സ്ത്രീകളെയും പുരുഷന്മാരെയും ബാധിക്കാറുണ്ട്, മനോജ് കുമാറിന് ഉണ്ടായ അവസ്ഥ ഇതായിരുന്നു, ഡോക്ടർ പറയുന്നു

അദ്ദേഹത്തെ കാണുമ്പൊൾ തന്നെ അറിയാം അദ്ദേഹത്തിന്റെ മുഖം ഒരു സൈഡിലേക്ക് കോടിയിട്ടുണ്ട്. അദ്ദേഹം സംസാരിക്കുമ്പോൾ ഒരു കണ്ണ് മാത്രം ആണ് അടയുന്നത്. മറ്റേ കണ്ണ് അനങ്ങുന്നില്ല. അത് ശ്രദ്ധിച്ചു നോക്കിയാൽ മനസിലാകും. അദ്ദേഹത്തിന്റെ വെളിപ്പെടുത്തതിലിന്ശേ ഷം നിരവധി മെസേജുകൾ ആണ് എനിക്ക് ലഭിച്ചത് ഇത് സ്‌ട്രോക്ക് ആണോ പക്ഷാഘാതമാണോ, എന്നുള്ള സംശയങ്ങൾ ആണ് ആളുകൾ പങ്കുവച്ചത്. രാജേഷ് കുമാർ സംസാരിച്ചു തുടങ്ങുന്നു.

ഇത് അത്യപൂർവം എന്ന് നമുക്ക് പറയാൻ ആകില്ല. കാരണം ഏകദേശം ഒരു ലക്ഷം ആളുകളിൽ അമ്പതു അറുപത് പേരിലെങ്കിലും ഈ അസുഖം ബാധിക്കാവുന്നതാണ്. സ്ത്രീകളെയും പുരുഷന്മാരെയും ബാധിക്കാറുണ്ട്. ചെറുപ്പക്കാരെ ബാധിക്കുന്നത് കുറവാണു എങ്കിലും പ്രായം ചെല്ലുന്നതിനു അനുസരിച്ചുകൊണ്ടും പ്രതിരോധശേഷി കുറയുന്നതിന് അനുസരിച്ചുകൊണ്ട് ഈ അസുഖം വരാം.

നമുക്കറിയാം തലച്ചോറാണ് നമ്മുടെ ശരീരത്തിലെ ഓരോ കോശങ്ങളെയും നിയന്ത്രിക്കുന്നത്. അപ്പോൾ നമ്മുടെ മുഖത്തെ പേശികളെ നിയന്ത്രിക്കുന്ന നെർവുകൾ ഉണ്ട്. ഈ നെർവുകൾക്ക് രണ്ടു ശാഖയാണ് ഉള്ളത്. ഒന്ന് ഇടതുവശത്തുകൂടിയും, രണ്ട് വലതുവശത്ത്കൂടിയും ആണ് മുഖത്തേക്ക് വരുന്നത്. ഈ നാഡിക്ക് എന്തെങ്കിലും തരത്തിൽ കേടുപാടുകൾ ഉണ്ടായാൽ നമുക്ക് ആ നെർവുകൾ ഏതൊക്കെ ഭാഗത്താണോ സപ്ലൈ ചെയ്യുന്നത് ആ ഭാഗം അനങ്ങാതെ ആകും.

മനോജ് കുമാറിന് ഉണ്ടായ അവസ്ഥ ഇതായിരുന്നു. ഫേഷ്യൽ കനാലിനുള്ളിൽ ഏതെങ്കിലും തരത്തിലുള്ള നീർക്കെട്ട് ഉണ്ടായാൽ അത് ഫേഷ്യൽ നേർവിനെ കമ്പ്രെസ് ചെയ്യും. അതാണ് മുഖത്തിന്റെ ഏതെങ്കിലും ഭാഗത്തു പ്രശ്നം ഉണ്ടാകുന്നത്. നിങ്ങൾക്ക് ഏതെങ്കിലും ഫേഷ്യൽ പാൽസിയുടെ ലക്ഷണങ്ങൾ ഉണ്ടെങ്കിൽ ചെറുതായി ആദ്യം അനുഭവപ്പെടുകയും, രണ്ടോ മൂന്നോ ദിവസത്തിനുള്ളിൽ രോഗം നമുക്ക് കാണാൻ കഴിയും. രണ്ടുതരത്തിൽ ഇത് കണ്ടുവരാറുണ്ട്.

Recommended Video

തന്റെ ഭർത്താവിന് ബാധിച്ച അസുഖത്തെക്കുറിച്ച് ബീന മനോജ് പറയുന്നു | FilmiBeat Malayalam

ഒന്ന് മുഖം മുഴുവനും താഴേക്ക് തൂങ്ങി ഇരിക്കുന്ന രീതിയിൽ കണ്ടുവരാറുണ്ട്. രണ്ട് ഒരു സൈഡിലേക്ക് മുഖം കോടി പോകുന്ന അവസ്ഥ. അദ്ദേഹത്തിന്റെ വീഡിയോ കാണുമ്പൊൾ മനസിലാകുന്നത് അതാണ്. ഇത് വരാൻ ഉള്ള കാരണം ഇത് വരെയും 90 ശതമാനം കണ്ടുപിടിക്കപ്പെട്ടിട്ടില്ല. പത്തുശതമാനം മാത്രമാണ് എന്താണ് കാരണം എന്ന് കണ്ടുപിടിച്ചിട്ടുള്ളത്.ആ പത്തുശതമാനത്തിൽ ഒന്ന് എന്ന് പറയുന്നത് ചിക്കൻ പോക്സ് ഫാമിലിയിൽ പെട്ട വൈറസാണ്. ഈ വൈറസ് വന്നു കഴിഞ്ഞാൽ നമ്മൾ അറിയില്ല. അത് പ്രതിരോധശേഷി ഇല്ലാതിരിക്കുന്ന സമയത്തോ നമ്മുക്ക് കണ്ടുതുടങ്ങാം. ഇതൊക്കെ കാരണങ്ങൾ പറയാം എങ്കിലും യഥാർത്ഥ കാരണം എന്തെന്ന് പറയാൻ ആകില്ല.