ഡിംപലിന്റെ അമ്മയ്ക്കെതിരെ സോഷ്യൽ മീഡിയയിൽ വിമർശനം, മറുപടിയുമായി തിങ്കൾ

കഴിഞ്ഞ ദിവസമായിരുന്നു ഡിംപലിന്റെ അമ്മ പുതിയ കാർ സ്വന്തമാക്കിയ വിവരം തിങ്കൾ സോഷ്യൽ മീഡിയയിൽ പങ്കുവെച്ചത്. കാറിനേടൊപ്പം നിൽക്കുന്ന ചിത്രം പോസ്റ്റ് ചെയ്തു കൊണ്ടാണ് വീട്ടിലെ പുതിയ സന്തോഷം പങ്കുവെച്ചത്. ഇതിനെ വിമർശിച്ച് ഒരാൾ എത്തുകയായിരുന്നു. ഡിംപലിന്റെ പൈസ ശരിക്കും വരുന്നുണ്ടല്ലേ എന്നായിരുന്നു കമന്റ്. ഈ കമന്റ് വൈറലാവുകയും ചെയ്തിരുന്നു. ഇതിന് കൃത്യമായ മറുപടിയാണ് തിങ്കൾ നൽകിയിരിക്കുന്നത്.

എന്റെ അമ്മ ഒരുപാട് കഠിനാധ്വാനം ചെയ്യുന്ന വ്യക്തിയാണ്, സ്വന്തമായി സമ്പാദിച്ചു നേടിയതാണ്. നിങ്ങളുടെ ചിന്ത വളരെ മോശമായി പോയി', എന്നായിരുന്നു തിങ്കളിന്റെ പ്രതികരണം. സ്വന്തമായി ബിസിനസ് നടത്തുന്ന ആളാണ് ഡിംപലിന്റെ അമ്മ. തിങ്കളിന്റെ മറുപടിയും സോഷ്യൽ മീഡിയയിൽ വൈറലായിട്ടുണ്ട്. പിന്നീട് കമന്റ് ഇട്ടയാൾ തന്നെ രംഗത്തെത്തുകയും താൻ പറഞ്ഞതിന്റെ ഉദ്ദ്യേശം വ്യക്തമാക്കുകയും ചെയ്തിരുന്നു.

ബിഗ് ബോസ് സീസൺ 3 ലെ അവസാന 5 ൽ പ്രതീക്ഷിക്കുന്ന മത്സരാർഥിയാണ് ഡിംപൽ ഭാൽ. ബിഗ് ബോസ് ഹൗസിൽ 2ാം മത്തെ മത്സരാർഥി ആയിട്ടാണ് ഡിംപൽ എത്തിയത്. ജീവിതത്തിൽ ഡിംപൽ നേരിട്ട വെല്ലുവിളികളും രോഗത്തോടുള്ള പോരാട്ടങ്ങളുമൊക്കെ പ്രേക്ഷകരുടെ വലിയ ചർച്ചയായിരുന്നു. പലപ്പോഴും അസുഖത്തെ അവഗണിച്ചാണ് ഡിംപൽ മത്സരങ്ങളിൽ പങ്കെടുക്കാൻ എത്തുന്നത്. ഡിംപലിന്റെ ഈ ധൈര്യത്തെ മോഹൻലാൽ പോലും അഭിനന്ദിച്ചിരുന്നു

Recommended Video

Bigg Boss Malayalam :ഏഷ്യാനെറ്റ് രമ്യയെ കളത്തിലിറക്കിയതിന് പിന്നിലെ രഹസ്യം | FilmiBeat Malayalam

ബിഗ് ബോസ് ഹൗസിൽ അമ്പത് ദിനങ്ങൾ പൂർത്തിയായിരിക്കുകയാണ് ഡിംപൽ,. ടാസ്ക്കിലും വീടിനുള്ളിലും ആക്ടീവാണ് താരം. എല്ലാവരുമായി വളരെ അടുത്ത സൗഹൃദം പുലർത്തുന്ന വ്യക്തിയാണ് ഡിംപൽ. മജ്സിയ ഭാനു ആയിരുന്നു ബിഗ് ബോസ് ഹൗസിലെ ഡിംപലിന്റെ ഏറ്റവും അടുത്ത സുഹത്ത് മജ്സിയ ഹൗസിൽ പുറത്തായിട്ടുണ്ട്. ഏറെ വൈകാരികമായിട്ടാണ് മജ്സിയയുടെ റിസൾട്ടിനോട് പ്രതികരിച്ചത്