ഹോം

ടെലിവിഷൻ

2020 ല്‍ വളരെ കുറച്ച് സിനിമകള്‍ മാത്രമേ റിലീസ് ചെയ്തിട്ടുള്ളുവെങ്കിലും ആ ചിത്രങ്ങളിലൂടെ വലിയ നേട്ടങ്ങള്‍ സ്വന്തമാക്കിയവരുണ്ട്. ബോളിവുഡ് നടിമാരായ ദീപിക പദുക്കോണ്‍, ആലിയ ഭട്ട്, കങ്കണ റാണവത് തുടങ്ങിയവരെല്ലാമാണ് ഈ വര്‍ഷം ഏറ്റവുമധികം പ്രതിഫലം വാങ്ങിയ താരസുന്ദരിമാര്‍. ടെലിവിഷന്‍ മേഖലയിലേക്ക് നോക്കിയാലും ഇതുപോലെ വലിയ പ്രതിഫലം വാങ്ങുന്ന സുന്ദരിമാരുണ്ട്.

വിസ്മയ മോഹൻലാലിൻ്റെ അപൂർവ്വ മേക്കോവർ, പഴയ ചിത്രങ്ങൾ വീണ്ടും വൈറലാവുന്നു

ഇന്ത്യന്‍ ടെലിവിഷനിലെ ശ്രദ്ധേയമായ താരങ്ങളില്‍ ഒരാളാണ് ഹിന ഖാന്‍. സ്റ്റാര്‍ പ്ലസിലെ നിരവധി സീരിയലുകളില്‍ കേന്ദ്രകഥാപാത്രത്തെ അവതരിപ്പിക്കുന്ന ഹിനയാണ്. സല്‍മാന്‍ ഖാന്‍ അവതാരകനായിട്ടെത്തുന്ന ബിഗ് ബോസ് ഹിന്ദി സീസണ്‍ പതിനൊന്നിലും ഹിന പങ്കെടുത്തിയിരുന്നു. മത്സരത്തില്‍ ഒന്നാം സ്ഥാനം സ്വന്തമാക്കിയാണ് തന്റെ കഴിവ് തെളിയിച്ചത്. 2015-16 കാലഘട്ടം മുതലിങ്ങോട്ട് ഏറ്റവും കൂടുതല്‍ പ്രതിഫലം സ്വന്തമാക്കുന്ന താരമാണ് ഹിന ഖാന്‍. ഇപ്പോള്‍ ഒരു എപ്പിസോഡിന് ഒന്നര മുതല്‍ രണ്ട് ലക്ഷം രൂപ വരെയാണ് ഹിനയുടെ പ്രതിഫലം.

ദൂരദര്‍ശനിലൂടെ കരിയര്‍ ആരംഭിച്ച താരമാണ് ദിവ്യാങ്ക. സീ ടിവിയിലെ ശ്രദ്ധേയമായൊരു പരിപാടിയില്‍ രണ്ട് കഥാപാത്രങ്ങളെ അവതരിപ്പിച്ച് കൊണ്ടാണ് നടി ശ്രദ്ധിക്കപ്പെടുന്നത്. ഒരേ സമയം മോഡേണ്‍ പെണ്‍കുട്ടിയായും നാട്ടിന്‍പുറത്തുകാരിയായിട്ടും ദിവ്യാങ്ക തിളങ്ങി. ഇന്ത്യന്‍ ടെലിവിഷന്‍ അക്കാദമി അവാര്‍ഡില്‍ മികച്ച നടിയ്ക്കുള്ള അംഗീകാരം ഇതിലൂടെ നടിയ്ക്ക് ലഭിച്ചിരുന്നു. നിലവില്‍ ഒരു എപ്പിസോഡിന് 80,000 മുതല്‍ 85000 രൂപ വരെ ദിവ്യാങ്കയ്ക്ക് ലഭിക്കുന്നുണ്ട്.

Recommended Video

ഹിന്ദിയിലെ ടെലിവിഷന്‍ നടിമാരില്‍ ശ്രദ്ധേയായ മറ്റൊരു സുന്ദരിയാണ് ജെന്നിഫര്‍ വിന്‍ഗെറ്റ്. ബാലതാരമായി അഭിനയ രംഗത്തേക്ക് പ്രവേശിച്ച ജെന്നിഫര്‍ ഇന്ന് വലിയൊരു നായികയായി മാറി. ഒരു ലക്ഷം രൂപയാണ് ഓരോ എപ്പിസോഡിനും ജെന്നിഫര്‍ വാങ്ങിക്കുന്നത്. സുരഭി ജ്യോതി, ആശ നെഗി, നിയ ശര്‍മ്മ, സാക്ഷി തന്‍വാര്‍, ക്രിസ്റ്റര്‍ ഡിസൂസ, ദര്‍ഷ്ടി ധാമി, തുടങ്ങി നിരവധി നായികമാരാണ് ഈ ലിസ്റ്റിലുള്ളത്.