റെബേക്കയ്ക്ക് ഉഗ്രൻ സമ്മാനവുമായി ശ്രീജിത്ത്, വേണ്ടായിരുന്നു എന്ന് താരം, വീഡിയോ വൈറലാവുന്നു

ഇപ്പോഴിത സോഷ്യൽ മീഡിയയിൽ വൈറലാവുന്നത്. റെബേക്കയുട പുതിയൊരു വീഡിയോയാണ്. ഭർത്താവ് ശ്രീജിത്തിനോടൊപ്പമുള്ള വീഡിയോ വൈറലായിട്ടുണ്ട്. ഇതിനും മുൻപും ഇത്തരത്തിലുള്ള രസകരമായ വീഡിയോ പങ്കുവെച്ച് താരങ്ങൾ രംഗത്ത് എത്തിയിരുന്നു. ''റെബേക്കയെ കാണുന്ന ശ്രീജിത്ത് ഒരു വാടിയ പൂവ് നൽകുകയാണ്. വാടിയ പൂവോ എന്ന് ചോദിക്കുന്ന റെബേക്കയോട് രാവിലെ മേടിച്ച് വച്ചതാണ് മഴത്ത് വാടി പോയതാണെന്നാണ് ശ്രീജിത്ത് പറയുന്നു. റോസാ പൂവ് മഴയത്ത് വാടിയോ എന്ന് മറു ചോദ്യം റെബേക്ക ചോദിക്കുന്നു. റോസപ്പൂവ് മഴത്തും വാടുമെന്നാണ് സംവിധായകൻ പറയുന്നത്. ഇവരുടെ രസകരമായ വീഡിയോ സോഷ്യൽ മീഡിയയിൽ വൈറലായിട്ടുണ്ട്. അവതാരകയും ബിഗ് ബോസ് താരവുമായ എലീന പടിക്കൽ കമന്റുമായി എത്തിയിട്ടുണ്ട്. വളരെ ക്യട്ടായിട്ടുണ്ട് എന്നാണ് എലീന പറയുന്നത്. കൂടാതെ റൊമാൻസിൽ മാറ്റമുണ്ടെന്നും പറയുന്നുണ്ട്. നല്ല കമന്റുകളാണ് വീഡിയോയക്ക് ലഭിക്കുന്നത്.

വിവാഹം കഴിഞ്ഞ് തൊട്ട് അടുത്ത ദിവസത്തെ ഒരു രസകരമായ വീഡിയോയും താരങ്ങൾ പങ്കുവെച്ചിരുന്നു. ശ്രീജിത്ത് ആയിരുന്നു വീഡിയോ പങ്കുവെച്ചത്.
വിവാഹ സങ്കല്‍പ്പം വേര്‍ഷന്‍ 2 എന്ന ക്യാപ്ഷനോടെയായിരുന്നു ശ്രീജിത്ത് അന്ന് വീഡിയോ സോഷ്യൽ മീഡിയയിൽ പോസ്റ്റ് ചെയ്തത്. കണ്ണാ സമയം 8 മണിയായി എഴുന്നേറ്റേ, അതേയ് ഈ കല്യാണം ഒക്കെ കഴിഞ്ഞിട്ടുണ്ടെങ്കിലേ രാവിലെ എഴുന്നേറ്റ് ഒരു കപ്പ് കാപ്പിയൊക്കെയായിട്ട് വന്നിട്ട് മുന്നില്‍ നില്‍ക്കണം, അതാണ് കേരളീയ സംസ്‌കാരം എന്ന് പറഞ്ഞ് റെബേക്കയെ ഉണര്‍ത്താന്‍ ശ്രമിക്കുന്ന ശ്രീജിത്തിന്റെ ശബ്ദമാണ് വീഡിയോയിൽ കേൾക്കുന്നത്. എഴുന്നേല്‍ക്കാന്‍ മടിച്ച് കട്ടിലിൽ കിടക്കുന്ന റെബേക്കയേയുമാണ് വീഡിയോയില്‍ കാണുന്നത്. താരങ്ങളുടെ വിവാഹശേഷമുള്ള ആദ്യ വീഡിയോ സോഷ്യൽ മീഡിയയിൽ അന്ന് വൈറലായിരുന്നു. വിവാഹത്തിന് മുൻപും ഇരുവരും ഇത്തരത്തുലുള്ള രസകരമായ വീഡിയോയുമായി എത്താറുണ്ടായിരുന്നു.

നവംബർ 1 ന് ആയിരുന്നു റെബേക്കയും സംവിധായകൻ ശ്രീജിത്ത് വിജയനും വിവാഹിതരാവുന്നത് . റെബേക്ക- ശ്രീജിത്ത് വിവാഹത്തിന് സിനിമ-സീരിയൽ രംഗത്തെ പ്രമുഖ താരങ്ങൾ എത്തിയിരുന്നു. വിവാഹം ഗംഭീര ആഘോഷമാക്കുകയായിരുന്നു. വിവാഹ ചിത്രങ്ങളും വീഡിയോകളുമെല്ലാം താരം സോഷ്യൽ മീഡിയയിൽ പങ്കുവെച്ചിരുന്നു. മികച്ച പ്രതികരണമായിരുന്നു ഇവയ്ക്ക് ലഭിച്ചത്. കഴിഞ്ഞ ഫെബ്രുവരിയിലായിരുന്നു റെബേക്കയുടേയും ശ്രീജിത്തിന്റേയും വവാഹനിശ്ചയം നടക്കുന്നത്. ഇതിന് ശേഷമാണ് താരങ്ങളുടെ പ്രണയകഥ കൂടുതൽ സോഷ്യൽ മീഡിയയിൽ ഇടം പിടിക്കാൻ തുടങ്ങിയത്.

അഞ്ച് വർഷത്തെ പ്രണയത്തിന് ശേഷമാണ് ഇരുവരും വിവാഹിതരാവുന്നത്. തങ്ങൾ പ്രണയത്തിലാണെന്ന് താരങ്ങൾ തന്നെയാണ് വെളിപ്പെടുത്തിയത്. ''വര്‍ഷങ്ങളായുള്ള ബന്ധമായിരുന്നു വിവാഹത്തിലേക്ക് എത്തിയത്. കരിയറില്‍ ഇനിയും ഒരുപാട് ദൂരം പോവാനുണ്ടെന്നും വീട്ടുകാരും തങ്ങളുടെ തീരുമാനത്തെ പിന്തുണയ്ക്കുകയായിരുന്നുവെന്ന് റെബേക്ക വ്യക്തമാക്കിയിരുന്നു. കസ്തൂരിമാനിലെ കാവ്യയെ പോലെ അല്ല റിയൽ ലൈഫിൽ എന്നും മറ്റൊരു അഭിമുഖത്തിൽ നടി പറഞ്ഞിരുന്നു. ''പപ്പയുടേയും അമ്മയുടേയും ചെറിയ കുഞ്ഞ് എന്ന് പറഞ്ഞ് തന്നെ കളിയാക്കാറുണ്ട്. എല്ലാത്തിനേയും പോസിറ്റീവായി കാണുന്ന, ചിരിക്കാനേറെ ഇഷ്ടമുള്ളയാളാണ് താനെന്നായിരുന്നു'' റെബേക്ക പറഞ്ഞത്.