ദിലീപും നാദിര്‍ഷയും ആ ട്രൂപ്പിലേക്ക് വരാന്‍ നിമിത്തമായത് ഞാനാണ്; വെളിപ്പെടുത്തലുകളുമായി ഏലൂര്‍ ജോർജ്

'നാദിര്‍ഷ, ദിലീപ്, ഏലൂര്‍ ജോര്‍ജ് എന്നിങ്ങനെയുള്ളവര്‍ തമ്മില്‍ വര്‍ഷങ്ങളായിട്ടുള്ള സൗഹൃദമായിരുന്നു. അതിനെ കുറിച്ച് പറയാനാണ് എംജി ആവശ്യപ്പെട്ടത്. 'നാദിര്‍ഷ മിമിക്രിയിലേക്ക് വരാനൊരു നിമിത്തമായത് ഞാനാണ്. ഒരു ഗുരു എന്ന് വേണമെങ്കില്‍ പറയാം. യാദൃശ്ചികമായി സംഭവിച്ചതാണ് അത്. ഞാനും രമേഷ് കുറുമശ്ശേരിയും. അവിടെ ഒരു ട്രൂപ്പ് ഉണ്ടാക്കി. പിന്നീട് ഹരിശ്രീയിലേക്ക് എത്തി. അതിന് ശേഷമാണ് ദിലീപും ഹരിശ്രീയിലേക്ക് എത്തുന്നത്. ദിലീപ് ഹരിശ്രീയിലേക്ക് വരാന്‍ നിമിത്തമായത് താനാണെന്നാണ് എലൂര്‍ ജോർജ് പറയുന്നത്.

ഇങ്ങനൊരു പയ്യന്‍ ഉണ്ടെന്ന് അശോകനോട് ഞാന്‍ പറഞ്ഞു. ദിലീപിന്റെ പെര്‍ഫോമന്‍സ് മഹാരാജാസ് കോളേജില്‍ വെച്ച് കണ്ടിരുന്നു. അങ്ങനെയാണ് ആ പയ്യനെ കൂടി കൊണ്ട് വരാമെന്ന് വിചാരിക്കുന്നത്. ആ കാലഘട്ടം മുതല്‍ ഇപ്പോഴും അതേ സൗഹൃദം തുടര്‍ന്ന് വരികയാണെന്ന് ജോർജ് പറയുന്നു. അദ്ദേഹത്തിന്റെ സിനിമകളില്‍ ചെറിയ വേഷങ്ങളില്‍ ആണെങ്കിലും ഞാന്‍ ഉണ്ടാവുമെന്നും താരം പറയുന്നു. അതേ സമയം മാര്‍ട്ടിനുമായിട്ടുള്ള ഏറ്റവും അടുത്ത സൗഹൃദത്തെ കുറിച്ചും നടന്‍ പറഞ്ഞിരുന്നു.

വര്‍ഷങ്ങള്‍ക്ക് മുന്‍പ് മുതലുള്ള സൗഹൃദമാണ് രണ്ടാളും തമ്മില്‍. മാനസികമായൊരു സിങ്ക് ഉണ്ടെന്ന് ഏലൂര്‍ ജോർജ് പറയുന്നു. ഒരു മറയും ഇല്ലാതെ പരസ്പരം എല്ലാ കാര്യങ്ങളും തുറന്ന് പറയുന്ന സ്വഭാവമാണ് ഞങ്ങളുടേത്. എന്നും കാണാന്‍ സാധിച്ചില്ലെങ്കിലും ഫോണില്‍ വിളിക്കാറുണ്ട്. താമസിക്കുന്ന വീട് ഏകദേശം അടുത്താണ്. ഒരിക്കൽ പരിപാടി കഴിഞ്ഞ് വരുന്ന സമയത്ത് മാർട്ടിൻ്റെ വീട്ടിൽ പോയതിനെ പറ്റിയും അവിടുന്ന് പഞ്ചസാര വാങ്ങി ഭാര്യയ്ക്ക് കൊണ്ട് പോയി കൊടുത്ത കഥയുമൊക്കെ താരം പറഞ്ഞിരുന്നു.