ഹോം

ടെലിവിഷൻ

മിനിസ്ക്രീൻ പ്രേക്ഷകരുടെ പ്രിയപ്പെട്ട താരദമ്പതികളാണ് നടി സ്നേഹയും ശ്രീകുമാറും. ഓരേ സമയം പ്രേക്ഷകരെ ചിരിപ്പിക്കുകയും ചെയ്യുന്ന താരങ്ങൾ വളരെ പെട്ടെന്നായിരുന്നു പ്രേക്ഷകരുടെ ഹൃദത്തിൽ ഇടം നേടിയത്. മറിമായം എന്ന പരമ്പരയിലൂടെ മണ്ഡോദരിയും ലോലിതനേയും അത്ര വേഗം പ്രേക്ഷകർക്ക് മറക്കാൻ സാധിക്കില്ല. ഇപ്പോൾ സോഷ്യൽ മീഡിയയിൽ വൈറലാകുന്നത് സ്നേഹ ശ്രീകുമാർ പങ്കുവെച്ച ചിത്രമാണ്. തമിഴ് താരം വിജയ് സേതുപതിക്കൊപ്പമുള്ള ചിത്രമാണ് സ്നേഹ പങ്കുവെച്ചിരിക്കുന്നത്.

തന്റെ പ്രിയപ്പെട്ട താരത്തെ നേരിൽ കണ്ടതിന്റെ എല്ലാ സന്തോഷവും സ്നേഹയുടെ പോസ്റ്റിൽ കാണാൻ സാധിക്കുന്നുണ്ട്. വിജയ് സേതുപതിയുടെ കട്ട ഫാനാണെന്ന്പങ്കുവെച്ച് കൊണ്ടാണ് നടി ഇൻസ്റ്റഗ്രാമിൽ ചിത്രം പങ്കുവെച്ചിരിക്കുന്നത്. സ്നേഹയുടെ പോസ്റ്റ് വൈറലായിട്ടുണ്ട്. തമിഴിലും തെലുങ്കിലുമാണ് വിജയ് സേതുപതി സജീവമെങ്കിലും മലയാളത്തിലും താരത്തിന് കൈനിറയെ ആരാധകരുണ്ട്. 2019 ൽ പുറത്തിറങ്ങിയ ജയറാം പ്രധാന വേഷത്തിൽ എത്തിയ ചിത്രമായ മാർക്കോണി മത്തായിയിൽ വിജയ് സേതുപതി അതിഥി വേഷത്തിലെത്തിയിരുന്നു. താരത്തിന്റെ ആദ്യത്തെ മലയാള ചിത്രമായിരുന്നു അത്, വിജയ് സേതുപതിയുടെ അന്യഭാഷ ചിത്രങ്ങളും കേരളതതിൽ വലിയ വിജയമാകാറുണ്ട്.

വിജയ് സേതുപതി ആരാധക ആകാംക്ഷയോടെ കാത്തിരിക്കുന്ന ചിത്രമാണ് മുൻ ശ്രീലങ്കന്‍ ക്രിക്കറ്റ് താരം മുത്തയ്യ മുരളീധരന്റെ ജീവിതം പറയുന്ന സിനിമയ്ക്ക് വേണ്ടി. വിജയ് സേതുപതിയാണ് മുരളീധരനായി വേഷമിടുന്നത്. ഇതിനെ കുറിച്ച് താരം തന്നെ വെളിപ്പെടുത്തിയിട്ടുമുണ്ട്.ലോകപ്രശസ്ത ക്രിക്കറ്ററായി വേഷമിടാന്‍ അവസരം ലഭിച്ചതിൽ സന്തോഷമുണ്ടെന്ന് വിജയ് സേതുപതി പറഞ്ഞത്.ചിത്രത്തിന്റെ ഫസ്റ്റ്ലുക്ക് പോസ്റ്ററും പുറത്ത വിട്ടിട്ടുണ്ട്. വിജയ് സേതുപതിയുടെ ഔദ്യോഗിക ഫേസ്ബുക്ക് പേജിലൂടെയാണ് ചിത്രം പുറത്ത് വിട്ടിരിക്കുന്നത്.

മുത്തയ്യ മുരളീധരന്റെ ക്രിക്കറ്റ് കരിയറിലെയും ജീവിതത്തിലെയും പ്രധാനമുഹൂര്‍ത്തങ്ങള്‍ കോർത്തിണക്കിയാണ് ചിത്രം ഒരുക്കുന്നതെന്നാണ് സൂചന. പ്രേക്ഷകർ ആകാംക്ഷയോടെ കാത്തിരിക്കുന്ന മറ്റൊരു സേതുപതി ചിത്രമാണ് മാസ്റ്റർ. വിജയ് നായകനായി എത്തുന്ന ചിത്രത്തിൽ ഇളയദളപതിയുടെ വില്ലനായിട്ടാണ് മക്കൾ സെൽവൻ എത്തുന്നത്. ഇതാദ്യമായിട്ടാണ് വിജയുടെ വില്ലനായി കോളിവുഡിലെ സ സൂപ്പർ താരം എത്തുന്നത്. . കൊവിഡ് പ്രതിസന്ധിയെ തുടർന്ന് ചിത്രത്തിന്റെ റിലീസ് നീട്ടിവെച്ചിരിക്കുകയാണ്.തിയേറ്ററുകൾ തുറന്നാൽ ചിത്രത്തിന്റെ റിലീസ് ഉണ്ടാകും

Recommended Video

സ്നേഹ ഇൻസ്റ്റഗ്രാം പോസ്റ്റ്