'ആ​ഗ്രഹിച്ചതുപോലെ തന്നെ ആൺകുഞ്ഞാണ്'; ആതിര മാധവിന് കുഞ്ഞ് പിറന്ന സന്തോഷത്തിൽ അമൃത നായർ!

'അപ്പോൾ എന്റെയടുത്ത് പലരും പറഞ്ഞു അങ്ങനെയൊന്നും പറയരുതെന്ന്.ദൈവം തരുന്ന കുഞ്ഞല്ലേ അങ്ങനെയൊന്നും പറയരുതെന്നായിരുന്നു ചിലർ പറഞ്ഞത്. ആണാണെങ്കിലും പെണ്ണാണെങ്കിലും സ്വീകരിക്കില്ലേ പിന്നെന്തിനാണ് ഇങ്ങനെ പറയുന്നതെന്ന് തോന്നിയിരുന്നു. ഞങ്ങൾ തമാശയ്ക്ക് പറഞ്ഞതാണ്. എനിക്ക് എത്രയും പെട്ടെന്ന് മരുമകനെ കാണാൻ പോകണം. ഞാൻ അവളെയും രാജീവേട്ടനേയും വിളിച്ചിരുന്നു. എനിക്ക് കിട്ടിയില്ല. ഞങ്ങളിപ്പോൾ ഗുരുവായൂരിലേക്ക് വന്നതാണ്. തിരിച്ച് പോയിട്ട് വേണം അവരെ കാണാൻ. എന്തായാലും ഒത്തിരി സന്തോഷമായി' അമൃത നായർ പറഞ്ഞു.

Recommended Video

ബിഗ് ബോസിൽ ഒരാഴ്ച നടന്നത് | Janaki Sudheer Exclusive Interview | Bigg Boss Malayalam FilmiBeat

കുടുംബവിളക്കിൽ വളരെ കുറച്ച് എപ്പിസോഡുകളിൽ മാത്രമെ അമൃത അഭിനയിച്ചുള്ളൂവെങ്കിലും വലിയ പ്രേക്ഷക ശ്രദ്ധ ലഭിച്ചിരുന്നു. ആതിരയും അമൃതയും തങ്ങളുടെ വിശേഷങ്ങൾ ആരാധകരുമായി പങ്കുവെക്കാനായി യുട്യൂബ് ചാനലും നടത്തുന്നുണ്ട്. പ്രസവത്തിന് പോകുന്നതിന് മുന്നോടിയായി നടത്തിയ വളൈകാപ്പ് ചടങ്ങിന്റെ വിശേഷങ്ങളും ആതിര മാധവ് സോഷ്യൽ‌മീഡിയ വഴി പങ്കുവെച്ചിരുന്നു. മഞ്ഞ പട്ടു സാരിയും ട്രെഡീഷണൽ ആഭരണങ്ങളും ധരിച്ച് വധുവിനെപ്പോലെയാണ് താരം ഒരുങ്ങിയെത്തിയത്. അമ്മയാകാൻ പോകുന്നത് കൊണ്ട് ഈ വനിതാ ദിനം വളരെ പ്രത്യേകയുള്ളതാണെന്നും താരം കുറിച്ചിരുന്നു. 2020 നവംബർ 9ന് ആയിരുന്നു ആതിരയും രാജീവും വിവാഹിതരായത്. അഞ്ച് വർഷത്തോളം നീണ്ട പ്രണയത്തിനൊടുവിലായിരുന്നു ആതിരയുടെ വിവാഹം.

രാജീവിന്റെ കൂടെയുള്ള ആളാണ് ആദ്യം തന്നെ പ്രണയിക്കാൻ ശ്രമിച്ചതെന്നും അക്കാലത്ത് അവർ തന്നെ വിളിച്ചിരുന്നത് സ്‌കെച്ച് എന്നായിരുന്നു എന്നെല്ലാം മുന്നേതന്നെ ആതിര പറഞ്ഞിട്ടുണ്ട്. ആതിര ​ഗർഭിണിയായിരുന്ന സമയത്ത് നിത്യസന്ദർശകയായിരുന്നു അമൃത നായർ. അപ്പോഴെല്ലാം ആതിരയുടെ വയറുകണ്ട് ആൺകുഞ്ഞാണെന്നും എന്റെ മരുമകനാണ് വരാൻ പോകുന്നത് എന്നുമെല്ലാം അമൃത നായർ പറയാറുണ്ടായിരുന്നു. ആതിരയ്ക്ക് കുഞ്ഞ് പിറന്ന സന്തോഷത്തിലാണ് കുടുംബവിളക്ക് ആരാധകരും. ഒരിക്കലും അഭിനയം ഉപേക്ഷിക്കില്ലെന്നും കുറച്ചുനാൾ കഴിയുമ്പോൾ തിരികെ അഭിനയത്തിൽ സജീവമാകണമെന്ന് ആ​​ഗ്രഹമുള്ളതായും ആതിര പലപ്പോഴും പറഞ്ഞിരുന്നു.

ഷൂട്ടിനിടയിൽ അസ്വസ്ഥത വന്ന് പരിശോധിച്ചപ്പോഴാണ് ഗർഭിണിയാണെന്ന് ആതിര അറിഞ്ഞത്. അതിന് ശേഷവും ആതിര അഭിനയിച്ചിരുന്നു. അസ്വസ്ഥത കൂടിയതോടെയാണ് താരം സീരിയലിൽ നിന്നും മാറിയത്. കുടുംബവിളക്കിൽ ഡോക്ടർ അനന്യ എന്ന കഥാപാത്രത്തെയാണ് ആതിര മാധവ് അവതരിപ്പിച്ചിരുന്നത്. ആനന്ദ് നാരായണനായിരുന്നു സഹതാരമായിരുന്നത്. ആതിര എന്ന പേരിനേക്കാൾ ഡോക്ടർ അനന്യ എന്ന പേരാണ് പ്രേക്ഷകർക്ക് കൂടുതൽ‌ പരിചയം. നടിയാകുന്നതിന് മുമ്പ് അവതാരകയായും ആതിര മാധവ് തിളങ്ങിയിരുന്നു. മീര വാസുദേവ് കേന്ദ്ര കഥാപാത്രമാകുന്ന കുടുംബവിളക്ക് ഉദ്യോ​ഗജനകമായ മുഹൂർത്തങ്ങളിലൂടെയാണ് കടന്നുപോകുന്നത്.