ആ ചോദ്യത്തിന് ഉത്തരം ഐ ലവ് യു എന്നായിരുന്നു, സുജോയുമായുളള പ്രണയത്തെ കുറിച്ച് സഞ്ജന

ഞാനും സുജോയും തമ്മില്‍ എട്ട് മാസമായി അടുത്ത ബന്ധത്തിലാണ്. ഞങ്ങളുടെ സുഹൃത്തുക്കള്‍ക്കും കുടുംബങ്ങള്‍ക്കും എല്ലാം അത് അറിയാവുന്നതാണ്. ഞങ്ങള്‍ ഭാവിയില്‍ വിവാഹം ചെയ്യാൻ വരെ തീരുമാനിച്ചിരുന്നു. ബിഗ് ബോസ് ഹൗസിൽ പോകുന്നതിന് ദിവസങ്ങൾക്ക് മുമ്പ് ഞങ്ങൾ ഒരുമിച്ചാണ് ന്യൂ ഇയർ ആഘോഷിച്ചത്.

താൻ അപമാനിക്കപ്പെട്ടതായും വഞ്ചിക്കപ്പെട്ടതായും ഇപ്പോൾ തോന്നുണ്ട്. ഷോയിൽ കാമുകിയാണോ അല്ലയോ എന്ന് പറയേണ്ടത് സുജോയുടെ കാര്യമാണ്. പക്ഷെ, ആരാണ് സഞ്ജന എന്ന് ചോദിച്ച് അലസാന്‍ഡ്രയെ കെട്ടിപ്പിടിച്ചത് കണ്ടപ്പോള്‍ ഞാന്‍ തകര്‍ന്നുപോയി. അപ്പോള്‍ എനിക്ക് ഞാന്‍ വഞ്ചിക്കപ്പെട്ടതായും അപമാനിക്കപ്പെട്ടതായും തോന്നുന്നുവെന്നും സഞ്ജന പറയുന്നു.

അലസാൻഡ്രയും സുജോയും പ്രണയത്തിലായെങ്കിൽ തനിയ്ക്ക് ഒരു പ്രശ്നവും ഇല്ല. പക്ഷെ, എന്തിനാണ് എന്‍റെ വിശ്വാസ്യതയെയും ഇഷ്ടത്തെയും തകര്‍ത്തുകൊണ്ട് അത് ചെയ്യുന്നത് . ഷോയിൽ നിന്ന് പുറത്തു വന്നാൽ താൻ ഇതിനെ കുറിച്ച് ഉറപ്പായും ചോദിക്കുമെന്നും സഞ്ജന പറയുന്നു. ഷോയിൽ പോകുന്നതിനു മുൻപ് തന്നെ വരാൻ സാധ്യതയുളള വാർത്തകളെ കുറിച്ച് ചോദിച്ചിരുന്നു. എന്നേക്കാള്‍ ചേര്‍ച്ചയുള്ള ഒരു മലയാളി ക്രിസ്ത്യന്‍ കുട്ടിയെ കിട്ടിയാല്‍ എങ്ങനെയിരിക്കും?, ചോദ്യത്തിന് ഐ ലവ് യു എന്നാണ് മറുപടി നൽകിയത്.

ബിഗ് ബോസ് ഹൗസിൽ സഞ്ജനയുടെ പേര് ചർച്ച വിഷയമായപ്പോൾ തന്നെ, ഏഷ്യനെറ്റ് ന്യൂസിനോട് പ്രതികരിച്ചിരുന്നു. പവൻ തന്റെ അടുത്ത സുഹൃത്താണെന്നും സഞ്ജന പറഞ്ഞു. കൂടാതെ സോഷ്യൽ മീഡിയയിലും തന്റെ പ്രതികരണം രേഖപ്പെടുത്തിയിരുന്നു. പിന്നാലെ തന്‍റെ പേരിലുള്ള ഫേക്ക് അക്കൗണ്ടുകളെ കുറിച്ചും വ്യാജ പ്രചാരണങ്ങള്‍ക്കെതിരെയും സഞ്ജന പ്രതികരിച്ചിരുന്നു.