ദിലീപും മഞ്ജു വാര്യരും ഒരേ പരിപാടിയിലേക്ക്! കാവ്യ മാധവനും വരണമായിരുന്നുവെന്ന് ആരാധകര്‍!

ഒരേ പരിപാടിയില്‍

ദിലീപും മഞ്ജു വാര്യരും ഒരേ പരിപാടിയില്‍ അതിഥികളായെത്തുന്നുവെന്നുള്ള വിവരങ്ങളാണ് കഴിഞ്ഞ ദിവസം പുറത്തുവന്നിട്ടുള്ളത്. സീ കേരളം ചാനലിലെ സരിഗമ പരിപാടിയിലേക്കാണ് ഇരുവരും എത്തുന്നത്. മികച്ച അഭിപ്രായവുമായി മുന്നേറുന്ന റിയാലിറ്റി ഷോയാണ് സരിഗമ. തനിക്ക് ഏറെ പ്രിയപ്പെട്ടവരാണ് ഈ പരിപാടിയില്‍ ഉള്ളതെന്ന് പറഞ്ഞായിരുന്നു ദിലീപ് എത്തിയത്. അമ്പാടി പയ്യുകള്‍ മേയും എന്ന ഗാനവുമായി ലിപിനും വേദിയിലേക്ക് എത്തിയിരുന്നു. ഉറക്കം തൂങ്ങി എന്ന് പറഞ്ഞ് ലിപിനെ കളിയാക്കുന്നതിനെക്കുറിച്ച് കേട്ടപ്പോള്‍ താനും ലിപിനും തമ്മില്‍ സാമ്യമുണ്ടെന്നുും താരം പറഞ്ഞിരുന്നു.

പറഞ്ഞിട്ടുണ്ടോ

ദിലീപേട്ടന്‍ ഇവിടെയുണ്ടെന്ന് ആരോടെങ്കിലും പറഞ്ഞിട്ടുണ്ടോയെന്നും അങ്ങനെയെങ്കില്‍ താനൊരാളെ ഇങ്ങോട്ട് വിളിക്കാമെന്നും പറഞ്ഞായിരുന്നു അവതാരകനായ ജീവ താരത്തെ വേദിയിലേക്ക് ക്ഷണിച്ചത്. ആരാണ് അതെന്ന് ചോദിച്ചപ്പോള്‍ സര്‍പ്രൈസാണെന്നായിരുന്നു പറഞ്ഞത്. ആരാണ് ആ സര്‍പ്രൈസ് എന്ന തരത്തിലുള്ള ചര്‍ച്ചകള്‍ സജീവമാവുന്നതിനിടയിലാണ് പരിപാടിയിലേക്ക് മഞ്ജു വാര്യരും എത്തുന്നുണ്ടെന്നുള്ള വിവരവും പ്രമോ വീഡിയോയും പുറത്തുവന്നത്.

ഡാന്‍സ് ചെയ്യാനും

ഇരുവരും ഒരുമിച്ചാണോ എത്തുന്നതെന്ന ചോദ്യങ്ങളാണ് പിന്നീട് ഉയര്‍ന്നത്. ആദ്യമായിട്ട് ചേച്ചിയെ വിളിച്ചത് എനിക്ക് വേണ്ടി ഒരു പാട്ട് പാടുന്നതിന് വേണ്ടിയാണെന്നായിരുന്നു ഷാന്‍ റഹ്മാന്‍ പറഞ്ഞത്. മത്സരാര്‍ത്ഥികളുടെ പാട്ട് കേള്‍ക്കുന്നതിന് പുറമെ അവരോടൊപ്പം ഡാന്‍സ് ചെയ്യാനും മഞ്ജു വാര്യര്‍ എത്തിയിരുന്നു. താന്‍ അഭിനയിച്ച സിനിമകളിലെ ഗാനം കേട്ടപ്പോള്‍ അന്നത്തെ അനുഭവത്തെക്കുറിച്ച് വ്യക്തമാക്കി താരമെത്തിയിരുന്നു. പരിടാിക്കിടയിലെ വിശേഷങ്ങള്‍ വൈറലായി മാറിക്കൊണ്ടിരിക്കുകയാണ്.

കാവ്യ മാധവനും കൂടി

ദിലീപും മഞ്ജു വാര്യരും പരിപാടിയിലേക്ക് എത്തുന്നുവെന്നറിഞ്ഞപ്പോള്‍ ആരാധകര്‍ പറഞ്ഞ കമന്റുകളിലൊന്ന് ഇങ്ങനെയായിരുന്നു. വിവാഹത്തോടെ സിനിമയില്‍ നിന്നും മാറി നില്‍ക്കുന്ന താരം ടെലിവിഷന്‍ പരിപാടിയില്‍ വരുമോയെന്നുള്ള സംശയമായിരുന്നു മറ്റ് ചിലര്‍ ഉന്നയിച്ചത്. പൊതുപരിപാടികളിലും മറ്റുമൊക്കെയായി താരവും സജീവമാണ്. സിനിമയിലേക്കുള്ള താരത്തിന്റെ തിരിച്ചുവരവിനായി കാത്തിരിക്കുകയാണ് ആരാധകര്‍.