ദിലീപ് ചേട്ടനെപ്പോലെ, മഞ്ജു വാര്യരുടെ നായകനാവണം, ധര്‍മ്മജന്റെ തുറന്നുപറച്ചില്‍, വീഡിയോ കാണൂ

അതിഥിയായി ധര്‍മ്മജന്‍

കൈരളി ടിവിയിലെ ജെബി ജംഗ്ഷന്‍ പരിപാടിയില്‍ അതിഥിയായി പങ്കെടുത്തത് ധര്‍മ്മജനായിരുന്നു. വിശേഷങ്ങളും മനസ്സിലെ ആഗ്രഹങ്ങളെക്കുറിച്ചുമൊക്കെ താരം തുറന്ന് സംസാരിച്ചിരുന്നു.

ആരുടെ നായകനായി അഭിനയിക്കും?

മഞ്ജു വാര്യര്‍, റിമ കല്ലിങ്കല്‍, കാവ്യ മാധവന്‍, മംമ്ത മോഹന്‍ദാസ്, രമ്യാ നമ്പീശന്‍ എന്നിവരില്‍ ആരുടെ ഒപ്പം അഭിനയിക്കാനാണ് ഇഷ്ടമെന്നായിരുന്നു ജോണ്‍ ബ്രിട്ടാസ് താരത്തോട് ചോദിച്ചത്.

മഞ്ജു വാര്യര്‍ക്കൊപ്പം

മഞ്ജു വാര്യരിനൊപ്പം അഭിനയിക്കാനാണ് താല്‍പര്യമെന്നാണ് ധര്‍മ്മജന്‍ പറഞ്ഞത്. ജീവിതത്തിലെ പ്രധാനപ്പെട്ട ആഗ്രഹങ്ങളിലൊന്ന് കൂടിയായിരുന്നു അത്. താരത്തോട് സംസാരിക്കണമെന്നായിരുന്നു ആഗ്രഹിച്ചത്.

മറ്റ് ആഗ്രഹങ്ങള്‍

ദിലീപ് നാദിര്‍ഷ ടീമിന്റെ ദേ മാവേലി കൊമ്പത്തില്‍ പങ്കെടുക്കുക, മിമിക്രി അവതരിപ്പിക്കുന്നതിനായി ഫ്‌ളൈറ്റില്‍ സഞ്ചരിക്കുക മഞ്ജു വാര്യരെ നേരിട്ട് കണ്ട് സംസാരിക്കുക ഈ മൂന്ന് ആഗ്രഹങ്ങളായിരുന്നു മനസ്സിലുണ്ടായിരുന്നത്. അതില്‍ക്കൂടി നേടിയെന്നും താരം പറയുന്നു.

ദിലീപുമായുള്ള ബന്ധം

ചേട്ടനും അനിയനെയും പോലെയുള്ള ബന്ധമാണ് ദിലീപേട്ടനുമായി. തന്റെ ബന്ധങ്ങളെല്ലാം സുതാര്യമാണെന്നും ധര്‍മ്മജന്‍ പറയുന്നു. വീഡിയോ കാണാം.