കല്യാണം കഴിക്കാന്‍ വേണ്ടി ജോലിയ്ക്ക് വന്നു; അന്ന് വിവാഹം കഴിച്ചില്ലെന്ന് ജിഎസ് പ്രദീപ്, മനസ് തുറന്ന് താരം

സ്‌കൂളില്‍ പഠിക്കുമ്പോള്‍ പ്രസംഗ മത്സരങ്ങളില്‍ സജീവമായിരുന്നു. കോളേജിലും പ്രസ്ഥാനങ്ങളില്‍ പ്രവര്‍ത്തിച്ചിട്ടുണ്ട് . ആ കാലഘട്ടത്തില്‍ ആകാശവാണി പരിപാടികളിലും ഭാഗമായിട്ടുണ്ട്. ശ്രീകണ്ഠന്‍ നായരുമായി ഒരുമിച്ച് വര്‍ക്ക് ചെയ്ത അനുഭവങ്ങളും പറഞ്ഞിരുന്നു. അന്ന് നടന്ന രസകരമായ സംഭവം ശ്രീകണ്ഠന്‍ നായരും പങ്കുവെച്ചു. അന്ന് പ്രദീപിന് കല്യാണം കഴിക്കാന്‍ വേണ്ടി ഒരു ജോലി വേണമെന്ന് എന്നോട് പറഞ്ഞിരുന്നു. ജോലി നല്‍കാം, പക്ഷേ കല്യാണത്തിന്റെ പിറ്റേന്ന് തന്നെ രാജി വെക്കണമെന്ന കണ്ടീഷന്‍ മുന്നോട്ട് വെച്ചു. പക്ഷേ ആ കല്യാണം കഴിച്ചില്ലെന്നാണ് പ്രദീപ് വ്യക്തമാക്കുന്നത്.

അസുഖബാധിതനായി കഴിഞ്ഞ നാളുകളെ കുറിച്ചും ജിഎസ് പ്രദീപ് തുറന്ന് പറഞ്ഞിരുന്നു. മദ്യപാനം കൊണ്ട് വന്ന കരള്‍ രോഗത്തെ അതിജീവിച്ച് വന്നതാണ് താന്‍. ജീവിതത്തിലേക്കുള്ള തിരിച്ച് വരവ് സാധ്യത തീരെ കുറവാണെന്നാണ് ഡോക്ടര്‍മാര്‍ പറഞ്ഞത്. പക്ഷേ മരണത്തെ ഞാന്‍ ഭയപ്പെട്ടിരുന്നില്ല. ജീവിതത്തെ ഞാന്‍ വല്ലാതെ സ്‌നേഹിച്ചു. എന്റെ ജീവിതം കുറേക്കാലം നഷ്ടപ്പെടുത്തിയല്ലോ എന്നാണ് ആലോചിച്ചത്. സുഖമില്ലാതിരുന്ന കാലത്തു ഭാര്യ നല്‍കിയ പിന്തുണ വളരെ വലുതായിരുന്നു. രണ്ടു മാസത്തോളം ആശുപത്രിയിലും വീട്ടിലും കിടക്കേണ്ടി വന്നു.

ഞാന്‍ ഉണര്‍ന്നിരുന്നു രക്തം തുപ്പുമ്പോള്‍ എന്റെ മകള്‍ പ്ലസ് ടു പരീക്ഷയ്ക്ക് പഠിക്കുകയിരുന്നു. അന്ന് അവളുടെ പഠനത്തെ കുറിച്ചൊന്നും ഞാന്‍ അറിഞ്ഞിരുന്നില്ല. മുഴുവന്‍ മാര്‍ക്കും വാങ്ങിയാണ് അവള്‍ പ്ലസ് ടു പാസായതെന്നും പ്രദീപ് പറയുന്നു. അസുഖത്തോട് ഞാന്‍ മല്ലിടുമ്പോള്‍ തന്റെ ഭാര്യയ്ക്ക് പ്രതീക്ഷ ഉണ്ടായിരുന്നു. ഇതൊക്കെ താണ്ടി കടക്കുമെന്ന പ്രതീക്ഷയായിരുന്നു. ഞങ്ങളുടെ ജീവിതം തുടങ്ങുമ്പോള്‍ വെല്ലുവിളികള്‍ ഉണ്ടായിരുന്നു. അതൊക്കെ അതിജീവിച്ച ആള്‍ക്ക് ഇതും മറികടക്കാന്‍ കഴിയും എന്ന പ്രതീക്ഷ ഭാര്യയ്ക്ക് ഉണ്ടായിരുന്നു. മദ്യത്തിന് അടിമപ്പെടുമ്പോഴും, അദ്ദേഹത്തിന് അസുഖം വരുമ്പോഴും എനിക്ക് പ്രതീക്ഷ ഉണ്ടായിരുന്നു എന്നും പ്രദീപിന്റെ ഭാര്യ ബിന്ദു പറയുന്നു. ഒരുപാട് വൃതങ്ങളും കാര്യങ്ങളും ഒക്കെ ഉള്ള ആളാണ് ബിന്ദു എന്നും പ്രദീപ് ഷോയില്‍ വച്ച് പറയുകയുണ്ടായി.