ബിഗ് ബോസില്‍ തിരിച്ച് വന്നത് പപ്പയ്ക്ക് വേണ്ടി; തന്നെ കുറിച്ചുള്ള മുൻവിധികൾ ഇന്ന് തുടങ്ങിയതല്ലെന്ന് ഡിംപൽ ഭാൽ

ഷോ യില്‍ വരുന്നതിന് മുന്‍പാണ് അവസാനമായി പപ്പയെ കാണുന്നത്. പിന്നീടുള്ള ദിവസങ്ങളെല്ലാം ഞാന്‍ ബിഗ് ബോസ് വീട്ടില്‍ ആയിരുന്നല്ലോ. അവസാന നാളുകളില്‍ പപ്പയ്ക്ക് ഒപ്പം ഉണ്ടാകാന്‍ പറ്റാതിരുന്നതിന്റെ സങ്കടം ഒരുപാടുണ്ടായിരുന്നു. അന്ന് ബിഗ് ബോസ് കണ്‍ഫെഷന്‍ റൂമില്‍ വിളിച്ച് ആ വാര്‍ത്ത എന്നോട് പറയുമ്പോള്‍ ഞാന്‍ ആകെ തകര്‍ന്ന് പോയി. അങ്ങനൊരു ഷോ യില്‍ നില്‍ക്കവേ ഒരു മത്സരാര്‍ഥി ആ ഒരു വാര്‍ത്തയെ ഏത് രീതിയിലാണ് സ്വീകരിക്കേണ്ടത്. ചങ്ക് തകര്‍ന്ന അവസ്ഥ എന്നൊക്കെ പറയില്ലേ? പിന്നീട് സംഭവിച്ചതെല്ലാം യാന്ത്രികമായിരുന്നു.

വിധി എന്നോട് കാണിച്ച ആ ക്രൂരതയ്‌ക്കൊപ്പം ഒരു ഒഴുക്കില്‍ അങ്ങനെ മുന്നോട്ട് പോയി. പപ്പയ്ക്ക് ഒപ്പം ഉണ്ടാകാന്‍ സാധിക്കാത്ത വിഷമം ഏറെ ഉണ്ടായിരുന്നു. അത് എന്നെ ശരിക്കും അലട്ടി. പക്ഷേ ഞാന്‍ ബിഗ് ബോസ് ഷോ യില്‍ പോയതില്‍ ഏറ്റവും കൂടുതല്‍ സന്തോഷിച്ചിരുന്നത് ഒരു പക്ഷേ പപ്പ തന്നെയായിരുന്നു. ടോപ് ഫൈവില്‍ എന്നെ കാണണം എന്നതായിരുന്നു പപ്പയുടെ ആഗ്രഹം. പോകുന്നതിന് ഒരാഴ്ച മുന്‍പും പപ്പ അത് പലരോടും ആവര്‍ത്തിച്ച് പറഞ്ഞിരുന്നു. എന്തൊക്കെ സംഭവിച്ചാലും പ്രേക്ഷകരുടെ മനസില്‍ ഞാന്‍ വിജയി ആയിരിക്കുമെന്ന് മമ്മിയോടും സഹോദരി നയനയോടും പപ്പ പറഞ്ഞിരുന്നു.

ബിഗ് ബോസിലേക്കുള്ള തന്റെ തിരിച്ച് വരവ് പപ്പയ്ക്ക് വേണ്ടിയായിരുന്നു എന്നാണ് ഡിംപല്‍ പറയുന്നത്. എന്നെ പറ്റിയുള്ള മുന്‍വിധികള്‍ ബിഗ് ബോസില്‍ വരുന്നതിന് മുന്‍പേ ഉണ്ടായിട്ടുള്ളതാണ്. ഒരു പെണ്‍കുട്ടി ഒരു മോഡേണ്‍ ഡ്രസ് ഇട്ടത് കൊണ്ടോ അവളുടെ സംസാരശൈലി വച്ചിട്ടോ അവള്‍ അങ്ങനെയാണ്, ഇങ്ങനെയാണ് എന്നൊക്കെ വിലയിരുത്തുന്ന ഒരു കൂട്ടര്‍ നമുക്കിടയില്‍ തന്നെയുണ്ട്. അവരെ എങ്ങനെ തിരുത്താന്‍ പറ്റുമെന്ന് എനിക്ക് അറിയില്ല. അല്ലെങ്കില്‍ തന്നെ അത്തരക്കാരെ തിരുത്തിയിട്ട് കാര്യമില്ല.

Recommended Video

Bigg boss Arya got cheated on her birthday | FilmiBeat Malayalam

എല്ലാ ബന്ധങ്ങളുടെയും അവസാനം സൗഹൃദമാണ്. ഏത് ബന്ധത്തിലും കളങ്കമില്ലാത്ത സൗഹൃദമാണ് വേണ്ടത്. ചട്ടിയും കലവുമായാല്‍ തട്ടിയും മുട്ടിയും എന്ന് പലരും പറയുന്നതിനോട് ഞാന്‍ യോജിക്കുന്നില്ല. യഥാര്‍ഥ സ്‌നേഹത്തില്‍ കലര്‍പ്പുണ്ടാകില്ല. പിന്നെ എങ്ങനെയാണ് തട്ടുകയും മുട്ടുകയും ചെയ്യുക. അതൊരു ന്യായീകരണം മാത്രമാണ്. ഏച്ചുക്കെട്ടിയാല്‍ മുഴച്ചിരിക്കും എന്ന് പറയാറുണ്ടല്ലോ. സൗഹൃദങ്ങളെ വിലപ്പെട്ട ഒന്നായി കാണുന്ന ഒരാളാണ് ഞാന്‍. ഫാമിലി എനിക്ക് വളരെ അടുത്ത് നില്‍ക്കുന്ന ഒന്നാണ്. എവിടെ പോയാലും മനസ് എപ്പോഴും കുടുംബത്തിനൊപ്പം ആയിരിക്കുമെന്നും ഡിംപല്‍ പറയുന്നു.