'ബേബീസ് ലോഡിങ്', സൗഹൃദം പുതുക്കി ന്യൂജെൻ അമ്മമാർ, വൈറലായി കുടുംബവിളക്ക് താരങ്ങളുടെ ചിത്രങ്ങൾ!

സിദ്ധാർഥിൽ നിന്നും വിവാഹമോചനം കിട്ടിയ സുമിത്രയ്ക്ക് പിന്നീടങ്ങോട്ട് രാശിയോടെയുള്ള മുന്നേറ്റമായിരുന്നു. എന്നാൽ വേദികയെ വിവാഹം കഴിച്ചതോടെ സിദ്ധാർത്ഥിന് മോശം സമയം ആരംഭിച്ചു. പരമ്പരയുടെ ഏറ്റവും പുതിയ വിശേഷം കേന്ദ്ര കഥാപാത്രമായ സുമിത്രയുടെ പിറന്നാളാണ്. വീട്ടിലെ തന്റെ ആദ്യത്തെ പിറന്നാൾ ആഘോഷമാണെന്ന് സുമിത്ര തന്നെ പറയുന്നുണ്ട്. അതുതന്നെയാണ് ആഘോഷത്തിന്റെ ഏറ്റവും വലിയ ഘടകവും. ആദ്യമായി ഒരു പിറന്നാൾ ആഘോഷിക്കപ്പെടുമ്പോഴുള്ള എല്ലാവിധ ഒരുക്കങ്ങളുമായാണ് ഇവിടേയും പിറന്നാൾ ആഘോഷങ്ങൾ നടക്കുന്നത്. എല്ലാ ബന്ധുമിത്രാധികളേയും ക്ഷണിച്ചുകൊണ്ടുള്ള ഒരു ഗംഭീര ആഘോഷം തന്നെയാണ് വീട്ടിൽ നടക്കാൻ പോകുന്നത്. സുമിത്രയുടെ ആദ്യ ഭർത്താവായ സിദ്ധാർഥിനേയും പിറന്നാളിന് ക്ഷണിച്ചിട്ടുണ്ട്. എന്നാൽ ആഘോഷം മുടങ്ങുന്ന ലക്ഷണമാണ്. ഉടൻ വരാമെന്ന് പറഞ്ഞ് വീട്ടിൽ നിന്നും പോയ സുമിത്രയുടെ മകൻ അനിരുദ്ധ് തിരിച്ച് വന്നിട്ടില്ല. അവൻ വരുന്നതും കാത്ത് സുമിത്രയും സീരിയൽ പ്രേക്ഷകരും ഇരിക്കുകയാണ്.

കുടുംബവിളക്കിലെ താരങ്ങളായിരുന്ന ആതിര മാധവും പാർവതി വിജയിയും നാളുകൾക്ക് ശേഷം കണ്ടുമുട്ടിയതിന്റെ ഫോട്ടോകൾ ഇരുവരും ഇപ്പോൾ സോഷ്യൽമീഡിയയിൽ പങ്കുവെച്ചിരിക്കുകയാണ്. രരണ്ടുപേരും ആദ്യത്തെ കൺമണിക്കായുള്ള കാത്തിരിപ്പിലാണ്. പാർവതി വിജയ് കുടുംബവിളക്കിൽ ശീതൾ എന്ന കഥാപാത്രത്തെയായിരുന്നു അവതരിപ്പിച്ചിരുന്നത്. പിന്നീട് വിവാഹം നടന്ന ശേഷം താരം സീരിയലിൽ നിന്നും പിന്മാറി. അനിരുദ്ധിന്റെ ഭാര്യ അനന്യ എന്ന കഥാപാത്രത്തെയാണ് ആതിര മാധവ് കുടുംബവിളക്കിൽ അവതരിപ്പിക്കുന്നത്. പാർവതിക്ക് പിന്നാലെ ആതിരയും ഇപ്പോൾ പരമ്പരയിൽ നിന്നും പിന്മാറിയിരിക്കുകയാണ്. ​ഗർഭിണിയായതിനാൽ ശാരീരിക ബുദ്ധിമുട്ടുകൾ ഉണ്ടെന്നും അതിനാലാണ് പിന്മാറുന്നതെന്നും ആതിര അറിയിച്ചിരുന്നു. ​ഗർഭിണി ആയശേഷം ആദ്യമായാണ് പാർവതിയും ആതിരയും കാണുന്നത്. ആസന്തോഷവും ഇരുവരും ഫോട്ടോകൾ പങ്കുവെച്ച് സോഷ്യൽമീഡിയയിൽ കുറിച്ചു. നടി മൃദുല വിജയിയുടെ സഹോദരിയാണ് പാർവതി വിജയ്.

Recommended Video

ഹണിമൂൺ പ്ലാൻ വെളിപ്പെടുത്തി | Apsara and Alby Exclusive Interview | Part 2 | Filmibeat Malayalam

എന്റെ സ്വീറ്റിയോടൊപ്പമുള്ള മനോഹര നിമിഷങ്ങൾ എന്ന ക്യാപ്ഷനോടെയായാണ് പാർവതി ഫോട്ടോ പോസ്റ്റ് ചെയ്തത്. ഭർത്താവ് അരുണാണ് ചിത്രം പകർത്തിയതെന്നും പാർവതി കുറിച്ചിരുന്നു. ഒന്നാം വിവാഹ വാർഷിക ദിനത്തിലായിരുന്നു ആതിര ‌കുഞ്ഞ് പിറക്കാൻ പോകുന്ന സന്തോഷത്തെ കുറിച്ച് പറഞ്ഞത്. അഞ്ചാം മാസമാണെന്നും അഭിനയിക്കാൻ പറ്റുന്നിടത്തോളം അഭിനയിക്കുമെന്നും അന്ന് താരം പറഞ്ഞിരുന്നു. കുടുംബവിളക്ക് താരങ്ങളെ ഒരുമിച്ച് കാണാൻ സാധിച്ച സന്തോഷത്തിലാണ് ഇരുവരുടേയും ആരാധകരും.