കല്യാണ ശേഷമാണ് ഞങ്ങള്‍ക്കിടയില്‍ പ്രണയം വന്നത്; വിവാഹം പോലും നടക്കില്ലായിരുന്നു, അമൃത വര്‍ണന്റെ പ്രണയകഥ

താന്‍ പ്രണയിക്കുന്ന കുട്ടികളെല്ലാം പെട്ടെന്ന് കല്യാണം കഴിച്ച് പോകുമായിരുന്നു എന്ന് പ്രശാന്ത് പറയുമ്പോള്‍ അതുകൊണ്ട് എന്നെ പ്രണയിച്ചില്ല. അങ്ങനെ കല്യാണം കഴിക്കുകയും ചെയ്തു. വേഗം കല്യാണം കഴിക്കാമെന്ന് തീരുമാനിച്ചതിന് പിന്നിലെ കാര്യം അതാണെന്നാണ് പ്രശാന്തും അമൃതയും പറയുന്നത്. അമൃതയുടെ സുഹൃത്തായ സൂര്യ ചേച്ചി വഴിയാണ് താന്‍ ഇഷ്ടം അറിയിച്ചത്. പക്ഷേ അമൃതയ്ക്ക് എന്തൊക്കെയോ പ്രശ്‌നങ്ങളുണ്ടെന്ന് പറഞ്ഞു.

ഉടനെ അമൃതയ്ക്ക് പ്രണയത്തിന് താല്‍പര്യമില്ലെന്നും പിന്നെയേ ഉണ്ടാവുകയുള്ളു എന്നും അറിയിച്ചു. അത് പോട്ടോ എന്ന് ഞാനും വിചാരിച്ചതായി പ്രശാന്ത് സൂചിപ്പിച്ചു. തന്റെ വീട്ടില്‍ എല്ലാം ഒന്ന് സെറ്റ് ആയി വന്നപ്പോള്‍ കല്യാണം ആലോചിച്ച് തുടങ്ങി. ഇങ്ങനെ ഒരാള്‍ എന്നെ പ്രൊപ്പോസ് ചെയ്ത കാര്യം അന്നേരം അച്ഛനോട് പറഞ്ഞതായി അമൃത പറയുന്നു. ശേഷം സൂര്യ ചേച്ചിയുടെ കൈയില്‍ നിന്നും നമ്പര്‍ വാങ്ങി നേരിട്ട് ഇദ്ദേഹത്തെ വിളിച്ചു.

വീട്ടില്‍ കല്യാണം ആലോചിച്ച് തുടങ്ങുന്നുണ്ട്. ഇപ്പോഴും ആ താല്‍പര്യം ഉണ്ടെങ്കില്‍ വരാമെന്ന് പറഞ്ഞു. അപ്പോള്‍ പുള്ളിക്കാരന്‍ പറഞ്ഞത്, കല്യാണം ആലോചിക്കുന്നുണ്ടെങ്കില്‍ അത് നോക്കിക്കോളു. എനിക്ക് വേറെ ലൈന്‍ ഉണ്ടെന്നാണ്. ഇതോടെ ഞാന്‍ പുള്ളിയെ ബ്ലോക്ക് ചെയ്‌തെന്ന് അമൃത പറയുന്നു. കുറച്ച് കഴിഞ്ഞപ്പോള്‍ അതില്‍ വിഷമം തോന്നി. അങ്ങനെ പ്രശാന്തിന്റെ യൂട്യൂബ് വീഡിയോസ് പുള്ളി അറിയാതെ കാണുകയൊക്കെ ചെയ്തിട്ടുണ്ട്. പിന്നെ പ്രശാന്ത് പ്രണയിക്കുന്ന പെണ്‍കുട്ടികള്‍ എല്ലാം കല്യാണം കഴിച്ച് പോകുന്നത് പോലെ ആ പ്രണയവും തകര്‍ന്നു.

Recommended Video

Yuva And Mridula Responded To Rekha Ratheesh's Claim | FilmiBeat Malayalam

അതിന് ശേഷമാണ് അമൃതയുമായി വീണ്ടും അടുക്കുന്നത്. കഴിഞ്ഞ ഒക്ടോബറില്‍ പുള്ളിക്കാരന്‍ കല്യാണം കഴിഞ്ഞോ എന്ന് എന്നോട് ചോദിച്ചു. ഇല്ലെന്ന് പറഞ്ഞു. പിന്നെ ഞാന്‍ തൃശൂര്‍ പോയി കണ്ടു. ആ സമയത്ത് തനിക്ക് ഇനിയും അഭിനയിക്കണമെന്ന കണ്ടീഷനാണ് അമൃത പറഞ്ഞത്. എനിക്ക് പെട്ടെന്ന് കല്യാണം വേണമെന്നും പറഞ്ഞു. അവള്‍ക്കും അതിന് താല്‍പര്യമായി. അങ്ങനെ വീട്ടില്‍ അറിയിച്ച് ജനുവരിയിലേക്ക് കല്യാണം നിശ്ചയിക്കുകയായിരുന്നു. പെട്ടെന്ന് വിവാഹവും നടത്തി. കല്യാണശേഷമാണ് ഞങ്ങള്‍ക്കിടയില്‍ ലവ് തുടങ്ങിയതെന്ന് താരങ്ങള്‍ പറയുന്നു.