ചെമ്പരത്തിയിലെ അരവിന്ദ് ഇനി സ്വാതിക്ക് സ്വന്തം, പ്രബിന്‍ വിവാഹിതനായി, ചിത്രങ്ങള്‍ വൈറല്‍

അമ്പലത്തില്‍

തൃപ്രയാര്‍ ശ്രീരാമക്ഷേത്രത്തില്‍ വെച്ചായിരുന്നു പ്രബിന്റെ വിവാഹം. ബന്ധുക്കളും സുഹൃത്തുക്കളുമുള്‍പ്പടെയുള്ളവര്‍ വിവാഹത്തില്‍ പങ്കെടുത്തിരുന്നു. ജനുവരി 24നാണ് വിവാഹമെന്ന് നേരത്തെ താരം പറഞ്ഞിരുന്നു. സമയം മലയാളത്തിന് നല്‍കിയ അഭിമുഖത്തിനിടയിലായിരുന്നു പ്രബിന്‍ വിവാഹവിശേഷങ്ങള്‍ പങ്കുവെച്ചത്. സ്വാതിയുടെ കുട്ടിക്കാല ചിത്രം പങ്കുവെച്ചായിരുന്നു പ്രബിന്‍ ആദ്യം പ്രണയത്തെക്കുറിച്ച് പറഞ്ഞത്.

പ്രണയവിവാഹം

കോളേജ് ലക്ചററാണ് സ്വാതി. പ്രണയവിവാഹമാണ് ഇവരുടേത്. എങ്ങനെയാണ് ഈ ബന്ധം വിവാഹത്തിലേക്ക് എത്തിയതെന്ന് അറിയില്ല, എപ്പോഴാണ് പ്രണയം തുടങ്ങിയതെന്നറിയില്ല. ഒരുപാട് കാരണങ്ങളാണ് ഞങ്ങളെ ചേര്‍ത്തുനിര്‍ത്തിയത്. തന്‍രെ സ്വപ്‌നത്തിന് കൂട്ടായി ഇനി പ്രണയിനിയും കൂടെയുണ്ടാവും. പ്രബിനെന്ന അഭിനേതാവ് വളരുന്തോറും ചേര്‍ത്തുപിടിക്കാനായി ഇവരുമുണ്ടാവും. ഭാര്യയെന്ന നിലയില്‍ എല്ലാ കാര്യത്തിനും ഈ കുട്ടി കൂടെയുണ്ടാവുമെന്നുറപ്പുണ്ടെന്നും പ്രബിന്‍ നേരത്തെ പറഞ്ഞിരുന്നു.

പ്രണയിക്കുമ്പോള്‍

അഭിനേതാവായി ആളുകള്‍ തിരിച്ചറിയുന്നതിന് മുന്‍പ് തുടങ്ങിയ ബന്ധമാണ്. അന്നേ അവള്‍ എന്നെ പ്രണയിച്ച് തുടങ്ങിയതാണ്. മറ്റുള്ളവരിലൂടെ എന്റെ ആഗ്രഹങ്ങളെക്കുറിച്ച് അറിഞ്ഞ് എന്നെ പ്രണയിച്ചയാളാണ്. എന്‍രെ സ്വപ്‌നത്തിന് വേണ്ടി കൂടിയാണ് പ്രണയിനി ഇറങ്ങിത്തിരിച്ചതെന്നും തന്നെ വിവാഹം ചെയ്യുന്നത് അവളെ സംബന്ധിച്ചിടത്തോളം റിസ്‌ക്കാണെന്നും പ്രബിന്‍ ചൂണ്ടിക്കാണിച്ചിരുന്നു.

അഭിനയത്തിലേക്ക്

അഭിനയത്തോട് അടങ്ങാത്ത പാഷനായിരുന്നു പ്രബിനുണ്ടായിരുന്നത്. നിരവധി ഓഡീഷനുകളില്‍ പങ്കെടുത്തിരുന്നു താനെന്ന് പ്രബിന്‍ പറഞ്ഞിരുന്നു. സീ കേരളത്തിലെ ഓഡീനിലേക്കും പോയിരുന്നു. അങ്ങനെയാണ് ചെമ്പരത്തിയില്‍ സെലക്റ്റായത്. നമ്മുടെ ഉദ്ദേശശുദ്ധി നല്ലതാണെങ്കില്‍ ആഗ്രഹം നിറവേറ്റുന്നതിനായി ദൈവം കൂടെയുണ്ടാവുമെന്ന് വിശ്വസിക്കുന്നയാളാണ് താനെന്നും താരം പറഞ്ഞിരുന്നു. മിനിസ്‌ക്രീനില്‍ മാത്രമല്ല ബിഗ് സ്‌ക്രീനിലെ അവസരങ്ങള്‍ക്കായും താന്‍ കാത്തിരിക്കുന്നുണ്ടെന്നും താരം നേരത്തെ പറഞ്ഞിരുന്നു.