ജീവിതത്തിൽ ഒരുപാട് പ്രതിസന്ധികൾ അതിജീവിച്ചിട്ടുണ്ട്, കഷ്ടപ്പെട്ടിട്ടുണ്ട്, തുറന്ന് പറഞ്ഞ് ചക്കപ്പഴത്തിലെ റാഫി

ജീവിതത്തിൽ ഒരുപാട് പ്രതിസന്ധികൾ അതിജീവിച്ചിട്ടാണ് ഇവിടെ വരെ എത്തിയത്. ഒരുപാട് കഷ്ടപ്പെട്ടിട്ടുണ്ട്. ഇവിടെ വരെ എത്തിയതും അങ്ങനെ തന്നെയാണ്. ഇപ്പോഴും സെലിബ്രിറ്റി ഒന്നും ആയിട്ടില്ല.നമ്മൾ സാധരണക്കാരനാണ്. അതുപോലെ നമ്മളേയും എല്ലാവരും സാധാരണക്കാരനായി കാണുക. അങ്ങനെ ജീവിക്കാനാണ് ആഗ്രഹമെന്നും റാഫി പറയുന്നു.

ജീവിതത്തിൽ അത്ര വലിയ സ്വപ്നം ഒന്നുമില്ലെന്നാണ് റാഫി പറയുന്നത്. എന്നാൽ നല്ലൊരു നടൻ ആകണമെന്നുളള ആഗ്രഹമുണ്ട്. അത് കൂടാതെ വീട്ടിലെ കാര്യങ്ങൾ ഒക്കെ ഭംഗിയായി നോക്കി സന്തോഷത്തോടെ ജീവിക്കണമെന്നുമുണ്ട്. പിന്നെ പ്രേക്ഷകർ തരുന്ന ഈ പിന്തുണ ഇനിയും ഉണ്ടാകണം എന്നുളള ആഗ്രഹമുണ്ടെന്നും താരം പറയുന്നു.

ഹേറ്റേഴ്സില്ലാത്ത ടിക് ടോക്ക് താരമായിരുന്നു റാഫി. ആ സമയമാണ് റാഫി ഇപ്പോൾ ഏറ്റവും കൂടുതൽ മിസ് ചെയ്യുന്നത്. ടിക് ടോക്കിലൂടെ ഒരുപാട് ആളുകളിലേയ്ക്ക് അറിയപ്പെടാൻ കഴിഞ്ഞതിലുള്ള സന്തോഷവും നടൻ പങ്കുവെയ്ക്കുന്നുണ്ട്. അന്നൊക്കെ പെയിന്റിങ്ങും അത്യാവശ്യം മേശിരി പണിയുമൊക്കെ ഉണ്ടായിരുന്നു. അതിന്റെ ഇടക്ക് സമയം കണ്ടെത്തിയാണ് ഞങ്ങൾ കൂട്ടുകാർ അത്തരം വീഡിയോകൾ ചെയ്തിരുന്നത്. ടിക് ടോക്കിലൂടെയാണ് ഒരുപാട് ആളുകളിൽ എത്തിപ്പെടാൻ കഴിഞ്ഞത്. അതിൽ ഒരുപാട് സന്തോഷമുണ്ടെന്നും റാഫി പറയുന്നു.

Recommended Video

Chakkappazham Fame Arjun Finally Revealed The Reason For Quitting The Show

സംവിധയകൻ രാജേഷ് മോഹൻ സാർ വഴിയാണ് പരമ്പരയിലേയ്ക്ക് എത്തിയത്. ടോണി ജോസ്കോ ആണ് അതിന്റെ നിർമ്മാതാവ്. നല്ല സന്തോഷകരമായി തന്നെ മുൻപോട്ട് പോകുന്നു. ഇനിയും വരാനുണ്ട് എപ്പിസോഡുകൾ. രണ്ട് വർഷങ്ങൾക്ക് മുൻപ് റാഫി ഒരു സിനമയിൽ അഭിനയിച്ചിരുന്നു. പിന്നീടാണ് മിനിസ്ക്രീനിൽ എത്തിയത്.