ഇതാണ് എന്റെ ഭര്‍ത്താവ്; പുതിയൊരു ജീവിതം തുടങ്ങുകയാണ്, ദേവന്റെ ചിത്രങ്ങളുമായി സീരിയല്‍ നടി യമുന

എന്റെ പുതിയ ജീവിതമാണിത്. നേരത്തെ ഞാന്‍ നിങ്ങളോട് പറഞ്ഞിരുന്നത് പോലെ എന്നെ പിന്തുണയ്ക്കുകയും ആശംസിക്കുകയും ചെയ്തവരോട് ഞാനിത് പറയുകയാണ്. ശരിക്കുമുള്ള വിവാഹമാണിത്. നിങ്ങളെല്ലാവരും എനിക്ക് നല്‍കിയ പിന്തുണ കണ്ട് അമ്പരന്ന് പോയി. ഈയൊരു അവസരത്തില്‍ എന്റെ ഹൃദയത്തിന്റെ അടിത്തട്ടില്‍ നിന്ന് കൊണ്ട് നന്ദി പറയുകയാണ്. ദേവന്‍ അയ്യന്‍കേരില്‍ എന്നാണ് അദ്ദേഹത്തിന്റെ പേര്. യുഎസ്എ യില്‍ സൈക്കോ തെറാപ്പിസ്റ്റായി ജോലി ചെയ്യുന്നു. നല്ലൊരു മനുഷ്യനെ എനിക്ക് ഭര്‍ത്താവായി വേണമെന്നുള്ള പ്രാര്‍ഥന ശ്രീ പത്മനാഭ സ്വാമീ കേട്ടതായി ഞാന്‍ ശക്തമായി വിശ്വസിക്കുകയാണ്.

ഡിസംബര്‍ ഏഴിന് കൊല്ലൂര്‍ മൂകാംബിക ക്ഷേത്രത്തില്‍ നിന്നുമായിരുന്നു ചടങ്ങുകള്‍. എന്റെ പത്ത് വയസുള്ള മകള്‍ ആഷ്മിയും 15 വയസുള്ള മകള്‍ ആമിയ്ക്കും വിവാഹപ്രായം ആയെന്ന തരത്തിലുള്ള വാര്‍ത്തകള്‍ കണ്ടപ്പോള്‍ ഞങ്ങള്‍ക്ക് അതിനുള്ള പ്രായമായില്ലെന്ന് തമാശയായി അവര്‍ എന്നോട് പറഞ്ഞിരുന്നു. നിങ്ങള്‍ എല്ലായിപ്പോഴും എനിക്കൊപ്പം ഉണ്ടായിരുന്നത് പോലെ ഇനിയും പിന്തുണ തരുമെന്ന് പ്രതീക്ഷിക്കുന്നു. ഒപ്പം എല്ലാവര്‍ക്കും ഒത്തിരി നന്ദി. നിങ്ങളുടെ സ്വന്തം യമുന... എന്നും നടി പറഞ്ഞ് നിര്‍ത്തുന്നു.

യമുനയുടെയും ദേവന്റെയും ഒരു പൊതു സുഹൃത്ത് വഴി വന്ന ആലോചനയാണ് ഈ വിവാഹത്തിലെത്തിയത്. മാവേലിക്കര സ്വദേശിയായ ദേവന്‍ അമേരിക്കയില്‍ സൈക്കോ തെറാപ്പിസ്റ്റ് ആയി ജോലി നോക്കി വരികയായിരുന്നു. ആറ് മാസങ്ങള്‍ക്ക് മുന്‍പേ ഈ ആലോചന വന്നിരുന്നു. തനിക്ക് താല്‍പര്യമില്ലെന്ന് പറഞ്ഞതോടെ ഇത് മുന്നോട്ട് പോയില്ല. എന്നാല്‍ കൊറോണയുടെ പ്രശ്നങ്ങള്‍ വന്നപ്പോള്‍ സുഹൃത്തുക്കള്‍ വീണ്ടും നിര്‍ബന്ധിച്ചത് കൊണ്ടും മറ്റുമാണ് വിവാഹം കഴിക്കാമെന്ന് തീരുമാനിച്ചതെന്ന് യമുന ഒരു അഭിമുഖത്തില്‍ പറഞ്ഞിരുന്നു.

Recommended Video

നടി റോഷ്‌നയുടെയും കിച്ചുവിന്റെയും തകർപ്പൻ വിഹാഹ വീഡിയോ

ദേവനുമായി ആദ്യം സംസാരിച്ചതിന് ശേഷം എന്റെ മക്കളോട് സംസാരിക്കണമെന്നാണ് അദ്ദേഹം ആവശ്യപ്പെട്ടത്. മക്കളോട് സംസാരിച്ച് അവരുടെ അഭിപ്രായം ചോദിച്ച്, അവര്‍ കംഫര്‍ട്ട് ആയതോടെയാണ് വിവാഹവുമായി മുന്നോട്ട് പോകാമെന്ന് തീരുമാനിച്ചത്. മുന്‍പ് പല ആലോചനകള്‍ വന്നപ്പോഴും അമ്മ ഒറ്റക്കാവരുതെന്ന നിര്‍ബന്ധം മാത്രമാണ് മക്കള്‍ക്ക് ഉണ്ടായിരുന്നതെന്ന് യമുന പറഞ്ഞിരുന്നു. അങ്ങനെ രണ്ട് പെണ്‍മക്കളെ സാക്ഷി നിര്‍ത്തിയാണ് യമുന വിവാഹിതയായത്.