പൊട്ടിക്കരഞ്ഞ് നടി അപ്‌സര! വിവാഹം കഴിഞ്ഞ് ഷോ യിലേക്ക് വന്നതേ ഉള്ളു; എല്ലാവരും കൂടി കളിയാക്കിയതിൻ്റെ കാരണമിതാണ്

മാസങ്ങള്‍ക്ക് മുന്‍പാണ് എലീന പടിക്കല്‍ അവതാരകയായിട്ടെത്തുന്ന സെലിബ്രിറ്റി കിച്ചണ്‍ മാജിക് ആരംഭിച്ചത്. ടെലിവിഷനിലൂടെ ശ്രദ്ധേരായ കിഷോര്‍, ജിഷിന്‍ മോഹന്‍, സരിത ബാലകൃഷ്ണന്‍, സരിഗ, ബൈജു ജോസ്, അപ്‌സര എന്നിങ്ങനെയുള്ള താരങ്ങളാണ് ഷോ യില്‍ ഉള്ളത്. താരങ്ങളുടെ രസകരമായ കലാപരിപാടികളും മറ്റുമെല്ലാം കോര്‍ത്തിണക്കിയാണ് ഷോ മുന്നോട്ട് കൊണ്ട് പോവുന്നത്. അത്തരത്തില്‍ കിഷോറും അപ്‌സരയും തമ്മിലുള്ള ഡാന്‍സ് ആണ് എപ്പിസോഡില്‍ കാണിക്കുന്നത്. ഒരു പൂ മാത്രം ചോദിച്ചു എന്ന് തുടങ്ങുന്ന ഗാനത്തിനൊപ്പം ഇരുവരും മനോഹരമായി തന്നെ കളിക്കുകയും ചെയ്തു.

ഡാന്‍സ് അവസാനിച്ചതിന് ശേഷം അടിപൊളി പാട്ട് എന്ന് പറഞ്ഞ് കൊണ്ടാണ് എലീന സംസാരിച്ചത്. ഇതോടെ ബ്ലാക്ക് നിറത്തിലുള്ള വസ്ത്രം ഇട്ട് വന്നപ്പോള്‍ പെട്ടെന്ന് റൊമാന്‍സ് വന്നു എന്നായിരുന്നു അപ്സരയുടെ മറുപടി. നമ്മള്‍ റൊമാന്‍സ് ഒന്നും ഇതില്‍ കണ്ടില്ലല്ലേ എന്ന് സരിഗ പറഞ്ഞു. പിന്നാലെ സഹതാരങ്ങളെല്ലാം ഇതേറ്റ് പറഞ്ഞു. റൊമാന്‍സ് എന്ന് പറഞ്ഞാല്‍ ഇതാണോ? അപ്സര ഡാന്‍സ് ചെയ്യുമ്പോള്‍ പൊതുവെ ഒരു പ്രതീക്ഷയുണ്ടാവുമല്ലോ. അത് കിട്ടിയില്ല. ഇതൊരു ഡാന്‍സായി പോലും തോന്നിയില്ല, എന്തൊക്കെയോ കാണിച്ചുകൂട്ടി. കിഷോറേട്ടനെങ്കിലും ആലോചിച്ച് ചെയ്തൂടേ എന്നും...

സ്പോട്ട് കോറിയോഗ്രാഫി ആണെങ്കില്‍ അപ്സര നന്നായി ചെയ്യാറുണ്ടായിരുന്നു. നിങ്ങള്‍ക്ക് അറിയാന്‍ പാടില്ലെങ്കില്‍ കളിക്കണ്ടായിരുന്നു, ഇത് പോത്സാഹിപ്പിച്ചാല്‍ ഇതിലും വലിയ അബദ്ധവുമായി ഇനിയും വരും എന്നൊക്കെ പറഞ്ഞതോടെ കിഷോറും അപ്‌സരയ്ക്ക് നേരെ തിരിഞ്ഞു. നീ സ്റ്റെപ്പ് തെറ്റിച്ചതല്ലേ എന്നൂടി കിഷോര്‍ ചോദിച്ചതോടെ അപ്സര കരഞ്ഞ് തുടങ്ങി. പെട്ടെന്ന് തന്നെ എല്ലാവരും ഒളിപ്പിച്ച് വെച്ചിരുന്ന കേക്ക് പുറത്തെടുത്തു. കേക്ക് കണ്ടപ്പോഴാണ് തന്നെ എല്ലാവരും കൂടി പറ്റിച്ചതാണെന്നുള്ള കാര്യം നടി മനസിലാക്കുന്നത്. എങ്കിലും കരച്ചില്‍ അടക്കാന്‍ സാധിച്ചിരുന്നില്ല.

നമ്മുടെ കൂട്ടത്തില്‍ നിന്നും വീണ്ടുമൊരാളെ കൂടി കെട്ടിച്ച് വിടുകയാണെന്ന് എലീന പറയുന്നു. നമ്മളെന്തൊക്കെ എങ്ങനെയൊക്കെ നോക്കിയാലും അപ്സര പോസിറ്റീവായിട്ടേ നില്‍ക്കുകയള്ളൂ. അവസാനം നമ്മള്‍ അങ്ങോട്ടും ഇങ്ങോട്ടും അടിയിട്ടു. ആ സമയത്ത് ഇവള്‍ കുടുകുടാ കരഞ്ഞെന്നാണ് താരങ്ങള്‍ അപ്‌സരയെ കുറിച്ച് പറയുന്നത്. 'അനിയത്തിപ്രാവിന് പ്രിയരിവര്‍ നല്‍കും' എന്ന് തുടങ്ങുന്ന ഗാനവും എല്ലാവരും കൂടി ആലപിച്ച് കൊണ്ടാണ് കേക്ക് മുറിച്ചത്.

സീരിയല്‍ നടി അര്‍ച്ചന സുശീലന്‍ രണ്ടാമതും വിവാഹിതയായി; പ്രവീണുമായി താന്‍ വിവാഹം കഴിച്ചെന്ന് വെളിപ്പെടുത്തി നടി

ഞങ്ങളെല്ലാം ഒരു കുടുംബം പോലെ കഴിയുന്നവരാണ്. വിവാഹ സമയത്ത് ഒന്നിനെക്കുറിച്ചും ടെന്‍ഷനടിക്കേണ്ടി വന്നിരുന്നില്ല. എല്ലാ കാര്യങ്ങളും നോക്കി അവര്‍ കൂടെയുണ്ടായിരുന്നു. കല്യാണം കഴിഞ്ഞ് പിറ്റേ ദിവസം വരെ എല്ലാവരും ഒപ്പമുണ്ടായിരുന്നു. സഹോദരന്‍മാരില്ലാത്ത വിഷമം അവരിലൂടെയാണ് മാറുന്നതെന്നായിരുന്നു കിഷോറിനേയും ബൈജു ജോസിനേയും മറ്റുള്ളവരെ കുറിച്ചും അപ്സര പറഞ്ഞത്.