സ്വപ്നത്തിലേക്കുള്ള യാത്രയിൽ ഈ കുട്ടിയും ഉണ്ടാവും, പ്രണയിനിയെ വെളിപ്പെടുത്തി ചെമ്പരത്തി താരം പ്രബിൻ

ഇൻസ്റ്റഗ്രാം പേജിലൂടെയാണ് സന്തോഷ വാർത്ത പങ്കുവെച്ചിരിക്കുന്നത്. വിവാഹത്തിന് തയ്യാറെടുക്കുന്ന വിവരമാണ് പ്രബിൻ പങ്കുവെച്ചിരിക്കുന്നത്. തന്റെ പ്രിയതമയുടെ ചിത്രം പങ്കുവെച്ച് കൊണ്ടാണ് പ്രബിൻ ഈ വിവരം വെളിപ്പെടുത്തിയിരിക്കുന്നത്. എന്നാൽ പെൺകുട്ടിയുടെ പേരോ മറ്റ് വിവരങ്ങളെ പങ്കുവെച്ചിട്ടില്ല. കൂടാതെ നടൻ പങ്കുവെച്ചത് ഭാവി വധുവിന്റെ ബാല്യകാല ചിത്രം കൂടിയാണ്. തനിക്ക് ഏറ്റവും ഇഷ്ടപ്പെട്ട ചിത്രം ഇതാണെന്ന് പറഞ്ഞു കൊണ്ടാണ് ജീവിതത്തിലെ പുതിയ സന്തോഷം പങ്കുവെച്ചിരിക്കുന്നത്. നടന്റെ വാക്കുകൾ ഇങ്ങനെ...

പ്രബിന്റെ വാക്കുകൾ

ഈ കുട്ടിയില്ലേ!!??ദേ ഈ ഫോട്ടോയിൽ ഉള്ള കുട്ടി!! ഈ കുട്ടിയെ ഞാൻ എന്റെ ജീവിത പങ്കാളിയാക്കാൻ തീരുമാനിച്ചിരിക്കാ.. ഇപ്പോ ഈ കുട്ടി ഒരുപാട് വലുതായി കേട്ടോ എന്നാലും എനിക്കിഷ്ടപ്പെട്ട ഫോട്ടോകൾ പോസ്റ്റ്‌ ചെയ്തു എന്ന് മാത്രം എന്താണെന്നോ എങ്ങനെയായാണെന്നോ എന്ന ചോദ്യത്തിനേക്കാൾ ഞാൻ പ്രാധാന്യം കൊടുകേണ്ടത്‌ ഇനിയങ്ങോട്ട്..!!!എന്ന പദത്തിനെ കുറിച്ചാണ്... എന്താവുമെന്നോ എങ്ങനെയാവുമെന്നോ എനിക്കറിയില്ല പക്ഷെ എന്റെ സ്വപ്നത്തിലേക്കുള്ള യാത്രയിലേക്ക് ഈ കുട്ടിയും എന്റെ കൂടെ ഉണ്ടാവും..... നാളെ

PBN എന്നൊരു ആക്ടർ വളരുന്തോറും ചേർത്തുപിടിക്കുന്നവരിൽ ഒരു മുഖ്യപങ്കു ഇവരുടേത് കൂടിയായിരിക്കും അതെനിക്കുറപ്പാണ്. എന്റെ ജീവിതത്തില്ലേ ഈ ഒരു പ്രധാനകാര്യം നിങ്ങളെയെല്ലാവരെയും അറിയിക്കണം എന്ന് എനിക്ക് തോന്നി. കാരണം നിങ്ങൾ എല്ലാവരും എനിക്ക് ഇതുവരെ തന്ന സ്നേഹവും പ്രോത്സാഹനവും. എല്ലാം എനിക്ക് ദൈവതുല്യമാണ്. എന്റെ ജീവിതത്തില്ലേ സന്തോഷങ്ങൾക്കും പ്രചോദനങ്ങൾക്കും കാരണക്കാരായവരിൽ ഒരു വലിയ പങ്ക് അതു നിങ്ങളുടേതാണ്. അതുകൊണ്ട് തന്നെ എന്റെ എല്ലാ അമ്മമാരുടെയും ചേട്ടന്മാരുടെയും അനിയൻമാരുടെയും പെങ്ങമ്മാരുടെയും............. നിങ്ങളെല്ലാവരുടെയും അനുഗ്രഹം എനിക്ക് വേണം.. എന്ന് സ്നേഹപൂർവ്വം #PBN," ഇൻസ്റ്റഗ്രാമിൽ കുറിച്ചു.

Recommended Video

ബിഗ്‌ബോസിലേക്ക് ഉണ്ടോ ? ബോബി ചെമ്മണ്ണൂർ പറയുന്നു

നടൻറെ പോസ്റ്റ് നിമിഷ നേരം കൊണ്ടാണ് വൈറലായിരിക്കുന്നത്. താരത്തിന് ആശംസയുമായി പ്രേക്ഷകർ രംഗത്തെത്തിയിട്ടുണ്ട്. കൂടാതെ ഭാവി വധുവിന്റെ ചിത്രം കാണിച്ചും തരണമെന്നും ആരാധകർ പറയുന്നുണ്ട്. ചിത്രത്തിനായി എല്ലാവരും ആകാക്ഷയോടെ കാത്തിരിക്കുകയാണെന്നും പ്രബിനോട് ആരാധകർ പറയുന്നുണ്ട്. വളരെ വൈകാതെ തന്നെ ഭാവി വധുവിനെ പ പരിചയപ്പെടുത്തുമെന്നുള്ള വിശ്വസത്തിലാണ് ആരാധകർ.