയേക്കാൾ മലയാളികൾ കൂടുതൽ സുപരിചിത ഇപ്പോൾ സൗഭാ​ഗ്യയാണ്. ടിക്ക് ടോക്ക് പ്രചാരത്തിലുണ്ടായിരുന്ന കാലം മുതലാണ് സൗഭാ​ഗ്യ ശ്രദ്ധിക്കപ്പെട്ട് തുടങ്ങിയത്. നടി കൽപ്പനയുടെ അടക്കം പഴയകാല കോമഡി രം​ഗങ്ങൾ വീണ്ടും റീക്രിയേറ്റ് ചെയ്താണ് സൗഭാ​ഗ്യ വീഡിയോകൾ പങ്കുവെച്ച് തുടങ്ങിയത്. പിന്നീട് പതിയെ നൃത്തം ചെയ്യുന്ന വീഡിയോകളും സൗഭാ​ഗ്യ പങ്കുവെക്കാൻ തുടങ്ങി. ടിക്ക് ടോക്കിലും മറ്റ് സോഷ്യൽമീഡിയയിലും അർജുന്റേയും സൗഭാ​ഗ്യയുടേയും നൃത്ത വീഡിയോകൾ നിമിഷ നേരം കൊണ്ട് വൈറലാകാറുണ്ട്. അമ്മ താര കല്യാണിനെപ്പോലെ ക്ലാസിക്കൽ നൃത്തം സൗഭാ​ഗ്യയും പഠിച്ചിട്ടുണ്ട്. ​ഗർഭകാലത്ത് അരമണ്ഡലത്തിൽ ഇരുന്ന് സൗഭാ​ഗ്യ നൃത്തം ചെയ്യുന്ന വീഡിയോയും ഏറെ ശ്രദ്ധിക്കപ്പെട്ടിരുന്നു.

കുട്ടിക്കാലം മുതലുള്ള സൗഭാ​ഗ്യയുടെ സുഹൃത്തായിരുന്നു അർജുൻ. പിന്നീട് സൗഹൃദം പ്രണയമായി വളർന്നു ശേഷമാണ് ഇരുവരും വിവാഹിതരാകാൻ തീരുമാനിച്ചത്. വിവാഹത്തിന് മുമ്പ് തന്നെ സൗഭാ​ഗ്യയ്ക്കൊപ്പം വീഡിയോകളിൽ അർജുൻ പ്രത്യക്ഷപ്പെടാറുണ്ടായിരുന്നു. ഇപ്പോൾ താര കല്യാണിന്റെ ഡാൻസ് സ്കൂൾ നോക്കി നടത്തുന്നത് അർജുനും സൗഭാ​ഗ്യയും ചേർന്നാണ്. സൗഭാ​ഗ്യ ഇതുവരെ അഭിനയത്തിലേക്ക് കടന്നിട്ടില്ലെങ്കിലും അർജുൻ അഭിനയത്തിലേക്ക് എത്തിയിട്ടുണ്ട്. ചക്കപ്പഴം എന്ന സീരിയലിലൂടെയാണ് അർജുൻ അഭിനയരം​ഗത്തേക്ക് കടന്നുവന്നത്. സീരിയൽ കുറച്ച് എപ്പിസോഡുകൾ പിന്നിട്ടപ്പോൾ അർജുൻ പിന്മാറി. വ്യക്തിപരമായ തിരക്കുകൾ മൂലമാണ് അർജുൻ സീരിയലിൽ നിന്നും പിന്മാറിയത് എന്നാണ് താരം അറിയിച്ചത്.

Recommended Video

എടാ അർജു, നിനക്ക് സ്വൈര്യം കിട്ടില്ലെടാ..സൗഭാഗ്യക്ക് ചക്കര ഉമ്മ നൽകുന്ന മഞ്ജു പിള്ള

ഇപ്പോൾ അമൃത ടിവിയിൽ സംപ്രേഷണം ചെയ്യുന്ന ഉരുളക്ക് ഉപ്പേരി എന്ന സീരിയലിന്റെ ഭാ​ഗമാണ് അർജുൻ. ചക്കപ്പഴത്തിൽ ശിവൻ എന്ന കഥാപാത്രമായുള്ള അർജുന്റെ പ്രകടനം ഏറെ ശ്രദ്ധിക്കപ്പെട്ടിരുന്നു. നുറുങ് തമാശകളുമായി അർജുന്റെ കഥാപാത്രം വേ​ഗത്തിൽ ശ്രദ്ധിക്കപ്പെട്ടിരുന്നു. കോമഡിക്ക് പ്രാധാന്യം നൽകിയാണ് അമൃത ടിവിയിലെ ഉരുക്ക് ഉപ്പേരി സീരിയലും ഒരുക്കിയിരിക്കുന്നത്. രാമനുണ്ണി എന്ന ​ഗൾഫുകാരന്റെ വേഷമാണ് സീരിയലിൽ അർജുന്. താരദമ്പതികളുടെ ജീവിതത്തിലേക്ക് പുതിയ അതിഥി വന്നതോടെ നിരവധി പേരാണ് സൗഭാ​​ഗ്യയ്ക്കും കുടുംബത്തിനും ആശംസകൾ നേർന്നത്. ‌‌