'മരുമകന്റെ സുഖവിവരങ്ങൾ തിരക്കി അമൃത നായർ', അമൃതയേയും ആതിരയേയും മിസ് ചെയ്യുന്നുവെന്ന് ആരാധകർ!

ആതിരയ്ക്ക് ജനിക്കാൻ പോകുന്ന കുഞ്ഞിനെ മരുമകനായിട്ടാണ് കാണുന്നതെന്ന് പലപ്പോഴും അമൃത പറഞ്ഞിട്ടുണ്ട്. അമ്മയ്ക്കൊപ്പം ആതിരയ്ക്ക് പ്രിയപ്പെട്ട ചിക്കൻ കറിയെല്ലാമായാണ് അമൃതയും അമ്മയും എത്തിയത്. ശീതൾ എന്ന കഥാപാത്രത്തെയാണ് കുടുംബവിളക്കിൽ അമൃത അവതരിപ്പിച്ചിരുന്നത്. ഇടയ്ക്കിടെ ആതിര മാധവിനെ സന്ദർശിക്കാൻ അമൃത എത്താറുണ്ട്. ഇരുവരും ഒരുമിച്ച് ഭക്ഷണം കഴിക്കുന്നതും വിശേഷങ്ങൾ പങ്കുവെക്കുന്നതും തമാശകൾ പറയുന്നതുമെല്ലാം വീഡിയോയിൽ ഉൾപ്പെടുത്തിയിട്ടുണ്ട്. ആതിരയെ സന്ദർശിക്കുന്ന അമൃതയുടെ വീഡിയോ ഇപ്പോൾ‌ ആരാധകർക്കിടയിൽ വൈറലാവുകയാണ്. ആതിരയുടേയും അമൃതയുടേയും കോമ്പോ വളരെ ഇഷ്ടമായിരുന്നുവെന്നും ഇരുവരും സീരിയലിൽ നിന്നും പിന്മാറിയതോടെ കാണനുള്ള താൽപര്യം നഷ്ടപ്പെട്ടുവെന്നെല്ലാമാണ് ഇരുവരോടും ആരാധകർ പറയുന്നത്.

ആതിരയുടെ വയറിൽ മുഖം ചേർത്ത് വെച്ച് അമൃത കുഞ്ഞ് അതിഥിയോട് വിശേഷങ്ങൾ തിരക്കുന്നതും വീഡിയോയിൽ കാണാം. ആതിരയും അമൃതയും ഒന്നിച്ചുള്ള വീഡിയോകൾ എന്നും ചിരി സമ്മാനിക്കുന്നതാണെന്നും അതുകൊണ്ട് തന്നെ ഏറെ താൽപര്യത്തോടെയാണ് അമൃതയും ആതിരയും ഒന്നിക്കുന്ന വീഡിയോകൾ കാണുന്നതെന്നും ആരാധകർ കമന്റായി കുറിച്ചു. ആതിരയ്ക്ക് പിറക്കാൻ പോകുന്നത് മകൻ ആയിരിക്കുമെന്നും അവൻ തനിക്ക് ജനിക്കുന്ന മകളെ വിവാഹം ചെയ്യുമെന്നും അമൃത മുമ്പൊരിക്കൽ ആതിരയെ സന്ദർശിക്കുന്ന വീഡിയോയിൽ പറ‍ഞ്ഞിരുന്നു. 'എൻറെ മരുമകനാണ് പിറക്കാൻ പോകുന്നതെന്നും മകനെ മികച്ച രീതിയിൽ പരിപാലിക്കണമെന്നും' അമൃത തമാശ രൂപേണ ആതിരയോട് അന്ന് പറഞ്ഞിരുന്നു.

Recommended Video

ഹണിമൂൺ പ്ലാൻ വെളിപ്പെടുത്തി | Apsara and Alby Exclusive Interview | Part 2 | Filmibeat Malayalam

തന്റെ മരുമകനാണ് പിറക്കാൻ പോകുന്നത് എന്നത് കൊണ്ടാണ് ഇടയ്ക്കിടെ വന്ന് സുഖ വിവരങ്ങൾ തിരക്കുന്നതെന്നും അമൃത പറഞ്ഞിട്ടുണ്ട്. 'മറ്റൊരു പ്രോജക്ട് വന്നതിനാലാണ് കുടുംബവിളക്കിൽ നിന്ന് പിന്മാറിയത് എന്നാണ് അമൃത മാധവ് പറഞ്ഞത്. കുടുംബവിളക്കിൽ നിന്ന് പിന്മാറാൻ കാരണം നല്ലൊരു ഷോ കിട്ടിയതിനാലാണ്. നല്ലൊരു പ്രോജക്ട് വന്നു. അത് കളയാൻ തോന്നിയില്ല. ഈയൊരു സാഹചര്യത്തിൽ ഒരു പ്രോജക്ട് കൊണ്ട് മാത്രം മുന്നോട്ടുപോകാൻ പറ്റില്ലായിരുന്നു. സീരിയലിന് പകരം ഒരു പ്രോഗ്രാമായിരുന്നു അത്. പരിപാടിയുടെ ഷെഡ്യൂൾ ഡേറ്റും സീരിയലിൻറെ ഷൂട്ടും ഒരുമിച്ച് വന്നപ്പോൾ ഒന്നും ചെയ്യാൻ പറ്റാതായി. ഞാൻ കാരണം എവിടെയും പ്രശ്നം വരരുതെന്ന് തോന്നിയപ്പോൾ പിന്മാറാൻ തീരുമാനിച്ചു. ആലോചിച്ച് തീരുമാനമെടുക്കാനായിരുന്നു കുടുംബവിളക്ക് സംവിധായകൻ ജോസേട്ടൻ പറഞ്ഞത്. ആ സമയത്ത് മറ്റൊന്നും തോന്നിയില്ല. അങ്ങനെ പ്രോഗ്രാം എടുക്കുകയായിരുന്നു' അമൃത വെളിപ്പെടുത്തിയിരുന്നു. ശീതൾ എന്ന അമൃതയുടെ കഥാപാത്രത്തിനും വലിയ സ്വീകരണം പ്രേക്ഷകർക്കിടയിൽ ചുരുങ്ങിയ കാലയളവിൽ‌ ലഭിച്ചിരുന്നു.