ഗോപി സുന്ദറും അമൃതയും ബിഗ് ബോസില്‍ പോകുമോ? പൈസ കിട്ടുമെങ്കില്‍ തീര്‍ച്ചയായും പോകുമെന്ന് ഗോപി സുന്ദര്‍

ബിഗ് ബോസിനെ കുറിച്ച് ഗോപി സുന്ദറിന്റെ അഭിപ്രായമെന്താണ്?

താനിതുവരെ ബിഗ് ബോസ് കണ്ടിട്ടില്ലെന്നാണ് ഗോപി സുന്ദര്‍ പറയുന്നത്. ഇപ്പോള്‍ കുറച്ച് സീനുകളൊക്കെ കാണാറുണ്ട്. ലാലേട്ടന്‍ വരുന്ന ബിഗ് ബോസിന്റെ പരസ്യം മാത്രമേ ഞാന്‍ കണ്ടിട്ടുള്ളു. എന്താ സംഭവമെന്ന് അറിയില്ലായിരുന്നു. അതിലെനിക്ക് വലിയ താല്‍പര്യമില്ല. അമൃതയും അഭിരാമിയും പോയതില്‍ അടിയുണ്ടാക്കുന്ന ഏതോ ഒരു വീഡിയോ ഞാന്‍ കണ്ടിട്ടുണ്ട്. അത് വൈറലായപ്പോള്‍ കണ്ടതാണ്. ഇനി കണ്ടില്ലെന്ന് പറഞ്ഞാല്‍ അത് കാണുമ്പോള്‍ പഠിച്ചോളൂം എന്ന കമന്റ് വരുമെന്നും ഗോപി സുന്ദര്‍ തമാശരൂപേണ പറയുന്നു.

അമൃതയുടെ ബിഗ് ബോസ് അനുഭവങ്ങള്‍..

'ബിഗ് ബോസില്‍ ഇരുപത്തിയാറ് ദിവസമാണ് ഉണ്ടായിരുന്നത്. എല്ലാവരും വലിയ സമ്മര്‍ദ്ദത്തില്‍ നില്‍ക്കുന്ന സമയമായിരുന്നു. അന്ന് വഴക്കുണ്ടാക്കിയ എല്ലാവരും ഇപ്പോഴും ഞങ്ങളുടെ കൂടെയുണ്ട്. എല്ലാവരുമായിട്ടും നല്ല സൗഹൃദമാണ'്. അഭിരാമിയുടെ കൂടെ ബിഗ് ബോസില്‍ പോയ അനുഭവവും അമൃത പങ്കുവെച്ചിരുന്നു.

സഹോദരി അഭിരാമിയുമായിട്ടുള്ള സൗഹൃദം?

ഞങ്ങള്‍ രണ്ട് പേരും രണ്ട് വ്യത്യസ്ത സ്വഭാവമുള്ളവരാണെന്ന് പറഞ്ഞാണ് അമൃത സംസാരിച്ച് തുടങ്ങിയത്. എന്നാല്‍ ഞങ്ങള്‍ രണ്ട് പേരെന്ന് പറഞ്ഞാല്‍ അത് കട്ട് ചെയ്ത് ഞാനും നീയും ആണെന്ന തരത്തില്‍ വാര്‍ത്ത ഇടും. അതുകൊണ്ട് അഭിരാമിയും അമൃതയും ആണെന്ന് പറയണമെന്ന് ഗോപി ഓര്‍മ്മിപ്പിച്ചു. ബിഗ് ബോസിലെ ആ ഇരുപത്തിയാറ് ദിവസമാണ് ഞാനും അഭിയും വളരെ ഒത്തൊരുമയോടെ നിന്നതെന്ന് അമൃത പറയുന്നു.

ഗോപി സുന്ദറും അമൃതയും ബിഗ് ബോസില്‍ പോകുമോ?

ഇനിയും ബിഗ് ബോസില്‍ നിന്നും വിളിച്ചാല്‍ താനും അഭിയും പോകുമെന്നും അമൃത പറഞ്ഞു. ഇനി പോവുമ്പോള്‍ ഞങ്ങള്‍ കാര്യങ്ങളൊക്കെ മുന്‍കുട്ടി പ്ലാന്‍ ചെയ്ത് പോവും. അഭിയ്ക്ക് പകരം ഗോപി സുന്ദറാണെങ്കിലും ഒരുമിച്ച് പോവും. എനിക്ക് പോകാന്‍ എതിര്‍പ്പുകളൊന്നുമില്ലെന്ന് ഗോപിയും സൂചിപ്പിച്ചു. രണ്ട് മത്സരാര്‍ഥികളായിട്ടാണ് നില്‍ക്കുന്നതെങ്കിലും പ്രശ്‌നമില്ല. വെറുതെ നില്‍ക്കാന്‍ പറ്റില്ല. അവിടുന്ന് പൈസ കിട്ടുമെങ്കില്‍ തീര്‍ച്ചയായും പോകും. എവിടെയാണെങ്കിലും അന്നം പിടിച്ച് പോയാല്‍ മതിയെന്നും ഗോപി സുന്ദര്‍ സൂചിപ്പിച്ചു.

ഈ സീസണിലെ ബിഗ് ബോസ് കണ്ടിരുന്നോ?

താന്‍ ബിഗ് ബോസ് കണ്ടിരുന്നതായിട്ടാണ് അമൃത പറയുന്നത്. റോബിന്‍ തന്റെ അമ്മയെ വന്ന് കണ്ടിരുന്നു. എന്റെ വീടിന്റെ അടുത്തുള്ള വീട്ടില്‍ വന്നിരുന്നു. അമ്മയ്ക്ക് റോബിനെ ഭയങ്കര ഇഷ്ടമാണ്. അന്നേരം അമ്മയെ കാണാനായി വന്നതെന്നും അമൃത പറയുന്നു.