അശ്വതിയുടെ ബേബി ഷവര്‍ ആഘോഷമാക്കി ചക്കപ്പഴം താരങ്ങള്‍? ചിത്രങ്ങള്‍ വൈറല്‍

ഗര്‍ഭിണിയായ ശേഷവും ചക്കപ്പഴം പരമ്പരയില്‍ അഭിനയിക്കാന്‍ എത്തിയിരുന്നു അശ്വതി. ഒരിടവേളയ്ക്ക് ശേഷമാണ് പരമ്പര വീണ്ടും ചാനലില്‍ സംപ്രേക്ഷണം ആരംഭിച്ചത്. അശ്വതി ശ്രീകാന്തിന് പുറമെ ശ്രീകുമാര്‍, റാഫി, സബീറ്റ ജോര്‍ജ്ജ്, ശ്രുതി രജനീകാന്ത് ഉള്‍പ്പെടെയുളള താരങ്ങളാണ് ചക്കപ്പഴത്തില്‍ മറ്റ് പ്രധാന വേഷങ്ങളിലെത്തുന്നത്.

ഉപ്പും മുളകും അവസാനത്തിലേക്ക് അടുത്ത സമയത്താണ് ചക്കപ്പഴം ഫ്‌ളവേഴ്‌സില്‍ സംപ്രേക്ഷണം ആരംഭിച്ചത്. അതേസമയം ചക്കപ്പഴം ടീമിനൊപ്പമുളള അശ്വതി ശ്രീകാന്തിന്‌റെ എറ്റവും പുതിയ ചിത്രങ്ങള്‍ സോഷ്യല്‍ മീഡിയയില്‍ വൈറലാവുകയാണ്. ലൊക്കേഷനില്‍ നിന്നുളള മനോഹര ചിത്രങ്ങളാണ് ഇപ്പോള്‍ പുറത്തുവന്നിരിക്കുന്നത്. അശ്വതിയുടെ ബേബി ഷവര്‍ ചക്കപ്പഴം ടീം ആഘോഷമാക്കിയെന്ന തരത്തിലുളള റിപ്പോര്‍ട്ടുകളാണ് പുറത്തുവരുന്നത്.

ചക്കപ്പഴത്തിലെ താരങ്ങളെല്ലാം അശ്വതിക്കൊപ്പമുളള ചിത്രങ്ങള്‍ തങ്ങളുടെ പേജുകളില്‍ പങ്കുവെച്ചിട്ടുണ്ട്. അശ്വതിക്കൊപ്പമുളള ചിത്രങ്ങള്‍ ചക്കപ്പഴം താരം സബീറ്റ ജോര്‍ജ്ജും പോസ്റ്റ് ചെയ്തിരുന്നു. 'ഞങ്ങളുടെ കുടുംബത്തിലെ സ്ത്രീകള്‍ ഞങ്ങളുടെ അഭിമാനവും സന്തോഷവുമാണ്. ഞങ്ങളുടെ മൂല്യത്തിന് ഒരു വില നല്‍കാന്‍ ആര്‍ക്കും ആവശ്യപ്പെടാനാവില്ല' എന്ന് കുറിച്ചാണ് സബീറ്റ ചിത്രങ്ങള്‍ പോസ്റ്റ് ചെയ്തത്. അശ്വതിക്കൊപ്പമുളള ചിത്രങ്ങള്‍ സബീറ്റ മുന്‍പും പങ്കുവെച്ചിട്ടുണ്ട്.

ചക്കപ്പഴം പരമ്പരയുടെ ആരാധക ഗ്രൂപ്പുകളിലും ഈ ചിത്രങ്ങള്‍ വ്യാപകമായി പ്രചരിക്കുന്നുണ്ട്. അതേസമയം കോമഡി സൂപ്പര്‍ നെെറ്റ് പരിപാടിയിലൂടെയാണ് അശ്വതി ശ്രീകാന്ത് ശ്രദ്ധേയയായത്. സുരാജ് വെഞ്ഞാറമൂടിനൊപ്പമുളള നടിയുടെ അവതരണം ഏറെ ശ്രദ്ധിക്കപ്പെട്ടിരുന്നു. തുടര്‍ന്ന് നിരവധി റിയാലിറ്റി ഷോകളിലും സ്‌റ്റേജ് ഷോകളിലുമെല്ലാം അവതാരകയായി അശ്വതി.

Recommended Video

അയാളുടെ പ്രൊഫൈല്‍ കണ്ട് ഞെട്ടി | FilmiBeat Malayalam

അവതരണത്തിനും അഭിനയത്തിനും പുറമെ എഴുത്തുകാരി കൂടിയാണ് നടി. അശ്വതി ശ്രീകാന്ത് എഴുതിയ പുസ്തകവും ശ്രദ്ധിക്കപ്പെട്ടിരുന്നു. സാമൂഹിക വിഷയങ്ങളിലും മറ്റും തന്‌റെ അഭിപ്രായങ്ങളും നിലപാടുകളും പങ്കുവെക്കാറുണ്ട് താരം. നടിയുടെതായി വരാറുളള മിക്ക പോസ്റ്റുകളും സോഷ്യല്‍ മീഡിയയില്‍ വൈറലാകാറുണ്ട്. ഇന്‍സ്റ്റഗ്രാമിലൂടെയാണ് തന്‌റെ കൂടുതല്‍ വിശേഷങ്ങളും നടി പങ്കുവെക്കാറുളളത്.