ബിഗ്ബോസിൽ നടക്കുന്നത് വലിയ കളികൾ!! അർച്ചനയെ പുറത്താക്കിയത് ആസൂത്രിതം, എല്ലാം പൊളിച്ചടുക്കി ദീപൻ

ബിഗ്ബോസ് നിലനിർത്തേണ്ടത് ഇവരെ

ബിഗ്ബോസിൽ നിന്ന് പുറത്തു പോയതിനു ശേഷം ഒരു മത്സരാർഥി പോലും അകത്തുള്ള ബാക്കി അംഗങ്ങളെ പിന്തുണച്ചിട്ടില്ല. എന്നാൽ ഒരു പ്രേക്ഷകൻ എന്ന നിലയിലും ബിഗ്ബോസ് ഹൗസിൽ ഉണ്ടായിരുന്ന ഒരു മത്സരാർഥി എന്ന നിലയിലും അർച്ച, രഞ്ജിനി, സാബു എന്നിവരെ പുറത്തു പോയ ശേഷവും താൻ പിന്തുണച്ചിരുന്നു. നന്നാ.യി ടാസ്ക്ക് ചെയ്യുകയും ശരിയായ നിലപാട് സ്വീകരിക്കുകയും ചെയ്യുന്നവരെയാണ് ബിഗ് ബോസ് ഹൗസിൽ നിലനിർത്തേണ്ടത് എന്നാണ് തന്റെ അഭിപ്രായമെന്ന് ദീപൻ പറഞ്ഞു.

സൈബർ ആക്രണം

അർച്ചനയേയും സാബുവിനേയും പരിന്തുണച്ചിനു ശേഷം സോഷ്യൽ മീഡിയയിലൂടെ തനിയ്ക്ക് നേരെ സൈബർ ആക്രമണവും രൂക്ഷമായ വ്യക്തി ഹത്യയും നേരിടേണ്ടി വന്നു. അവരെ പിന്തുണച്ചതിന്റെ പേരിൽ തനിയ്ക്ക് കേൾക്കാൻ തെറിയെന്നും ബാക്കിയുണ്ടായിരുന്നില്ല. പേളി, ഷിയാസ് ഫാൻസ് എന്നു പറഞ്ഞവരായിരുന്നു ഇതിന്റെ പിന്നിൽ. എന്നാൽ ഇവയെല്ലാം ഫേക്ക് ഐഡികളായിരുന്നു. കൂടാതെ മറ്റൊരു ചാനലിന്റെ പരിപാടിയിൽ പങ്കെടുക്കാൻ എത്തിയ എന്നെ അതിൽ നിന്ന് മാറ്റണം എന്ന് ആവശ്യപ്പെട്ട് ചാനലിന്റെ ഫേസ്ബുക്ക് പേജിലേയ്ക്ക് നിരന്തരം സന്ദേശ പ്രവാഹമായിരുന്നു. ഫേക്ക് ഐഡികളിൽ നിന്നാണ് ഇത്തരത്തിലുളള സന്ദേശം എത്തിയിരുന്നത്.

ഗെയിം പ്ലാനിങ്

ആത്മാർഥമായി ടാസ്ക്ക് ചെയ്യുകയും വീട്ടിൽ കൃത്യമായി നിലപാടുകൾ വെട്ടിത്തുറന്ന് പറയുന്ന വ്യക്തിയാണ് അർച്ചന. ഇവർക്ക് നേരെ നോമിനേഷനിൽ കൃത്യമായ കാരണം പോലും ഉന്നയിക്കാൻ മറ്റുളളവർക്ക് ഇല്ലായിരുന്നു. പലരും നോമിനേറ്റ് ചെയ്തിട്ട് പറ‍ഞ്ഞ കാര്യങ്ങൾ ഒന്നാണ്. ശക്തരായ രണ്ട് മത്സരാർഥികളാണ് സാബുവും അർച്ചനയും എന്നാണ് നോമിനേഷനിൽ ശ്രീനീഷും ഷിയാസും പറഞ്ഞത്. ഇവർ രണ്ടു പേരും ഓരേ കിടക്കയിൽ കിടന്നു ഉറങ്ങുന്നവരാണ്. നോമിനേഷനിൽ ഓരേ കാര്യം പറഞ്ഞതിനു പിന്നിൽ കൃത്യമായ ഗെയിം പ്ലാനിങ്ങാണെന്ന് വിശ്വസിക്കുന്നെന്നും ദീപൻ പറഞ്ഞു.

സുരേഷേട്ടൻ പേളിയെ നോമിനേറ്റ് ചെയ്തു

സുരേഷേട്ടന് രണ്ടു പേരെ നേരിട്ട് നോമിനേറ്റ് ചെയ്യാൻ അവസരം കിട്ടിയപ്പോൾ സ്ട്രോം​ഗ് പ്ലെയറായ പേർളിയെ നോമിനേറ്റു ചെയ്തു. എന്ത് കൊണ്ടാണ് അങ്ങനെ ചെയ്തത്. പലരുമായും അടുത്തു പെരുമാറി അവരുടെ അടുപ്പം പിടിച്ചു പറ്റി സേഫാക്കാൻ ശ്രമിക്കുകയാണ് ചിലർ. നമ്മുക്കൊരാളെ നമ്മുടെ മകളായോ സഹോദരിയായോ തോന്നിയാൽ പിന്നെ അവരുടെ തെറ്റ് ചൂണ്ടിക്കാട്ടാനോ അവരെ നോമിനേറ്റ് ചെയ്യാനോ സാധിക്കില്ല. ഇത്തരം ​കളികളാണ് ബിഗ്ബോസ് ഹൗസിൽ നടക്കുന്നത്.

ചിലർ ഷോയിൽ എത്തിയ ഫുൾ ഫ്ലാനീങ്ങോടെ

ചിലർ ബിഗ് ബോസ് ഷോയിൽ എത്തിയത് ഫുൾ ഫ്ലാനിങ്ങോടെയാണ്. താൻ ഷോയിൽ പങ്കെടുക്കുന്ന കാര്യം അടുത്ത സുഹൃത്തുക്കളോട് പോലും പറഞ്ഞിരുന്നില്ല. എന്നാൽ ഷോയിൽ നിന്ന് പുറക്കു വന്നതിനു ശേഷമാണ് ചിലരുടെ പിആർ ഏജൻസികളെ കുറിച്ചും വാട്സ്ആപ്പ് ഗ്രൂപ്പുകളിൽ കൂടി നടക്കുന്ന പ്രചരണങ്ങളെ കുറിച്ചും അറിഞ്ഞത്. ഇങ്ങനെ വ്യക്തമായ അജണ്ടയും ഫ്ലാനിങ്ങുമില്ലാതെ ഷോയിൽ വന്നവരാണ് ശരിയ്ക്കും പെട്ടു പോയത്. ബിഗ് ബോസ് ഹൗസിലെ സ്ട്രോങ് പ്ലേയേഴ്സിനെ മാത്രമാണ് ചിലർ നോമിനേറ്റ് ചെയ്യുന്നത്. വീക്ക് മത്സരാർഥികളായ ശ്രീനീഷിനേയും പേളിയേയും ആരും അവിടെ നോമിനേറ്റ് ചെയ്യുന്നില്ല.. ഇതൊക്കെ ഭയങ്കര കളിയുടെ ഭാഗമാണ്.

സാബു വിജയിക്കണം

സാബു ബിഗ്ബോസിന്റെ സീസൺ 1 ൽ വിജയിക്കണമെന്നാണ് തന്റെ ആഗ്രഹം. പെട്ടെന്ന് സ്വഭാവം മാറുന്നവരെ ഒരിക്കലും സമൂഹത്തിന് ഗുണകരമായി തോന്നിയിട്ടില്ല. ബിഗ് ബോസ് ഹൗസിൽ ചിലർ മലയാളം പോലും സംസാരിക്കാൻ അറിയില്ല. മറ്റു ചിലരാണെങ്കിലോ ദേഷ്യം വന്നാൽ മാന്യമല്ലാത്ത പല ഭാഷകളുമാണ് ഉപയോഗിക്കുന്നത്. എന്നാൽ ഇവരൊക്കെ സേഫായി മുന്നോട്ട് പോകുകയാണ്. എന്നാൽ ബിഗ് ബോസിൽ ശക്തരായ,യോഗ്യതയുളള വ്യക്തി വിന്ന് ചെയ്യണമെന്നാണ് ആഗ്രഹമെന്നും ദീപൻ പറഞ്ഞു.