പൃഥ്വിയുടെ കര്‍ണനോ മമ്മൂട്ടിയുടെ കര്‍ണനോ എന്ന തര്‍ക്കത്തിനിടെ ഇതാ മറ്റൊരു കര്‍ണന്‍ കൂടെ...ആരാണിത്?

മഴവില്‍ മനോരമയില്‍

മഹാഭാരതത്തിലെ ഇതിഹാസ കഥാപാത്രം സൂര്യപുത്രന്‍ കര്‍ണന്റെ ജീവിതം ആസ്പദമാക്കി പരമ്പര വരുന്നു. മഴവില്‍ മനോരമയിലാണ് പരമ്പര സംപ്രേക്ഷണം ചെയ്യുന്നത്. ആര് സംവിധാനം ചെയ്യുന്നു എന്നോ അഭിനയിക്കുന്നെന്നോ ഉള്ള റിപ്പോര്‍ട്ട് പുറത്തുവിട്ടിട്ടില്ല.

മമ്മൂട്ടിയുടെ കര്‍ണന്‍

മമ്മൂട്ടി കര്‍ണനാകുന്ന വാര്‍ത്ത വര്‍ഷങ്ങളായി മലയാള സിനിമയില്‍ നിറഞ്ഞു നില്‍ക്കുന്നു. പിസി ശ്രീകുമാറിന്റെ തിരക്കഥയില്‍ മധുപാലാണ് ചിത്രം സംവിധാനം ചെയ്യുന്നത്. 2018 ല്‍ ചിത്രത്തിന്റെ ഷൂട്ടിങ് തുടങ്ങുമെന്നാണ് റിപ്പോര്‍ട്ടുകള്‍

പൃഥ്വിരാജിന്റെ കര്‍ണന്‍

എന്ന് നിന്റെ മൊയ്തീന് ശേഷം പൃഥ്വിരാജിനെ നായകനാക്കി ആര്‍ എസ് വിമല്‍ സംവിധാനം ചെയ്യുന്ന ബിഗ് ബജറ്റ് ചിത്രമാണ് ഈ കര്‍ണന്‍. ഇതിനോടകം ചിത്രത്തിന്റെ പ്രി-പ്രൊഡക്ഷന്‍ ജോലികള്‍ ആരംഭിച്ചു. 2017 അവസാനത്തോടെ ഷൂട്ടിങ് ആരംഭിയ്ക്കും

പുതിയ കര്‍ണന്റെ പ്രമോ

ഇതാണ് മഴവില്‍ മനോരമയില്‍ സംപ്രേക്ഷണം ചെയ്യാന്‍ പോവുന്ന പരമ്പര കര്‍ണന്റെ പ്രമോ വീഡിയോ. കൂടുതല്‍ വിവരങ്ങള്‍ വൈകാതെ പുറത്തുവിടും എന്ന് പ്രതീക്ഷിയ്ക്കാം.