കല്യാണത്തിന് ശേഷം സുനിച്ചനില്ലാതെ ഒന്നിനും പറ്റാത്ത അവസ്ഥയായി; ധൈര്യമില്ലാത്ത കാലത്തെ കുറിച്ച് മഞ്ജു സുനിച്ചൻ

വെറുതെ അല്ലൊരു ഭാര്യ എന്ന റിയാലിറ്റി ഷോ ആണ് ജീവിതത്തില്‍ വഴിത്തിരിവായത്. അതില്ലെങ്കില്‍ മഞ്ജു പത്രോസ് എന്ന നടി ഉണ്ടാവില്ലായിരുന്നു. ഈ ഷോ യില്‍ വരുന്നതിന് മുന്‍പ് ഒട്ടും കൊള്ളില്ലാത്ത മഞ്ജു പത്രോസാണ് ഉണ്ടായിരുന്നത്. ധൈര്യം അടുത്തൂടെ പോലും പോയിട്ടില്ല. കടയില്‍ പോവാന്‍ പോലും അറിയില്ലാത്ത ആളായിരുന്നു ഞാന്‍. കല്യാണത്തിന് മുന്‍പ്, കല്യാണത്തിന് ശേഷം, വെറുതെ അല്ല ഭാര്യയ്ക്ക് ശേഷം എന്നിങ്ങനെ മൂന്ന് കാലഘട്ടം എന്റെ ജീവിതത്തിലുണ്ടെന്ന് പറയാം.

വീട്ടിലെ മൂത്തക്കുട്ടിയാണ് ഞാന്‍. കുട്ടിക്കാലം മുതലേ സ്വന്തം കാര്യങ്ങളൊക്കെ ഞാന്‍ തന്നെ ചെയ്യും. ഡാന്‍സ് പഠിച്ച് അത് ക്ലാസെടുത്ത് പൈസയൊക്കെ ഉണ്ടാക്കുമായിരുന്നു. അപ്പച്ചനും അമ്മച്ചിയും അത്ര വിദ്യഭ്യാസമില്ലാത്തവരാണ്. അവരുടെ കാര്യങ്ങളൊക്കെ ചെയ്യുന്നതും അത്യാവശ്യം പ്രാപ്തിയുള്ള ആളായിട്ടാണ് ഞാന്‍ വളര്‍ന്നതെന്ന ധാരണ ഉണ്ടായി. പക്ഷേ കല്യാണത്തിന് ശേഷം പെട്ടെന്ന് ഡിപ്പെന്റഡായിപോയി.

പെണ്‍കുട്ടികളൊരിക്കലും അങ്ങനെയാവാന്‍ പാടില്ല. ലോകം അതിലേക്ക് മാത്രമായി ചുരുങ്ങി പോയി. നല്ലതാണോന്ന് ചോദിച്ചാല്‍ നല്ലതല്ല. എല്ലാത്തിനും സുനിച്ചന്‍ എന്റെ കൂടെ വേണം. ഒരു സേഫ്റ്റി പിന്‍ വാങ്ങണമെങ്കില്‍ പോലും സുനിച്ചന്‍ വേണമെന്ന് തോന്നി. ആ മനുഷ്യന് അത് ബുദ്ധിമുട്ടാണ്. എപ്പോഴും കരയാനെ എനിക്ക് സമയം ഉണ്ടായിരുന്നുള്ളു. സുനിച്ചന്‍ വരാന്‍ അഞ്ച് മിനുറ്റ് വൈകിയാല്‍ കരയും, കുഞ്ഞിന്റെ മുഖത്ത് കുരു വന്നാല്‍ പോലും കരച്ചില്‍ തുടങ്ങും.

കല്യാണം കഴിഞ്ഞ് ഉടനെ തന്നെ ഞങ്ങള്‍ വലിയൊരു സാമ്പത്തിക ബാധ്യതയിലേക്ക് പോയി. സുനിച്ചന്‍ ഇല്ലാതെ മോനെ എങ്ങനെ വളര്‍ത്തും എന്നൊക്കെ ഓര്‍ത്ത് നൂറ് കൂട്ടം ടെന്‍ഷനായിരുന്നു. കുറച്ച് കാലം താന്‍ കോള്‍ സെന്ററില്‍ ജോലി ചെയ്തിട്ടുണ്ടെന്നും മഞ്ജു പറയുന്നു. ഒരിക്കലും പ്രതീക്ഷിക്കാതെയാണ് താന്‍ അഭിനയത്തിലേക്ക് എത്തിയതെന്നും നടി സൂചിപ്പിച്ചു. തന്റെ സ്വപ്‌നങ്ങളിലോ ചിന്തകളിലോ ഒന്നും അഭിനയം ഉണ്ടായിരുന്നില്ല. യാദൃശ്ചികമായിട്ടാണ് അത് കടന്ന് വരുന്നത്.

Recommended Video

Manju pathrose against social media bullying

റിയാലിറ്റി ഷോയിലേക്ക് പോവാനായി സുനിച്ചനെ നിര്‍ബന്ധിച്ചത് ഞാനാണ്. ടിവിയില്‍ ഞങ്ങളെ കണ്ടപ്പോള്‍ അത്ഭുതമായി. വെറുതേ അല്ല ഭാര്യ കഴിഞ്ഞതിന് പിന്നാലെ മറിമായത്തിലേക്ക് ക്ഷണിച്ചു. അതിനൊപ്പം തന്നെ സിനിമയിലേക്കുള്ള അവസരവും കിട്ടിയെന്നും മഞ്ജു പറയുന്നു.