'മൂന്ന് ദിവസത്തോളം വേദന തിന്നു, കുഞ്ഞിന്റെ പൊസിഷനിൽ പ്രശ്നങ്ങളുണ്ടായിരുന്നു'; ​ആതിര മാധവ് പറയുന്നു!

ഇപ്പോൾ ​ഗർഭകാലം തനിക്ക് എങ്ങനെയായിരുന്നുവെന്ന് വിവരിച്ചുള്ള വീഡിയോ പങ്കുവെച്ച് എത്തിയിരിക്കുകയാണ് ആതിര മാധവ്. 'ഏഷ്യാനെറ്റിലെ കോമഡി മാമാങ്കം പരിപാടിക്കായി ഞാൻ മൂന്ന്, നാല് ദിവസം തകർത്ത് ഡാൻസ് പ്രാക്ടീസായിരുന്നു. ആ പരിപാടി കഴിഞ്ഞ ശേഷമാണ് ​ഗർ‌ഭിണിയാണെന്ന് തിരിച്ചറിഞ്ഞത്. ഡോക്ടറെ കണ്ട് ചെക്കപ്പ് നടത്തിയപ്പോൾ ഷൂട്ടിങ് നിർത്തേണ്ട ആ‌വശ്യമില്ലെന്ന് അറിയിച്ചു. അങ്ങനെയാണ് ​ഗർഭിണിയാണെന്ന് അറിഞ്ഞ ശേഷവും ഷൂട്ടിങിന് മുടങ്ങാതെ പോയത്. ശാരീരിക ബു​ദ്ധിമുട്ട് ഇല്ലായിരുന്നുവെങ്കിൽ കൂടിയും നിർത്താതെ ചർദ്ദിയായിരുന്നു. പേസ്റ്റിന്റെ മണം പോലും ശ്വസിക്കാൻ കഴിയുമായിരുന്നില്ല.'

'നോൺ വെജ് ഇല്ലാതെ ഭക്ഷണം ഇറങ്ങാത്ത ഞാൻ പിന്നീട് ഛർദ്ദി വന്നതോടെ വെജിറ്റേറിയനായി. പല ഭക്ഷണങ്ങളും ഒഴിവാക്കി. എല്ലാം പരീക്ഷിക്കും അതിൽ ബുദ്ധിമുട്ടില്ലാത്തത് കഴിക്കും എന്നതായിരുന്നു എന്റെ രീതി. പലപ്പോഴും ഛർദ്ദി കാരണൻം സെറ്റിൽ തലകറങ്ങി വീണിട്ടുണ്ട്. പലപ്പോഴും രാജീവ് സെറ്റിൽ നിന്ന് എന്നെ നേരിട്ട് ആശുപത്രിയിലേക്ക് കൊണ്ടുപോയി അഡ്മിറ്റ് ചെയ്യേണ്ടി വന്നിട്ടുണ്ട്. ​ഗർഭകാലത്ത് വെറുതെ ഇരിക്കാൻ ശ്രമിച്ചിട്ടില്ല. എന്നെ എപ്പോഴും ഞാൻ സന്തോഷമായി വെക്കാറുണ്ടായിരുന്നു. സെറ്റിൽ തലകറങ്ങി വീണത് കുടുംബവിളക്ക് ടീമിനെ മൊത്തം ഭയപ്പെടുത്തിയ ഒന്നായിരുന്നു. ആറാം മാസത്തിൽ എത്തിയപ്പോഴാണ് അഭിനയം നിർത്തിയത്.'

'ഛർദ്ദി കൂടിയപ്പോൾ ക്ഷീണവും വർധിച്ചു. ഒറ്റയ്ക്ക് സെറ്റിൽ പോയിരുന്ന ‍ഞാൻ‌ പിന്നീട് അമ്മയുെട സഹായം തേടാൻ തുടങ്ങി. സീരിയൽ അഭിനയം നിർത്തിയ ശേഷവും ഫോട്ടോഷൂട്ടുകൾ, ഇവന്റുകൾ എന്നിവയെല്ലാം നടത്തി ഞാൻ സജീവമായിരുന്നു. ​ഗർഭകാലത്ത് ഒരു കോംപ്ലിക്കേഷനും ഉണ്ടായിരുന്നില്ല. മൂഡ്സ്വിങ് പോലും എനിക്ക് വളരെ വിരളമായിരുന്നു. മാർച്ച് 31 മുതൽ എനിക്ക് വേദന എടുക്കാൻ തുടങ്ങിയിരുന്നു. ആദ്യമൊന്നും കാര്യമാക്കിയില്ല. പിന്നെ ഓരോ അരമണിക്കൂറിലും വേദന വന്ന് തുടങ്ങിയതോടെയാണ് ആശുപത്രിയിൽ അഡ്മിറ്റായത്. മൂന്ന് ദിവസത്തോളം വേദന തിന്നു.'

Recommended Video

ജോൺ പോളിനെ അവസാനമായി കാണാൻ എത്തിയ മലയാള സിനിമയിലെ സൂപ്പർ താരങ്ങൾ | Filmibeata Malayalam

'കുഞ്ഞിന്റെ തലയുടെ പൊസിഷൻ ശരിയാകാൻ വേണ്ടി ഡോക്ടർമാർ കാത്തിരുന്നു അതുകൊണ്ടാണ് വേദന മൂന്ന് ദിവസത്തോളം സഹിക്കേണ്ടി വന്നത്. ശേഷം അവൻ വന്നു.... കുഞ്ഞിനെ പ്രസവിച്ച് എന്റെ വയറിൽ കിടത്തിയപ്പോൾ ആ മൂന്ന് ദിവസം അനുഭവിച്ച വേദന ഞാൻ മറന്നുപോയി. പിന്നെ കുഞ്ഞായി എന്റെ ലോകം. എല്ലാ അമ്മമാർക്കും അങ്ങനെ തന്നെയായിരിക്കും' ആതിര മാധവ് പറഞ്ഞു. ആതിര മാധവിന്റെ വളൈകാപ്പ് ചടങ്ങിന്റെ വീഡിയോകളും ഫോട്ടോകളും സോഷ്യൽമീഡിയയിൽ വൈറലായിരുന്നു. അവതാരികയായിട്ടാണ് തുടക്കമെങ്കിലും കുടുംബവിളക്കിലെ കഥാപാത്രമാണ് ആതിരയ്ക്ക് ആരാധകരെ നേടികൊടുത്തത്.