അതെ ഞാന്‍ ഗര്‍ഭിണിയാണ്; സഹോദരന് കുഞ്ഞ് ജനിച്ചതിന് പിന്നാലെ കുഞ്ഞതിഥി വരാന്‍ പോവുകയാണെന്ന് ഡിംപിള്‍ റോസ്

ഞാന്‍ ഗര്‍ഭിണിയാണോന്ന് കുറേ നാളുകളായി എല്ലാവരും ചോദിച്ച് കൊണ്ടിരിക്കുകയാണ്. ഗര്‍ഭിണിയാണെന്ന് അറിഞ്ഞ ആദ്യത്തെ മാസത്തില്‍ തന്നെ നിങ്ങള്‍ ചോദിച്ച് തുടങ്ങിയിരുന്നു. എങ്ങനെയാണ് നിങ്ങള്‍ക്കത് മനസിലാകുന്നതെന്ന് വിചാരിച്ച് ഞാന്‍ ശരിക്കും ഞെട്ടി പോയി. ചിലപ്പോള്‍ മാറ്റങ്ങള്‍ വന്ന് തുടങ്ങിയത് കൊണ്ടാവുമെന്നും ഡിംപിള്‍ റോസ് പറയുന്നു.

എന്ത് കാര്യമാണെങ്കിലും അത് വെളിപ്പെടുത്താന്‍ ഒരു സമയമുണ്ട്. അതിന് വേണ്ടി ഞങ്ങള്‍ കാത്തിരിക്കുകയായിരുന്നു. അനൗണ്‍സ് ചെയ്യാനും ഞങ്ങള്‍ക്ക് തയ്യാറെടുപ്പ് വേണം. അതുകൊണ്ടാണ് ഇത്രയും മുന്നോട്ട് പോയത്. ഒടുവില്‍ ഞാന്‍ ഗര്‍ഭിണിയാണെന്നുള്ള കാര്യം വെളിപ്പെടുത്തുകയാണ്. ഞാന്‍ ഭയങ്കര ആകാംഷയിലും സന്തോഷത്തിലുമാണെന്ന് എന്നെ കാണുമ്പോള്‍ തന്നെ നിങ്ങള്‍ക്ക് അറിയാം. എന്റെ അത്രയും വോള്‍ട്ടേജില്‍ സന്തോഷം പ്രകടപ്പിക്കാന്‍ ഭര്‍ത്താവ് അന്‍സന് അറിയില്ല.

ഞങ്ങള്‍ ആഗ്രഹിച്ച് ഒരുങ്ങി ഇരുന്നൊരു സമയത്ത് തന്നെയാണ് ദൈവം അനുഗ്രഹിച്ചത്. എന്റെ ഗര്‍ഭകാല യാത്ര തുടങ്ങുന്നേയുള്ളു. ഇനിയും ഒരുപാട് കടമ്പകള്‍ കടക്കാനുണ്ട്. കുറേ മാസങ്ങള്‍ സുരക്ഷിതമായി പോവനുള്ളത് കൊണ്ട് എല്ലാവരുടെയും പ്രാര്‍ഥനകള്‍ വേണം. ഗര്‍ഭം ധരിക്കുക എന്ന് പറയുന്നത് വലിയൊരു അനുഗ്രഹമാണ്. നമ്മുടെ കൈയിലിരിക്കുന്ന കാര്യമല്ല.

ഞങ്ങളുടെ നാലാം വിവാഹ വാര്‍ഷികം വരാന്‍ പോവുകയാണ്. ഞങ്ങള്‍ രണ്ട് പേര്‍ക്കും പരസ്പരം കൊടുക്കാന്‍ പറ്റുന്ന ഏറ്റവും മികച്ച ആനിവേഴ്‌സറി ഗിഫ്റ്റ് ഇതാണ്. രണ്ട് വര്‍ഷം മുന്‍പ് ഒക്കെ ആയിരുന്നെങ്കില്‍ ഞങ്ങള്‍ മാനസികമായി അതിന് തയ്യാറെടുത്തിരുന്നില്ല. എന്ത് കൊണ്ടാണ് നാല് വര്‍ഷം കാത്തിരുന്നതെന്ന് പലരും ചോദിക്കാറുണ്ട്. ഡോക്ടറുടെ അടുത്ത് പോയോ, എന്താണ് പ്രശ്‌നമെന്നൊക്കെയുള്ള ചോദ്യം ഒരുപാട് കേട്ടു. എന്നിരുന്നാലും ഞങ്ങള്‍ കുഞ്ഞിന് വേണ്ടി ആഗ്രഹിച്ച്, പ്രാര്‍ഥിച്ച സമയത്ത് ദൈവം തന്നു. ഇനി ഏറ്റവും നല്ല രീതിയില്‍ ആവണം. ജനിക്കാന്‍ പോകുന്ന കുഞ്ഞിനും പിന്തുണ വേണമെന്ന് ഡിംപിള്‍ റോസും അന്‍സനും പറയുന്നു.