കടലോളം സ്നേഹമാണ് ഈ അച്ഛന്റെ നെഞ്ചു നിറയെ! ജിഷിന്റെ വീഡിയോ ഏറ്റെടുത്ത് ആരാധകർ...

പത്തു മാസം ചുമന്നില്ല.. നൊന്തു പ്രസവിച്ചില്ല.. എങ്കിലും കടലോളം സ്നേഹമാണ് മോനോട് ഈ അച്ഛന്റെ നെഞ്ചു നിറയെ. അലയടിച്ചു വരുന്ന തിരകളെ അവനു പേടിയില്ല. കാരണം അവനറിയാം, ലോകത്തിലെ ഏറ്റവും സുരക്ഷിതമായ കരങ്ങളിലാണ് അവനെന്നു. ലവ് യൂ മോനെ മണ്ണിലും, ചെളിയിലും, വെള്ളത്തിലും ഒക്കെ കളിച്ചും ചിരിച്ചും പ്രകൃതിയെ അറിഞ്ഞു വളരട്ടെ നമ്മുടെ മക്കൾ", എന്നാണ് മകനൊപ്പമുള്ള വീഡിയോയ്ക്കൊപ്പം ജിഷിൻ കുറിച്ചത്.

മികച്ച പ്രേക്ഷക അഭിപ്രായമാണ് ജിഷിൻ മോഹന്റെ വീഡിയോയ്ക്ക് ലഭിക്കുന്നത്. ആരാധകരുടെ കമന്റിന് താരം മറുപടി നൽകുകയും ചെയ്യുന്നുണ്ട്. രസകരമായ കമന്റെുകളാണ് ജിഷിന്റേയും മകന്റേയും വീഡിയോയ്ക്ക് ലഭിക്കുന്നത്. ജിഷിൻ പങ്കുവെയ്ക്കുന്ന പോസ്റ്റുകൾക്കെല്ലാം മികച്ച പ്രേക്ഷക പിന്തുണയാണ് ലഭിക്കാറുള്ളത്. ഇൻസ്റ്റഗ്രാമിൽ സജീവമാണ് ജിഷിൻ. നിലവിൽ 28.4 കെ ഫോളോവേഴ്സ് ഇദ്ദേഹത്തിന് ഉണ്ട്. ദിവസങ്ങൾക്ക് മുൻപ് ഭാര്യ വരദയെ കുറിച്ചെഴുതിയ വാക്കുകൾ വൈറലായിരുന്നു. താരത്തിന്റെ വാക്കുകൾ നിറഞ്ഞ മനസ്സോടെയാണ് പ്രേക്ഷകർ സ്വീകരിച്ചത്.

Recommended Video

Dev Mohan Exclusive Interview | Sufiyum Sujatayum | Filmibeat Malayalam

മിനി സ്ക്രീൻ പ്രേക്ഷകർ ഏറെ ആഘോഷമാക്കിയ താര വിവാഹമായിരുന്നു ഇവരുടേത്. 2014 നാണ് ഇവർ വിവാഹിതരാകുന്നത്. അമല എന്ന പരമ്പരയിൽ അഭിനയിക്കവെയാണ് ജിഷിനും വരദയും പ്രണയത്തിലാകുന്നത്. പരമ്പരയിലെ നായികയായിരുന്നു വരദ. നെഗറ്റീവ് കഥാപാത്രമാണ ജിഷിൻ അവതരിപ്പിച്ചത്. പരമ്പരയിലെ ജിഷിന്റെ പ്രകടനം ഏറെ ശ്രദ്ധിക്കപ്പെടുകയും ചെയ്തിരുന്നു. നായികയെ ശല്യപ്പെടുത്തുന്ന പ്രതിനായക വേഷം മികച്ചതാക്കുന്നതിനോടൊപ്പം തന്നെ, വരദയെ ജീവിതത്തിലെ നായികയാക്കുകയായിരുന്നു താരം.

സീരിയലിൽ മാത്രമല്ല റിയാലിറ്റി ഷോകളിലും ഗെയിം ഷോകളിലും ജിഷിനും വരദയും സജീവമാണ്. വിവാഹത്തിന് ശേഷം താരങ്ങൾ അഭിനയത്തിൽ സജീവമാകുകയായിരുന്നു. ജീവിത നൗക എന്ന പരമ്പരയിലാണ് ജിഷിൻ ഇപ്പോൾ അഭിനയിക്കുന്നത്.
പ്രതിനായക കഥാപാത്രത്തിൽ നിന്ന് വ്യത്യസ്തമായി മികച്ച കഥാപാത്രത്തെയാണ് ജീവിത നൗകയിൽ ജിഷിൻ അവതരിപ്പിക്കുന്നത് . മികച്ച പ്രേക്ഷകാഭിപ്രായമാണ് കഥാപത്രത്തിന് ലഭിക്കുന്നത്. സീരിയലിലെ മികച്ച രംഗങ്ങൾ ജിഷിൻ സോഷ്യൽ മീഡിയയിൽ പങ്കുവെയ്ക്കാറണ്ട്. മഴവില്ല് മനോരമയിൽ രാത്രി 7.30 ആണ് പരമ്പര ജീവിത നൗക സംപ്രേക്ഷണം ചെയ്യുന്നത്