Don't Miss!
- Lifestyle പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ്
- Automobiles ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ
- Technology വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ
- Sports T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന
- News തിരഞ്ഞെടുപ്പ് കമ്മീഷന്റെ സ്വീപ് യൂത്ത് ഐക്കൺ ആണ്; പക്ഷേ മമിത ബൈജുവിന് ഇത്തവണ വോട്ടില്ല
- Finance കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നാത്തൂനായ ഡിവൈനിനോട് സംസാരിക്കാന് പേടിയായിരുന്നു; കല്യാണം കഴിഞ്ഞ് വന്ന നാളുകളെ കുറിച്ച് ഡിംപിള് റോസ്
ടെലിവിഷന് സീരിയലുകളിലൂടെ പ്രേക്ഷകര്ക്ക് പ്രിയങ്കരിയായി മാറിയ താരമാണ് ഡിംപിള് റോസ്. ബാലതാരമായി സിനിമയില് അഭിനയിച്ച് തുടങ്ങിയ ഡിംപിള് പിന്നീട് സീരിയലുകളിലാണ് സജീവമായത്. പിന്നീട് വിവാഹം കഴിഞ്ഞതോട് കൂടിയാണ് ഡിംപിളിന്റെ കുടുംബവിശേഷവും ചര്ച്ചയായത്. ഇപ്പോള് യൂട്യൂബ് ചാനലിലൂടെ വീഡിയോസ് പങ്കുവെച്ചാണ് നടി സജീവമാവുന്നത്.
അടുത്തിടെ നടി അനു ജോസഫ് ഡിംപിളിന്റെ വീട്ടിലെത്തിയിരുന്നു. തൃശൂരില് ഒരാവശ്യത്തിന് വന്നിട്ട് പോകും വഴിയാണ് അനു ഡിംപിളിന്റെ വീട്ടിലും അതിഥിയായി എത്തിയത്. മാത്രമല്ല ഇരുവരും കണ്ട നിമിഷങ്ങള് വീഡിയോ രൂപത്തില് കാണിക്കുകയും ചെയ്തു. ഈ വീഡിയോയില് ഡിംപിള് തന്റെ നാത്തൂനെ പരിചയപ്പെടുത്തുന്നതാണ് ഇപ്പോള് സോഷ്യല് മീഡിയ ചര്ച്ചയാക്കുന്നത്.
ഡിംപിളിന്റെയും സഹോദരന് ഡോണിന്റെയും വിവാഹം മുന്പ് ചര്ച്ചയാക്കപ്പെട്ടിരുന്നു. നടി മേഘ്ന വിന്സെന്റിനെയാണ് ഡോണ് വിവാഹം കഴിച്ചത്. ഈ ബന്ധം വേര്പിരിഞ്ഞതോടെയാണ് താരകുടുംബം വീണ്ടും വാര്ത്തകളില് നിറഞ്ഞത്. ശേഷം ഡോണ് രണ്ടാമതും വിവാഹിതനായി. ഡിവൈന് എന്നാണ് പെണ്കുട്ടിയുടെ പേര്. നാത്തൂന് വീട്ടില് വന്ന സമയത്തെ കുറിച്ചും പിന്നീട് തങ്ങളുടെ ജീവിതത്തിലുണ്ടായ മാറ്റങ്ങളും അനുവിനോട് സംസാരിക്കുമ്പോഴാണ് ഇരുവരും മനസ് തുറന്നത്.
വളരെ അധികം സംസാരിക്കുന്ന ആള്ക്കാരാണ് ഡിംപിളിന്റെ വീട്ടില്. പ്രത്യേകിച്ച് മമ്മി. എന്നാല് ഡിവൈന് വരുന്ന സമയത്ത് എല്ലായിടത്തും നിശബ്ദതയാണ്. ഡിവൈന് നല്ലോണം സംസാരിക്കുന്ന ആളായത് കൊണ്ട് എല്ലാവരും മിണ്ടാതിരിക്കുമ്പോള് വിഷമമായി തുടങ്ങി. ശരിക്കും അന്ന് ഈ വീട് ഒരു അവാര്ഡ് പടം പോലെയായിരുന്നെന്നാണ് ഡിവൈന് പറയുന്നത്. മിണ്ടാതെ നടക്കുന്നത് ഡിവൈന് വിഷമമായെന്ന് മനസിലാക്കി തുടങ്ങിയതോടെ താനും സംസാരിച്ച് തുടങ്ങിയതായി ഡിംപിളിന്റെ മമ്മി പറയുന്നു.
എന്നാല് നാത്തൂനായി വന്ന ഡിവൈനിനോട് തുടക്കത്തില് സംസാരിക്കാന് പേടിയായിരുന്നെന്നാണ് ഡിംപിള് പറയുന്നത്. താനെന്തെങ്കിലും പറയുന്നത് ഡിവൈന് എങ്ങനെയാണ് മനസ്സിലാക്കുന്നതെന്നും അവരത് എങ്ങനെ എടുക്കുമെന്നും അറിയില്ലല്ലോ. അതാണ് മിണ്ടാന് മടിച്ചതിന് പിന്നില്. പിന്നെ ഞാന് പൊതുവേ സംസാരം കുറവുള്ള ആളായിരുന്നെങ്കിലും ഡിവൈനിനൊപ്പം ചേര്ന്നതിന് ശേഷമാണ് ഇത്രയും സംസാരിച്ച് തുടങ്ങിയത്.
ഭര്ത്താവ് ആന്സനും സംസാരിക്കാന് വളരെ താല്പര്യമുള്ള ആളാണ്. അദ്ദേഹമാണ് വീട്ടിലുള്ളവരുടെ മൗനം മാറ്റിയെടുത്തതെന്നും ഡിംപിള് പറയുന്നു. ചോദിച്ചാല് അതിന് മാത്രം മറുപടി പറയുന്ന എന്റെ ശീലം വിവാഹത്തോടെയാണ് മാറിയത്.
ഇപ്പോള് എല്ലാവരും സംസാരിക്കാന് തുടങ്ങിയാല് അത് നിര്ത്താന് പറ്റില്ലാത്ത അവസ്ഥയിലായി. യൂട്യൂബ് ചാനലില് സജീവമായി വ്ളോഗ് ചെയ്യാന് ഏറ്റവും വലിയ പിന്തുണ നല്കിയത് നാത്തൂനാണ്. കുഞ്ഞ് കൂടി ജനിച്ചതോടെ ജീവിതത്തില് ഒത്തിരി മാറ്റങ്ങള് സംഭവിച്ചതായിട്ടും നടി പറയുന്നു.
-
ഞാന് ഗെയിം കളിക്കുന്നില്ലേ? സിജോയോട് ജാസ്മിന്; നാണം കെടുത്തി ബിഗ് ബോസും കൂകി വിളിച്ച് വീട്ടുകാരും
-
ഞാന് കെട്ടാന് ആഗ്രഹിച്ചിരുന്ന കുട്ടിയാണ്, വിവാഹിതയായെങ്കില് അണ്ഫോളോ ചെയ്യുന്നു! അപര്ണയോട് ആരാധകര്
-
നെഗറ്റീവെന്ന് അറിഞ്ഞിട്ടും തള്ളിപ്പറയാതെ ജാസ്മിന്; ചൂഷണം ചെയ്ത് ഗബ്രി; കല്ലേറ് മുഴുവന് ജാസ്മിന്!