റിമി ടോമി കൂടുതല്‍ സുന്ദരിയായെന്ന് ജയറാം! റൊമാന്‍റിക്കായി ആടിപ്പാടി ഇരുവരും! വീഡിയോ വൈറല്‍!

ബിഗ് സ്‌ക്രീനിലേക്കെത്തിയ റിമി ടോമിയുടെ ആദ്യ സിനിമയില്‍ നായകനായത് ജയറാമായിരുന്നു. സ്‌ക്രീനില്‍ മികച്ച കെമിസ്ട്രി പുറത്തെടുത്തവരാണ് ഇരുവരും. കണ്ണന്‍ താമരക്കുളം സംവിധാനം ചെയ്ത സിനിമയായ തിങ്കള്‍ മുതല്‍ വെള്ളിവരെയ്ക്ക് സമ്മിശ്ര പ്രതികരണമായിരുന്നു ലഭിച്ചത്. മുന്‍പ് അതിഥിയായും ഗായികയായും പ്രത്യക്ഷപ്പെട്ടിരുന്നുവെങ്കിലും മുഴുനീള വേഷത്തില്‍ റിമി ടോമി എത്തിയ സിനിമ കൂടിയാണ് തിങ്കള്‍ മുതല്‍ വെള്ളിവരെ. എന്നാണ് അടുത്ത സിനിമ എന്ന തരത്തിലുള്ള ചോദ്യങ്ങള്‍ റിമിക്ക് നേരെ ഉയര്‍ന്നുവെങ്കിലും അഭിനയത്തില്‍ അത്ര ശ്രദ്ധ നല്‍കുന്നില്ലെന്ന മറുപടിയായിരുന്നു നല്‍കിയത്.

മിനിസ്ക്രീന്‍ പ്രേക്ഷകരുടെ പ്രിയപ്പെട്ട അവതാരകയായ അശ്വതി ശ്രീകാന്താണ് പരിപാടിയെ നയിക്കുന്നത്. വേറിട്ട അവതരണ ശൈലിയുമായെത്തുന്ന അശ്വതിക്ക് ശക്തമായ പിന്തുണയാണ് ആരാധകര്‍ നല്‍കുന്നത്. സ്‌ക്രീനില്‍ മികച്ച കെമിസ്ട്രി പുറത്തെടുത്ത നിങ്ങളുടെ പ്രകടനം സ്റ്റേജിലും കാണണമെന്നായിരുന്നു അശ്വതി പറഞ്ഞത്. ഇതേക്കുറിച്ച് കേട്ടതോടെ സദസ്സും കൈയ്യടിക്കുകയായിരുന്നു. അല്ലിയാമ്പല്‍ക്കടവില്‍ എന്ന ഗാനത്തിനൊപ്പമായാണ് ഇരുവരും അഭിനയിച്ചത്.

തന്റെ നായിക കൂടുതല്‍ സുന്ദരിയായിരിക്കുന്നുവെന്നായിരുന്നു ജയറാമിന്റെ കമന്റ്. ജയറാമേട്ടന്‍ തന്നെയാണോ ഇത്, അതോ കാളിദാസനാണോയെന്ന സംശമാണ് തനിക്കുള്ളതെന്ന് റിമി പറഞ്ഞപ്പോള്‍ ഒരുപാട് പുകഴ്ത്തല്ലേയെന്നായിരുന്നു ജയറാമിന്റെ മറുപടി. അനശ്വര നടന്‍ പ്രേംനസീറിന്റെ മാനറിസങ്ങള്‍ അനുകരിക്കുന്ന ജയറാമിനെ സംബന്ധിച്ചിടത്തോളം ഈ ഗാനം ഏറെ പ്രിയപ്പെട്ടതും സന്തോഷിപ്പിക്കുന്നതുമായിരിക്കുമെന്നും റിമി പറഞ്ഞിരുന്നു.

മത്സരാര്‍ത്ഥികളുടെ പ്രകടനത്തെക്കുറിച്ച് മാത്രമല്ല സ്വന്തം പെര്‍ഫോമന്‍സിലൂടെ ആരാധകരെ കൈയ്യിലെടുക്കാനും റിമി ടോമിക്ക് മിടുക്കുണ്ട്. ലൂസിഫറിലെ രാഫ്താര എന്ന ഗാനം ആലപിച്ചായിരുന്നു റിമിയെത്തിയത്. നിറഞ്ഞ കൈയ്യടിയായിരുന്നു താരത്തിന് നല്‍കിയത്. മധുരരാജയിലെ ഗാനമായ മോഹമുന്തിരി എന്ന ഗാനവും റിമി ആലപിച്ചിരുന്നു. പരിപാടിയുടെ വീഡിയോ ഇതിനകം വൈറലായി മാറിയിരുന്നു.