വസ്ത്രം വരെ സെലക്ട് ചെയ്തു, എന്നാൽ സംഭവിച്ചത്, ആലീസിന്റെ വിവാഹത്തിന് പോകാഞ്ഞതിനെ കുറിച്ച് ആനന്ദ്

ആലീസും സജിനും വിവാഹ ശേഷം ആനന്ദിന്റെ വീട്ടിൽ വിരുന്ന് വന്നപ്പോഴാണ് ഇരുകുടുംബങ്ങളും തമ്മിലുള്ള അടുപ്പത്തെ കുറിച്ചും വിവാഹത്തിൽ പങ്കെടുക്കാൻ കഴിയാഞ്ഞതിനെ കുറിച്ചും വെളിപ്പെടുത്തിയത്. കല്യാണത്തിന് ശേഷമുള്ള ഇവരുടെ ആദ്യത്തെ വിരുന്നായിരുന്നു ഇത്. കുടുംബാംഗങ്ങളുടെ വീട്ടിൽ പോലും പോകാതെയായിരുന്നു ഇരുവരും ഉവിടെ എത്തിയത്. ക്രിസ്തുമസ് ദിനസ്പെഷ്യലായിട്ടാണ് വീഡിയോ പങ്കുവെച്ചിരിക്കുന്നത്. ഇത് വൈറൽ ആയിട്ടുണ്ട്.

ഷൂട്ടിംഗ് തിരക്ക് ആയത് കൊണ്ടാണ് വിവാഹത്തിന് പോകാൻ സാധിക്കാതിരുന്നതെന്ന് പറഞ്ഞ് കൊണ്ടാണ് ആനന്ദ് വീഡിയോ ആരംഭിച്ചിരിക്കുന്നത്. ഡേറ്റ് ഫിക്സ് ചെയ്തപ്പോൾ ആലീസ് തന്നെ വിളിച്ച പറഞ്ഞിരുന്നുവെന്നും ആനന്ദ് പറയുന്നു. വിവാഹത്തിന് പോകാൻ വസ്ത്രം വരെ എടുത്തുവെന്നും എന്നാൽ ഷൂട്ടിംഗ് തിരക്ക് കൊണ്ട് വരാൻ സാധിച്ചില്ലെന്നാണ് ആനന്ദ് പറയുന്നത്. വിവാഹസമയത്തായിരുന്നു സുമിത്രയും മകൻ അനിരുദ്ധും അടുക്കുന്ന സീനുകൾ ചിത്രീകരിച്ചതെന്നും ആനനദ് പറയുന്നു. എന്നാൽ വിവാഹചടങ്ങ് നടക്കുന്നതിന്റെ തൊട്ട് മുൻപ് വരെ ആനന്ദിനെ പ്രതീക്ഷിച്ചുവെന്നും ആലീസും സജിനും കൂട്ടിച്ചേർത്തു

കൂടാതെ തനിക്ക് യൂട്യൂബ് ചാനൽ തുടങ്ങുന്നതിന് എല്ലാ പിന്തുണയും നൽകിയത് ആനന്ദ് ആണെന്നും ആലീസ് പറയുന്നുണ്ട്. യൂട്യൂബ് ചാനലിനെ കുറിച്ച് പറയവെയാണ് ഇക്കാര്യം പങ്കുവെച്ചത്. യൂട്യൂബ് ചാനൽ തുടങ്ങാൻ നല്ല ആഗ്രഹം ഉണ്ടായിരുന്നു. എന്നാൽ പ്രസന്റേഷനുമായി ബന്ധപ്പെട്ട് നിരവധി സംശയങ്ങൾ ഉണ്ടായിരുന്നുവെന്നും അതൊക്കെ മാറ്റി കണ്ടന്റുകളും മറ്റ് നിർദ്ദേശങ്ങളും തന്നത് ആനന്ദ് ആയിരുന്നു എന്നാണ് ആലീസ് പറയുന്നത്. സജിന് ഇപ്പോഴും ക്യാമറയോടുള്ള പേടി മാറിയിട്ടില്ലെന്നും ആലീസ് ഈ അവസരത്തിൽ പറഞ്ഞു.

Recommended Video

Alice Christy Wedding Reception, Watch Video | FilmiBeat Malayalam

കൂടാതെ വിവാഹ ശേഷം സജിന്റെ നാട്ടിലെത്തിയപ്പോഴുണ്ടായ പ്രേക്ഷകരുടെ സ്വീകാര്യതയെ കുറിച്ചും ആലീസ് പറയുന്നു. സജിന്റെ വീട്ടിൽ ആരും അധികം സീരിയൽ കാണില്ലെങ്കിലും നാട്ടുകാരിൽ നിന്നൊക്കെ നല്ല സ്വീകാര്യതയാണ് ലഭിക്കുന്നത്. സജിൻ വന്നത് ശേഷം തനിക്ക് നല്ല സമയമാണെന്നാണ് ആലീസ് പറയുന്നു. തനിക്ക് രാശി തെളിഞ്ഞ് നിൽക്കുകയാണ്. രണ്ടാമത്തെ സീരിയൽ ലഭിക്കുന്നത് വിവാഹത്തിനോട് അനുബന്ധിച്ചായിരുന്നു. യൂട്യൂബ് ചാനലും മികച്ച രീതിയിൽ മുന്നേറുകയാണെന്നും ആലീസ് പറയുന്നു. സീകേരളം സംപ്രേക്ഷണം ചെയ്യുന്ന മിസിസ് ഹിറ്റ്ലർ സൂര്യ ടിവിയിലെ ഒരു പരമ്പരയുമാണ് നടി ഇപ്പോൾ ചെയ്യുന്നത്. മികച്ച ആരാധകരാണ് നടിക്കുള്ളത്.